Հայ
ՌԱԿ
Թէքէեան Մշակութային Միութեան Լոս Անճելըսի մասնաճիւղի տարեկան գործունէութեան տեղեկագիր 2016-2017
Յունիս 15 , 2017 , 15:52
Թէքէեան Մշակութային Միութեան Լոս Անճելըսի մասնաճիւղի տարեկան գործունէութեան տեղեկագիր 2016-2017

Մասնաճիւղի վարչական անդամներն էին՝

Վաչէ Սեմերճեան               ատենապետ

Բարսեղ Գարթալեան         փոխ ատենապետ

Անի Գարթալեան                ատենադպիր

Վահան Ոսկեան                  գանձապահ

Լիլիթ Քէհէեան                    խորհրդարան

Կարօ Այալթըն                     խորհրդարան

Տիգրան Էքիզեան                խորհրդարան

Մելօ Էքիզեան                      խորհրդարան

Սօսի Սեմերճեան                խորհրդարան

Մինաս Գոճայեան              խորհրդարան

Նազիկ Գոճայեան               խորհրդարան

Մարալ Ոսկեան                   խորհրդարան

Վարչութիւնը ունեցաւ 15 վարչական ժողովներ եւ մշակութային հետեւեալ ձեռնարկները.

1. Տարեկան անդամական ընդհանուր ժողովը տեղի ունեցաւ Կիրակի, Ապրիլ 3, 2016 կէսօրին, Վահան եւ Մարալ Ոսկեաններու բնակարանը, Նորթրիճ, ատենապետութեամբ Վաչէ Սեմերճեանի եւ ատենադպրութեամբ տիկին Հայկուհի Փաթափութեանի։ Ներկայ էին 39 անդամներ։ Տեղի ունեցաւ վարչութեան գործունէութեան եւ ելեւմտական տեղեկագրերու քննարկում եւ վաւերացում։

2. Հրապարակային հանդիսութիւն «Ցեղին ցաւի, ցեղին ոյժի» գրագէտները։ Ապրիլեան ոգեկոչման ձեռնարկներու շարքին մաս կազմող այս յոյժ կարեւոր հանդիսութիւնը տեղի ունեցաւ Հինգշաբթի, Ապրիլ 28, 2016ին ԹՄՄի Պէշկէօթիւրեան կեդրոնին մէջ, Փասատինա։ Հանդիսավար՝ Բարսեղ Գարթալեան։

Օրուան բանախօսն էր Փրոֆ. Օշին Քէշիշեան։ Ասմունքով եւ ընթերցանութեամբ ելոյթ ունեցան Լորա Գույումճեան (Դանիէլ Վարուժան, Գրիգոր Զօհրապ), Մելօ Էքիզեան (Ռուբէն Սեւակ) Լիլիթ Քէհէեան (Ռուբէն Զարդարեան, Թլկատինցի), Ռոզալին Մատոյեան (Սիամանթօ), Հրաչ Սեփեթճեան (Երուխան)։

Երաժշտական բաժնին իրենց մասնակցութիւնը բերին Ալպէրթ Վարդանեան (շուի եւ տուտուկ), Սալբի Մայիլեան (երգ), Լիլիթ Խոճայեան (քանոն)։

Հանդիսութիւնը ապրիլեան խորհուրդի վայել բարձրորակ կատարում մըն էր։ Եօթը նահատակ գրագէտներուն մեծադիր լուսանկարները պատրաստուած եւ ցուցադրուած էին շնորհիւ Տիգրան Էքիզեանի ճաշակաւոր մտայղացումին։

3. Յուշահանդէս-գինեձօն Յարութիւն Մաթեանի (1930-2015) «Պարգեւին օրերուն» բանաստեղծութեանց հատորի լոյս ընծայումին առիթով։ Ելոյթ ունեցան Սարգիս Վահագն (Մաթեանի վաստակը), Փրոֆ. Օշին Քէշիշեան (Մաթեան մարդը), արուեստագէտ Վազգէն Մաթեան (գիրքին մասին)։ Հանդիսավար՝ Լիլիթ Քէհէեան։ Ձեռնարկը տեղի ունեցաւ Կիրակի, Յուլիս 31, 2016, երեկոյեան, ԹՄՄ-ի Պէշկէօթիւրեան կեդրոնին մէջ, Փասատինա։

4. Հրապարակային հանդիսութիւն «Սրբազան Պապին Հայաստան այցելութեան պատմական արժէքը» նիւթին շուրջ։ Դասախօս Դոկտ. Տէր Զաւէն Աւագ Քահանայ Արզումանեան։ Հանդիսավար Բարսեղ Գարթալեան։ Տեղի ունեցաւ այցելութեան ժապաւէնի ցուցադրութիւն։

Ձեռնարկը կայացաւ Հինգշաբթի, Սեպտեմբեր 1, 2016, երեկոյեան, ԹՄՄ-ի Պէշկէօթիւրեան կեդրոնին մէջ, Փասատինա։

5. Հրապարակային հանդիսութիւն։ Նիւթ «Մելգոնեան Կրթական Հաստատութեան 90ամեակի հանդիսութիւնները»։ Խօսք առին հանդիսութեան ներկայ գտնուող Մինաս Գոճայեան եւ Գէորգ Յակոբեան։ Ցուցադրուեցաւ հանդիսութեանց վիտէօ-ժապաւէնը։ Ձեռնարկը տեղի ունեցաւ գործակցութեամբ Մելգոնեան Կրթական Հաստատութեան Շրջանաւարտներու Միութեան, Հինգշաբթի, Սեպտեմբեր 15, 2016, երեկոյեան, ԹՄՄի Պէշկէօթիւրեան կեդրոնին մէջ, Փասատինա։

6. Հրապարակային գնահատանք Գերսամ Ահարոնեան-100 (1916-2016)։ Խօսք առին Գերսամ Ահարոնեանի երբեմնի ուսանողներ Արփի Սիմոնեան, Սիւզի Պահատրեան, Արա Ահարոնեան, Վաչէ Սեմերճեան։ Հանդիսավար Փրոֆ. Օշին Քէշիշեան։ Գեղարուեստական յայտագրի ընթացքին, Տիգրան Էքիզեանի կարգադրութեամբ՝ լսուեցաւ Գերսամ Ահարոնեանի ձայնը, հատուած մը՝ վերցուած Ցեղասպանութեան տարեդարձի մը բանախօսութենէն։

Ձեռնարկը տեղի ունեցաւ Կիրակի, Նոյեմբեր 13, 2016, երեկոյեան, ԹՄՄի Պէշկէօթիւրեան կեդրոնին մէջ, Փասատինա։

7. Նկարչական ցուցահանդէս արուեստագիտուհի Սուզան Յակոբեանի իւղանկար գործերուն։ Պաշտօնական բացումը տեղի ունեցաւ Չորեքշաբթի, 16 Նոյեմբեր 2016, երեկոյեան, ԹՄՄի Պէշկէօթիւրեան կեդրոնին մէջ, Փասատինա եւ շարունակուեցաւ Հինգշաբթի, 17 եւ Ուրբաթ, 18 Նոյեմբերին, նոյն վայրին մէջ։

8. Հրապարակային գնահատանք Վահրամ Մավեանի ծննդեան 90ամեակին առիթով (1926-1983)։ Խօսք առին Մելօ Էքիզեան, Կարօ Այալթըն, Վաչէ Սեմերճեան։ Գրաւոր սրտի խօսքեր ուղարկած էին Պենոն Սեւան (Կիպրոս), Վարդան Թաշճեան (Կիպրոս), Գէորգ Մալիքեան (Լոնտոն), որոնցմէ հատուածներ կարդաց հանդիսավար Բարսեղ Գարթալեան։ Տպաւորիչ էր լսել Մավեանի ձայնով բանաստեղծութեանց ընթերցումը։

Ձեռնարկը տեղի ունեցաւ Կիրակի, Նոյեմբեր 27, 2016, երեկոյեան, ԹՄՄի Պէշկէօթիւրեան կեդրոնին մէջ, Փասատինա։

9. Երաժշտական բացառիկ յայտագիր

Harmony Chamber Orchestra ղեկավար երիտասարդ տաղանդաւոր խմբավար Թալին Գույումճեան, մասնակցութեամբ 18 երիտասարդ երաժիշտներու։ Բարձրորակ յայտագրով այս բացառիկ ձեռնարկը տեղի  ունեցաւ Կիրակի, Դեկտեմբեր 4, 2016, երեկոյեան, ՀԲԸ Միութեան Աղաճանեան սրահին մէջ, Քանոկա Փարք, մեծ խանդավառութիւն ստեղծելով հոծ թիւով ներկաներուն մօտ։ Մուտքի նուէրն էր 25 տոլար։

Ձեռնարկը միասնաբար կազմակերպած էին ԹՄՄի Լոս Անճելըսի եւ ՀԲԸ Միութեան Հովիտի մասնաճիւղերը։

Գնահատելով պէտք է արձանագրել Օրդ. Լորա Գույումճեանի յղացումն ու նշանակելի սատարը այս հոյակապ ձեռնարկի յաջողութեան։

10. Հրապարակային ձեռնարկ. նիւթ՝ Թէքէեան Մշակութային Միութեան գործունէութիւնները սփիւռքի եւ Հայաստանի մէջ։ Զեկուցողն էր ԹՄՄի Կեդրոնական Վարչութեան վարիչ-քարտուղար Արամ Արքուն։ Ձեռնարկը տեղի ունեցաւ Ուրբաթ, Դեկտեմբեր 9, 2016, երեկոյեան, ԹՄՄի Պէշկէօթիւրեան կեդրոնին մէջ, Փասատինա։

11. Հրապարակային ներկայացում գրող Սարգիս Վահագնի նոր հրատարակած «Ծաղկաքաղ պատմութիւններու» հատորին։ Գիրքը հրատարակութիւնն է Թէքէեան Մշակ. Միութեան Կեդրոնական Վարչութեան։ Խօսք առին Քալիֆորնիոյ Հայ Գրողներու Միութեան ատենապետ Հենրիկ Անասեան եւ Վաչէ Սեմերճեան։ Գեղարուեստական յայտագրին մասնակցեցան Շուշան Յակոբեան (դաշնամուր) եւ Ռուբէն Աղէեան (ջութակ), Մելօ Էքիզեան (ընթերցում)։

Հրատարակուած գրքին բովանդակութեան մասին հեղինակին հետ հարցազրոյցը վարեց Լիլիթ Քէհէեան։

Աւարտին, հեղինակը իր նոր հրատարակուած գիրքէն օրինակներ մակագրեց գրասէրներուն։ Հանդիսավար՝ Բարսեղ Գարթալեան։ Ձեռնարկը տեղի ունեցաւ Հինգշաբթի, Մարտ 16, 2017 երեկոյեան, Հայ Կաթողիկէ Ս. Գրիգոր Լուսաւորիչ եկեղեցւոյ «Գույումճեան» սրահին մէջ, Կլենտէյլ։

Առ ի տեղեկութիւն, յիշենք նաեւ, որ Թէքէեան Մշակութային Միութեան Կեդրոնական Վարչութեան հրատարակչականէն այս տարի (2016) լոյս տեսաւ նաեւ երկրորդ հատոր մը «Սիրոյ պրիսմակ», հեղինակ Գէորգ Կարապետեան (Ռինօ, Նեվատա)։

12. Մտքերու փոխանակման հրապարակային երեկոյ, նուիրուած գրականագէտ, հրապարակախօս Ստեփան Թոփճեանի վերջերս հրատարակուած «Կարիճի Տարի» հատորին։ Գիրքը ներկայացուց հեղինակը, որմէ ետք պատասխանեց հանդիսավար Լիլիթ Քէհէեանի եւ ներկաներուն հարցերուն։ Ձեռնարկը տեղի ունեցաւ Կիրակի, Ապրիլ 30, 2017, երեկոյեան, ԹՄՄի Պէշկէօթիւրեան կեդրոնին մէջ, Փասատինա։

***

Տարեկան մեր տեղեկագիրը լրիւ եղած պիտի չըլլար եթէ մեր գնահատանքը յայտնած չըլլայինք սիրայօժար իրենց աջակցութեան համար Կարօ Այալթընին, որ մեր թղթատարական եւ հրաւիրատոմսերու առաքումներուն անուն-հասցէապիտակներ կը պատրաստէ ու կը սրբագրէ տարիներէ իվեր եւ Արա Ահարոնեանին, որ կանոնաւորապէս մեր ձեռնարկներու թղթակցութիւնները կը պատրաստէ եւ կը հասցնէ ամերիկահայ մամուլին, լուսանկարներով միասին, առ ի հրատարակութիւն եւ բոլոր անոնց որոնք կամաւորապէս իրենց օժանդակութիւնը կը բերեն մասնաճիւղիս գործունէութեան մէջ։ Շնորհակալութիւն բոլորին։

 

Անի Գարթալեան                            Վաչէ Սեմերճեան

Ատենադպիր                                    Ատենապետ

 

 

Լրահոս - 25 Փետրուար 2020
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։