Հայ
ՌԱԿ
ՌԱԿ Կեդրոնական վարչութեան ատենապետ Ընկ. Սերխիօ Նահապետեան Լիբանանի մէջ
Հոկտեմբեր 12 , 2017 , 13:17
ՌԱԿ Կեդրոնական վարչութեան ատենապետ Ընկ. Սերխիօ Նահապետեան Լիբանանի մէջ

Հոկտեմբերի առաջին շաբթուան ընթացքին Լիբանանի մայրաքաղաք Պէյրութ կը գտնուէր Ռամկավար Ազատական Կուսակցութեան  Կեդրոնական վարչութեան ատենապետ Ընկ. Սերխիօ Նահապետեան, Արժանթինէն, որուն ընթացքին ան պաշտօնական հանդիպումներ ունեցած է պետական թէ ազգային վերին կառոյցներու ղեկավարութիւններու հետ, ընկերակցութեամբ ՌԱԿ Լիբանանի Շրջանային վարչութեան ատենապետ՝ Ընկ. Տոքթ. Աւետիս Տաքեսեանի, Լիբանանեան Խորհրդարանի մէջ ՌԱԿի նախկին երեսփոխան, ԹՄՄ Հիմնադիրներու Մարմնի ատենապետ՝ Ընկ. Յակոբ Գասարճեանի եւ ՌԱԿ Կեդրոնական վարչութեան ատենադպիր, «Զարթօնք» օրաթերթի խմբագիր՝ Ընկ. Սեւակ Յակոբեանի։

 

Լիբանանի նախագահ Միշէլ Աուն ընդունեց ՌԱԿ Կեդրոնական վարչութեան ատենապետը

 

Չորեքշաբթի, 4 Հոկտեմբեր 2017ին Պաապտայի Նախագահական ապարանքին մէջ Լիբանանի Հանրապետութեան նախագահ Զօր. Միշէլ Աուն ընդունած է ՌԱԿ Կեդրոնական վարչութեան ատենապետ Ընկ. Սերխիօ Նահապետեանը,  ընկերակցութեամբ ՌԱԿի պատուիրակութեան։

Խօսակցութիւնը կեդրոնացած է երկուստէք հետաքրքրող հարցերու շուրջ, որոնք վերաբերած են լիբանանահայութեան եւ Արժանթինի լիբանանեան գաղութին: Հանդիպումը առիթ եղած է միասնաբար քննարկելու Լիբանանն ու տարածաշրջանը յուզող հարցեր:

Աւարտին Ընկ. Նահապետեան շնորհակալութին յայտնելով զինք հրաւիրած է Արժանթին։

 

Այցելութիւն Խորհրդարանի նախագահ Նապիհ Պըրրիին

 

 

Երեքշաբթի, 3 Հոկտեմբեր 2017ին Այն Էլ Թինիի իր նստավայրին մէջ Լիբանանի Խորհրդարանի նախագահ Նապիհ Պըրրի ընդունած է ՌԱԿ Կեդրոնական Վարչութեան ատենապետ՝ Ընկ. Սերխիօ Նահապետեանը, ընկերակցութեամբ ընկերներ Գասարճեանի, Տոքթ. Տաքեսեանի եւ Յակոբեանի։

Հանդիպումը առիթ հանդիսացած է միասնաբար քննարկելու Լիբանանն ու տարածաշրջանը յուզող հարցեր: Ընկ. Սերխիօ Նահապետեան դրուատիքով արտայատուած է Պըրրիի արժանիքներուն մասին, յիշելով, որ ան ի պաշտօնէ դժուարին առաքելութիւն մը կը կատարէ նախագահելով համայնքային դրութեամբ խորհրդարանի մը:

Խօսակցութեանց ընթացքին զուգահեռներ գծուած են հայկական եւ լիբանանեան սփիւռքներու, ինչպէս նաեւ Արժանթինի եւ Լիբանանի օրէնսգիտութեանց միջեւ: 

Լիբանանի խորհրդարանի նախագահը մեծ գովեստով խօսած է լիբանանահայութեան, Լիբանանի հանդէպ անոնց տածած հաւատարմութեան եւ ցուցաբերած մեծ նպաստին մասին:

 

Վարչապետ Հարիրի ընդունեց ՌԱԿ Կեդրոնական վարչութեան ատենապետը

 

Երկուշաբթի, 2 Հոկտեմբերին, Վարչապետարանին մէջ Լիբանանի վարչապետ Սաատ Հարիրի ընդունած է ՌԱԿ Կեդրոնական Վարչութեան ատենապետ Ընկ. Սերխիօ Նահապետեանը, ընկերակցութեամբ ՌԱԿի պատուիրակութեան։

Ընկ. Սերխիօ Նահապետեան գնահատած է վարչապետին պետական մարդու արժանիքները, նշելով, որ ան ոչ մէկ ճիգ կը խնայէ Լիբանանը հեռու պահելու շրջանին սպառնացող խնդիրներէն, միեւնոյն ժամանակ հսկելով անոր ապահովութեան ու տնտեսական զարգացումին վրայ:

Ընկ. Նահապետեան երախտագիտութեամբ արտայայտուած է նահատակ վարչապետ Ռաֆիք Հարիրիի հայասէր ու մարդասէր արժանիքներուն մասին եւ ուրախութեամբ կարեւորած, որ անոր ձգած այս աւանդը կը շարունակուի իր զաւակին կողմէ:

Վարչապետ Սաատ Հարիրի իր կարգին բարի գալուստ եւ Լիբանանի մէջ բարի կեցութիւն մաղթելով ընկեր Նահապետեանին, խօսած է հայ ժողովուրդի հաւատարմութեան եւ Լիբանանի հանդէպ ունեցած անսակարկ սիրոյն մասին:

 

 

Հանդիպում՝ Հայաստանի դեսպան Սամուէլ Մկրտչեանին հետ

 

Հոկտեմբեր 6ին, ՌԱԿ Կեդրոնական Վարչութեան ատենապետ՝ Ընկ. Սերխիօ Նահապետեան իրեն ընկերակցող ՌԱԿի պատուիրակութեան հետ, այցելութիւն մը տուած է Լիբանանի մէջ Հայաստանի Հանրապետութեան դեսպանատուն, ուր ընդունուած է ՀՀ Լիազօր եւ արտակարգ դեսպան Սամուէլ Մկրտչեանի կողմէ: Հանդիպումին ներկայ գտնուած է նաեւ հիւպատոս Աշոտ Վարդանեան: Ընկ. Նահապետեան դեսպանին հետ արծարծած է Արժանթինի հայագաղութին այսօրը, ինչպէս նաեւ անոնք քննարկած են հայրենիքն ու սփիւռքը յուզող հարցեր։

 

Այց՝ Արամ Ա. կաթողիկոսին  

 

 

Հինգշաբթի, 5 Հոկտեմբերի առաւօտեան, Պիքֆայայի վանքի իր նստավայրի գրասենեակին մէջ` Մեծի Տանն Կիլիկիոյ Կաթողիկոս Արամ Ա. Վեհափառը ընդունած է ՌԱԿ Կեդրոնական վարչութեան ատենապետ՝ Ընկ. Սերխիօ Նահապետեանը ՌԱԿի պատուիրակութեան ընկերակցութեամբ։

Խօսակցութիւնը կեդրոնացած է հայրենիքն ու սփիւռքը յուզող հարցերու վրայ, մանաւանդ 6րդ համաժողովի անմիջական ազդեցութեան տակ։ Տեսակէտներն եւ մտահոգութիւննները եղած են նման: Արամ Ա. կարեւորած է աւանդական կուսակցութիւններուն դերը պատմութեան ընթացքին, շեշտը դնելով միասնական եւ միակամ գործելաձեւի կարեւորութեան վրայ, միասնաբար դիմակալելու հայ ժողովուրդին սպառնացող մարտահրաւէրները: Ընկ. Նահապետեան իր կարգին բարձր գնահատած է Մեծի Տանն Կիլիկիոյ Կաթողիկոսութեան դերն ու առաքելութիւնը: Ակնարկելով անցեալին վերաբերող տխուր եղելութիւններուն, ան շեշտած է, թէ կեանքը սառած պատկեր մը չէ, այլ՝ շարժանկար եւ անառողջ գտած է հին պատկերին մէջ սառած մնալու եւ անցեալը ապրիլ յամառող տակաւին գոյութիւն ունեցող մտայնութիւնը:

Անդրադարձ եղած է նաեւ Հայաստան-Սփիւռք Համահայկական 6-րդ Համագումարին, որ վերջերս տեղի ունեցաւ Երեւանի մէջ:

Աւարտին Արամ Ա. Վեհափառը յաջողութիւն մաղթած է ՌԱԿ Կեդրոնական վարչութեան ատենապետին ու անոր գլխաւորած վարչութեան, Ռամկավար Ազատական Կուսակցութեան դիմակալած դժուարին օրերու ընթացքին դէպի ապահով ափեր նաւարկելու աշխատանքին մէջ, կարեւորելով անոր պատմական դերն ու ազգային ու գաղափարական տեսլականը դէպի ապագայ:

 

Այլ հանդիպումներ

Լիբանանի մէջ իր այցելութիւններուն եւ հանդիպումներուն ծիրէն ներս Ընկ. Սերխիօ Նահապետեան եւ իրեն ընկերակցող պատուիրակութիւնը հանդիպած են նաեւ ՍԴՀԿ-ի ղեկավարութեան, ՀՅԴ Բիւրոյի անդամ Բենիամին Պչաքճեանին, Պուրճ Համուտի քաղաքապետ՝ Պրն. Մարտիկ Պօղոսեանին, ՄԱՀԱԵՄի նախագահ Վերապատուելի Մկրտիչ Գարակէօզեանին, Հայկազեան Համալսարանի նախագահ Վերապատուելի Դոկտ. Փօլ Հայտոսթեանին եւ շարք մը այլ ազգայիններու հետ։

 

Հանդիպում կուսակցական ընկերներու հետ

Երեքշաբթի, 3 Հոկտեմբեր 2017ին, Պէյրութի Թէքէեան կեդրոնին մէջ, տեղի ունեցած է ՌԱԿ Կեդրոնական վարչութեան ատենապետ՝ Ընկ. Սերխիօ Նահապետեանի հանդիպումը ռամկավար-ազատական շարքային ընկերներու հետ։

Հանդիպումին ներկայ գտնուած են ՌԱԿ Լիբանանի Շրջանային վարչութեան ատենապետ՝ Ընկ. Տոքթ. Աւետիս Տաքեսեան եւ վարչութեան անդամներ, ԹՄՄ Հիմնադիրներու մարմինի ատենապետ՝ Ընկ. Յակոբ Գասարճեան, ՌԱԿ Կեդրոնական Վարչութեան ատենադպիր, «Զարթօնք» օրաթերթի խմբագիր՝ Ընկ. Սեւակ Յակոբեան եւ մեծ թիւով վեթերան թէ երիտասարդ ընկերներ:

Ընկ. Նահապետեան անդրադարձած է Կուսակցութեան ներկան յուզող հարցերու, լաւատեսօրէն դիտելով ապագան: Ան կոչ ուղղած է հոգ տանիլ երիտասարդութեան, որոնք ապագան են ինչպէս մեր կուսակցութեան, ադպէս ալ՝  հայ ժողովուրդին: Աւարտին տեղի ունեցած է հարց-պատասխան, որոնց սիրով պատասխանած է ՌԱԿ Կեդրոնական վարչութեան ատենապետը։

 

 

Լրահոս - 19 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։