Հայ
ՌԱԿ
ՌԱԿ-ի Երախտաւորները Վարուժան Խաչատուրեան (1924, Լաթաքիա – 2012, Կլենտէյլ)
Մայիս 11 , 2020 , 22:15
ՌԱԿ-ի Երախտաւորները  Վարուժան Խաչատուրեան  (1924, Լաթաքիա – 2012, Կլենտէյլ)

Երախտաւոր Վարուժան Խաչատուրեան ծնած է Սուրիոյ ծովեզերեայ Լաթաքիա քաղաքը, 24 Ապրիլ 1924-ին, Կիլիկիոյ պարպումէն ետք Հաճընէն տեղահան եղած Արթին եւ Թշխուն  Խաչատուրեանի համեստ յարկին տակ: Փոքր տարիքէն կը կորսնցնէ հայրը ու կ'ապաւինի իր մօրեղբայրներու խնամքին, որոնք Հաճնոյ ծանօթ Կոստանեան գերդաստանէն էին, եւ նոյնպէս եկած էին Լաթաքիա:

Ծովեզերեայ այս քաղաքը դարձած էր կիլիկեցիներու համար առաջին կայանը, ուր սկսած էր կազմակերպուիլ փոքրաթիւ համայնք մը, իր նախակրթական վարժարանով: Այնտեղ գոյութիւն ունէր նաեւ Հ.Բ.Ը.Մ.ի մասնաճիւղ մը, որ  կազմուած էր Ալեքսանտրեթէն հոն հաստատուած միութենական անդամներէ:

Վարուժանը իր հասակակիցներուն հետ կը յաճախէ տեղւոյն Յակոբեան նախակրթարանը: Միութենական կեանքի հանդէպ իր հետաքրքրութիւնը պատանի տարիքէն զինք կը մղէ դառնալու անդամ՝ տեղւոյն Բարեգործականի (Հ.Բ.Ը.Մ.) մասնաճիւղին, որպէս պատանի անդամ, ուր սկսած էին յաճախել նաեւ իր հասակակից դպրոցական ընկերները:

1939-ին, երկրորդական իր ուսումը շարունակելու նպատակով կը մեկնի Կիպրոս, մուտք գործելու Մելգոնեան Կրթական Հաստատութիւն, ուր տարի մը առաջ մեկնած էր երէց եղբայրը՝ Արամը:

Մելգոնեանի մէջ ան իր հետաքրքրութիւնը աւելի շատ կը կեդրոնացնէ առեւտրական դասընթացքներուն վրայ: Որպէս Բարեգործականի հաստատութիւն, Մելգոնեանէն ներս գործող մարզական ու արիական շարժումները  աշակերտութիւնը խանդավառ մթնոլորտի մէջ կը պահէր, մանաւանդ երկրորդ համաշխարհային պատերազմի շրջանին, եւ այդ խանդավառութենէն անմասն չի մնար նաեւ Վարուժան եւ կ'ընդունի իր մասնակցութիւնը բերել Արիական խումբին, դառնալով Արիական շարժումի առաջնորդներէն:

Այդ ընթացքին, Խաչատուրեան ընտանիքի հարազատները Լաթաքիայէն արդէն տեղափոխուած էին եւ հաստատուած էին Լիբանան: Վարուժանն ալ Մելգոնեան հաստատութիւնը աւարտելէ ետք՝ 1944-ին, կու գայ Պէյրութ, միանալու իր հարազատներուն: Իր նախասիրած առեւտրական ճիւղին մէջ հմտանալու համար, ան շուրջ տարի մը կը պաշտօնավարէ Archer հաստատութեան մօտ:

1945-ին, եղբօր Արամի հետ կը հիմնէ Khachadourian Trading Company առեւտրական հաստատութիւնը, Պէյրութի մէջ: Խաչատուրեան եղբայրները հագուստեղէնի մեծաքանակ արտածման կը ձեռնարկեն, ու իրենց հիմնած առեւտրական հաստատութիւնը կարճ ժամանակի ընթացքին մեծ յաջողութեան կը հասնի: Հաստատութեան կողմէ արտածում կը կատարուի մերձակայ գրեթէ բոլոր արաբական երկիրները:

Վարուժան, որպէս միութենական, իր մասնակցութիւնը կը բերէ Հ.Ե. Ընկերակցութեան Պէյրութի մէջ ծաւալող շարժումներուն: Գաղափարական իր համոզումով, 1945-ին մուտք կը գործէ Ռամկավար Ազատական Կուսակցութեան շարքերը, միանալով իրեն սերնդակից երիտասարդ շարքայիններուն, որոնցմէ շատեր Մելգոնեանէն ներս եղած էին իր դպրոցական ընկերները: Հետզհետէ ընդարձակելով իր ազգային հասարակական գործունէութիւն, ան իր խանդավառ մասնակցութեամբ մաս կը կազմէ նաեւ Բարեգործականի տեղական վարչական մարմիններուն, որուն անդամագրուած էր դեռ պատանի տարիքէն, Լաթաքիոյ մէջ:

Արամ եւ Վարուժան Խաչատուրեան եղբայրներու առեւտրական հաստատութիւնը սկսած էր կերտել փայլուն յաջողութիւն: Իրենց գործունէութեան առաւել զարգացման նպաստելու նպատակով աշխատանքային յաճախակի ճամբորդութիւններու ընթացքին,  Վարուժան առիթը բաց չէր թողեր ծանօթանալու միջինարեւելեան երկիրներու գաղութներուն մէջ ծաւալող ազգային ու հասարակական եռուզեռին:

Պէյրութի մէջ Թէքէեան Մշակութային Միութեան ձեռնարկած ծրագիրներուն եւս Վարուժանն ու եղբայրը՝ Արամը, կը նպաստեն իրենց անվերապահ ներդրումով: Արամը կը դառնայ Պէյրութի Վահան Թէքէեան վարժարանի հոգաբարձութեան անդամ, երկար տարիներ:

1957-ին, Վարուժան կեանքի ընկեր կ'ընտրէ Սեդա Մեյմարեանը, ու անոնք կը բախտաւորուին երկու մանչերով՝ Վիգէն եւ Սեւակ եւ դուստրով մը՝ Մարալ: Սեդան ալ իր հերթին Պէյրութի մէջ իր ժրաջան մասնակցութեամբ երկար տարիներ մաս կը կազմէ եւ կը ծառայէ Տիկնանց միութենական կազմերուն աշխատանքներուն:

Խաչատուրեան ամոլը իրենց երեք զաւակները կ'ուղարկեն Պէյրութի Բարեգործականի վարժարանները, ուր անոնք հասակ կ'առնեն հայկական միջավայրի մէջ ու կը հետեւին իրենց ծնողաց օրինակին:

Երախտաւորին հասարակական կեանքը աւելի կը հիմնաւորուի, երբ ան մաս կը կազմէ ՌԱԿ-ի Լիբանանի շրջանակի ղեկավարութեան ու մօտէն կը գործակցի Թ.Մ.Մ. Հիմնադիրներու մարմնի անդամներուն, ՌԱԿ-ի երախտաւոր Փրոֆ. Բարունակ Թովմասեանի, Մեթր Հրաչեայ Սեդրակեանի, Գերսամ Ահարոնեանի, Յակոբ Դաւիթեանի եւ Հայկաշէն Ուզունեանի հետ:

Վարուժանի ստանձնած պատասխանատու պաշտօնները, Պէյրութի մէջ, զինք կ'առաջնորդեն որ ինքն ալ մաս կազմէ Հ․Ե․Ընկերակցութեան Կեդրոնական Վարչութեան, 1972-ին: Այս շրջանին Պէյրութի արեւմտեան շրջանէն ներս արդէն բացումը կատարուած էր «Ալեք Մանուկեան» գեղակերտ կեդրոնին, ուր կը գործէր Բարեգործականի Լիբանանի Շրջանակային Յանձնաժողովը, իր կրթական յանձնախումբով: 1968-ին ալ Վարուժան եւ եղբայրը՝ Արամ, արժանացած էին Հ.Բ.Ը.Միութեան վարժարանի վկայականին:

1975-ին սկիզբ կ'առնէր Լիբանանի եղբայրասպան քաղաքացիական բախումները, ու Լիբանանահայութեան երբեմնի հասարակական աշխոյժ եռուզեռը կը նուազէր, գտնուելով անորոշ կացութեան մը առջեւ:

Այդ օրերուն Խաչատուրեանին կը վստահուի Լիբանանի ՌԱԿ Շրջանային վարչութեան ատենապետութիւնը: Անոր առաջին պարտականութիւնը կ'ըլլայ ապահովել ՌԱԿ-ի շրջանակի մասնակցութիւնը Պէյրութի միջ-համայնքային եւ կուսակցական մարմնին: Ատենապետի հանգամանքով ան յաճախակի կապի մէջ կը մտնէ մերձակայ արաբական երկիրներու հետ, մանաւանդ Պարսից Ծոցի փոքրաթիւ, բայց ունեւոր գաղութին հետ, բան մը, որ կարելի կը դարձնէ ՌԱԿ Լիբանանի Շրջանային Վարչութեան կողմէ ուղարկուած պատուիրակութեան միջոցաւ շօշափելի օժանդակութիւն ապահովել Լիբանանահայ գաղութին: Շրջանային Վարչութեան երկամեայ շրջանը բոլորելէ ետք, Խաչատուրեան 1977-ին կը միանայ ՌԱԿ Կեդրոնական Վարչութեան կազմին, ու այդ հանգամանքով կ'ուղարկուի ՌԱԿ-ի զանազան շրջանակներ (1977-82):

Թ.Մ.Մ. Հիմնադիրներու մարմնի կազմը, որ կորսնցուցած էր իր անդամներէն երեքը, 1986-ին կը համալրուի նոր անդամներով, որոնց մէջ էր նաեւ երախտաւորը: Ան իր խանդավառ մասնակցութեամբ կը սատարէ եւ մեծ ներդրում կ'ունենայ Թ.Մ.Մ.-ի նոր ծրագիրներուն: Իր հասարակական այս պաշտօնին վրայ ան կը մնայ շուրջ 12 տարի:

Խաչատուրեան, 1998-ին, իր կողակցին հետ վերջնականապէս կը տեղափոխուի Լոս Անճելըս, ուր արդէն տարիներ առաջ  մեկնած էին իր զոյգ մանչերը, ուսանելու նպատակով եւ հաստատուած էին Գալիֆորնիա:

Լոս Անճելըսի մէջ եւս, անկախ յառաջացած տարիքէն, երախտաւորը նոյն եռանդով հետեւողական հետաքրքրութիւն կը ցուցաբերէր, մօտէն հետեւելով  եւ մասնակից դառնալով տեղւոյն հասարակական կեանքի եռուզեռին:

Երախտաւորը, յետ կարճատեւ հիւանդութեան, իր աչքերը կը փակէր Կլենտէյլի մէջ՝ 2012-ի Դեկտեմբերին:

 

***

Խաչատուրեանի եղբօր որդին՝ Նարը, եւ փեսան՝ Տօքթ. Յովիկ Վարդանեանը, Պէյրութի մէջ անդամ  են Թ.Մ.Մ.ի Հիմնադիրներու մարմնի կազմին։

 

ԱՐԱ ԱՀԱՐՈՆԵԱՆ

Լրահոս - 04 Յունիս 2020
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։