Հայ
ՌԱԿ
«Արմենփրէս»ը եւ «ՌԱԿ Մամուլ»ը համագործակցութեան հարթակ կը ձեւաւորեն. «Արմենփրէս»-ը պիտի ունենայ արեւմտահայերէն բովանդակութիւն
Օգոստոս 24 , 2017 , 17:33
«Արմենփրէս»ը եւ «ՌԱԿ Մամուլ»ը համագործակցութեան հարթակ կը ձեւաւորեն. «Արմենփրէս»-ը պիտի ունենայ արեւմտահայերէն բովանդակութիւն

«Արմենփրէս» լրատուական գործակալութիւնը եւ «ՌԱԿ Մամուլ» համացանցային կայքը կը ձեւաւորեն համագործակցութեան հետաքրքրական հարթակ, որ հնարաւորութիւն կու տայ հայկական պետական լրատուական գործակալութեան տեղեկատուական նիւթերը հասանելի դարձնել Սփիւռքի շարք մը լրատուական միջոցներու, ինչպէս նաեւ ձեւաւորել արեւմտահայերէն բովանդակութիւն «Արմենփրէս»ի համար: «Արմենփրէս» լրատուական գործակալութեան մամուլի սրահին մէջ, գործակալութեան տնօրէն Արամ Անանեան եւ «Զարթօնք» օրաթերթի գլխաւոր խմբագիր, «ՌԱԿ Մամուլ» (ragmamoul.net) համացանցային հարթակի պատասխանատու տնօրէն Սեւակ Յակոբեանը ստորագրեցին համագործակցութեան յուշագիր: 

 

«Արմենփրէս»-ի հետ զրոյցի ընթացքին՝ Սեւակ Յակոբեան նախ անդրադարձաւ լրատուութիւնը օգտագործելու բարոյագիտութեան եւ հեղինակային իրաւունքը յարգելու կարեւորութեան: Անոր խօսքով` լրատուութիւնը, հակառակ իր առանձնայատկութեան, նոյնպէս արտադրութիւն է ինչպէս որեւէ ապրանքի արտադրութիւնը: «Հետեւաբար, այդ լուրը կը պատկանի արտադրող հաստատութեան: Հայկական իրականութեան մէջ կամ ընդհանրապէս նորօրեայ «մշակոյթի» մէջ դժբախտաբար, սովորական երեւոյթ դարձած է ուրիշին արտադրած լուրը վերցնել եւ գործածել` առանց մտածելու, թէ ատոր համար որքան ծախս եղած է, որքան մարդ աշխատած է այդ բովանդակութեան վրայ: Իմ կարծիքով` ասիկա բանագողութիւն է, որովհետեւ նոյնն է, եթէ ոեւէ մէկը ուրիշի արտադրած հագուստը իւրացնէ եւ վաճառէ: Նախ մենք մեզ յարգելու, ապա՝ ուրիշներուն լաւ օրինակ ծառայելու համար` մենք որոշեցինք համագործակցութեան նման համաձայնագիր կնքել, որպէսզի կարենանք օրինական ճանապարհով օգտուիլ մէկս միւսին արտադրած լուրերէն»,- ըսաւ Յակոբեանը։

Ան կարեւոր համարեց նաեւ լուրերու հաւաստիութիւնը, ընդգծելով որ մեր օրերուն, ամէն տեղ, ամէն տեսակի լուր գոյութիւն ունի: «Ցաւ ի սիրտ, շատ մը պարագաներու ոչ շատերը ուշադրութիւն կը դարձնեն լուրի հաւաստիութեան ու լրջութեան եւ ասոր որպէս հետեւանք, անճիշդ լուրեր անխնայ կը տարածուին: Մեզի համար շատ կարեւոր է, որ մեր տարածած լուրը ըլլայ հաւաստի: Ի տարբերութիւն շատ մը լրատուութիւն օգտագործողներու, որոնք առանց լուրերը ստուգելու կը տարածեն զանոնք, մեզի համար կարեւոր է նման համաձայնագիր ունենալ «Արմենփրէս»ի հետ, որուն արտադրած լուրերուն հաւաստիութեան ու լրջութեան վրայ ոչ ոք կասկած ունի»,- ընդգծեց Սեւակ Յակոբեանը:

Ան աւելցուց, որ ստորագրուած համաձայնագիրով «Արմենփրէս» լրատուական գործակալութեան լուրերէն օգտուելու իրաւասութիւն կը ստանան «ՌԱԿ Մամուլ» կայքը, «Զարթօնք» օրաթերթը, «Նոր Օր» շաբաթաթերթը, «Սարտարապատ» շաբաթաթերթը, եւ «Հայ Կեանք» պարբերաթերթը:

Այս առիթով՝ Յակոբեան երախտագիտութեամբ յիշեց ՌԱԿ Կեդրոնական Վարչութեան ատենապետ՝ Սերխիօ Նահապետեանն ու Թէքէեան Մշակութային Միութեան Հիմնադիրներու Մարմնի ատենապետ՝ Յակոբ Գասարճեանը եւ իրենց գլխաւորած վարչութիւնները,  նշեալ թերթերը հովանաւորելուն համար եւ իրեն հանդէպ ունեցած անվերապահ վստահութեան եւ իր անձին հետ անսակարկ գործակցութեան համար: Ան շնորհակալութիւն յայտնեց նաեւ յիշեալ թերթերու խմբագիրներուն՝ իրենց գործակցութեան ազնիւ ոգիին համար:

«Սփիւռքի մէջ գործող այս լրատուամիջոցները հնարաւորութիւն պիտի ունենան օգտուելու «Արմենփրէս»-ի լրահոսէն եւ զերծ մնալու ոչ հաւաստի լուրեր հրապարակելու վտանգէն: Այս առիթով կոչ կ’ընենք Հայրենիքի եւ Սփիւռքի մեր բոլոր գործընկերներուն եւս օգտուելու «Արմենփրէս» լրատուական գործակալութեան հաւաստի լրահոսէն»,- եզրափակեց Յակոբեան:

«Արմենփրէս» լրատուական գործակալութեան տնօրէն Արամ Անանեան, իր կարգին, ընդգծեց, որ կը սկսին որակապէս նոր նախագիծ, որուն հիմքը ունի երեք հիմնական իմացաբանական կէտ: «Առաջին կէտը այն է, որ Սփիւռքի մեր գործընկերները հասանելիութիւն ունենան որակեալ լրատուութեան, եւ մենք առաջին քայլը այս ուղղութեամբ կ՝ընենք սփիւռքահայ մամուլի ջահակիրներէն մէկուն` «ՌԱԿ Մամուլ»-ին հետ: Այս համագործակցութիւնը հնարաւորութիւններու դուռ կը բանայ նաեւ բազմաթիւ այլ նոր  գործընկերներու հետ»,- նշեց Արամ Անանեանը:

Երկրորդ կէտը բովանդակութեան օրինական օգտագործումն է: «Մենք համամիտ ենք այն տեսակէտին, որ լրատուական արտադրանքի օգտագործումը պէտք է ըլլայ ազնիւ եւ օրինական հիմքերու վրայ եւ այս համաձայնութեամբ մենք ուղերձ մըն է, որ կը յղենք թէ՛ Հայաստանի եւ թէ՛ Սփիւռքի մեր բոլոր գործընկերներուն: Շատ ուրախ ենք, որ համագործակցութիւն կը սկսինք սփիւռքահայ մամուլի առաջամարտիկներէն մէկուն հետ: Յոյսով ենք, այս օրինակը վարակիչ կը դառնայ»:

Երրորդ կէտը, որ նոյնքան կարեւոր է, «Արմենփրէս»-ի լրահոսի մէկ մասին, «Զարթօնք»ի հետ գործակցութեամբ, արեւմտահայերէն տարբերակ ունենալն է: «Ասիկա մեր համատեղ արտադրանքն է, որ միտուած է մէկ նպատակի` արեւմտահայերէնով բովանդակութեան բազմացման, եւ արեւմտահայ գրական լեզուի յառաջընթացին: Կը կարծենք, որ ասիկա մեր փոքր ներդրումը պիտի ըլլայ, այս նպատակի իրագործման մէջ»,- նշեց «Արմենփրէս» լրատուական գործակալութեան տնօրէնը:

Արամ Անանեան կարեւոր կը համարէ նաեւ այն հանգամանքը, որ 80ամեայ պատմութիւն ունեցող «Զարթօնք» օրաթերթը մտած է զարգացման նոր շրջափուլ: «Եւ ընդհանրապէս «ՌԱԿ Մամուլ» կայքը՝ յառաջադէմ արհեստագիտութեան օգնութեամբ՝ լրատուութիւնը նոր մակարդակի բերելու լուրջ քայլեր կը ձեռնարկէ, որ մեծապէս կ’ողջունենք»,- ըսաւ Անանեան, նշելով, որ «Արմենփրէս» լրատուական գործակալութիւնը իր փորձով եւ հնարաւորութիւններով պատրաստ է օժանդակել իր գործընկերոջ:  

Արամ Անանեան կը կարծէ, որ ստորագրուած յուշագիրով մեկնարկող համագործակցութիւնը պիտի տայ ոչ թէ սովորական, այլ համագործակցական արդիւնք: «Այսինքն, նորարարական մօտեցումներ պէտք է որդեգրենք, եւ այդ մօտեցումները բաց են մեր բոլոր գործընկերներուն համար: «Արմենփրէս»ը` իբրեւ պետական համահայկական լրատուամիջոց՝ իր գործընկերոջ հետ կ’ազդադարէ նոր ու հետաքրքրական փուլի մեկնարկը, որ կրնայ շատ աւելի արդիւնաւէտ ըլլալ եւ ընթացքին ձեւաւորել լրատուական կիրառական եւ շօշափելի ցանց, որպէսզի տեղեկատուութեան տարածումը եւ փոխանցումը ըլլայ աւելի արդիւնաւէտ»,- ըսաւ ան:

«Արմենփրէս» լրատուական գործակալութեան տնօրէնը յիշեցուց, որ տարիներ առաջ, երբ տակաւին հեռատիպի ժամանակաշրջանն էր, կար «Արմենփրէս-Կռունկ» երեւոյթը, որ հեռատիպով իրար կը կապէր Երեւանը, Նիւ Եորքը, Փարիզը եւ Պէյրութը: «Այն ատեն «Զարթօնք»ը այդ տեղեկատուական հոսքի շահառուներէն մէկն էր, եւ մեզի կ’ուրախացնէ որ այսօր, «Կռունկ»էն տասնամեակներ ետք մենք որոշ չափով կը վերականգնենք զայն: Մենք վստահաբար կրնանք ըսել, որ յառաջիկային նոր հետաքրքրական ձեւաչափեր եւս պիտի կարենանք իրականացնել` սկսեալ լսատեսողական խորհրդաժողովներէն եւ համատեղ ասուլիսներէն, հասնելով միասնական, համատեղ լրատուական արտադրանքի նոր ձեւաչափերու ստեղծումի եւ տարածումի: Կը քաջալերենք մեր բոլոր գործընկերները հետեւելու մեր օրինակին եւ այդ ցանցը դարձնելու իրականութիւն` ի շահ Հայ ժողովուրդի մեր բոլոր լրատուամիջոցներուն»,- եզրափակեց Արամ Անանեանը:

Լրահոս - 19 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։