Հայ
ՌԱԿ
ՌԱԿ ո՛չ ուղղակի եւ ո՛չ ալ քաղաքական կամ ընտրական դաշինքներու միջոցաւ պիտի մասնակցի յառաջիկայ Ապրիլ 2017-ի Հայաստանի մէջ տեղի ունենալիք խորհրդարանական
Փետրուար 09 , 2017 , 15:30
ՌԱԿ ո՛չ ուղղակի եւ ո՛չ ալ քաղաքական կամ ընտրական դաշինքներու միջոցաւ պիտի մասնակցի յառաջիկայ Ապրիլ 2017-ի  Հայաստանի մէջ տեղի ունենալիք խորհրդարանական

Ներկայացնելու համար Ռամկավար Ազատական Կուսակցութեան դիրքորոշումը յառաջիկայ Ապրիլին տեղի ունենալիք խորհրդարանական ընտրութիւններուն վերաբերեալ, մամլոյ ասուլիս մը տեղի ունեցաւ ՌԱԿ Կեդրոնական Վարչութեան ներկայացուցիչներուն կողմէ, Երեքշաբթի օր,  Փետրուար 7-ին, Երեւանի Թէքէեան կեդրոնին մէջ։ Ստորեւ մամլոյ ասուլիսին հնչած յայտարարութիւնը եւ ՌԱԿ Կեդրոնական Վարչութեան խօսքը։

 

Ռամկավար Ազատական Կուսակցութիւնը (ՌԱԿ), հայկական աւանդական 3 կուսակցութիւններէն մին է, որ հիմնուած է 1921 թուականին` գաղափարակից շարք մը կուսակցութիւններու միաւորումով։ Ան շարունակութիւնն է Մ. Փորթուգալեանի հիմնած Արմենական կազմակերպութիւն կուսակցութեան, որ հիմնուած էր 1885-ին, Վան քաղաքի մէջ։

1921-ի իր հիմնադրութենէն ի վեր՝ ՌԱԿ-ը իր ազդու ներկայութիւնը ունեցած է Սփիւռքի իւրաքանչիւր գաղթօճախի մէջ, հայկական միւս երկու կուսակցութիւններուն նման՝ Ցեղասպանութենէն ետք աշխարհացրիւ եղած հայ ժողովուրդին քաղաքական միտքը զարգացնելու եւ գաղութները կազմակերպելու աշխատանքը կազմակերպելով:

Այսպէս, 95 տարի շարունակ միշտ պատնէշի վրայ եղած Ռամկավար Ազատական Կուսակցութիւնը շարունակած է իր ազգանուէր գործունէութիւնը, միշտ կանգնելով հայրենի պետականութեան եւ Հայաստանեայց Առաքելական Եկեղեցւոյ կողքին:

ՌԱԿ անզուգական կամուրջ մը եղած է Սփիւռք-Հայրենիք յարաբերութեան մէջ՝ գործակցելով նոյնիսկ գաղափարականօրէն հակասական Սովետական Հայաստանի պետութեան հետ, միշտ որդեգրելով այն սկզբունքը, որ հայրենիքը վեր է ամէն վարչակարգէ եւ ան մնայուն է՝ մինչ իշխանութիւնները կու գան ու կ՚երթան:

Հայրենիքի անկախացումէն ետք, ՌԱԿ-ը իր ներկայութիւնը ունեցած է Հայաստանի մէջ, ըլլալով միշտ պետականութեան կողքին, շարունակելով իր կամրջումի դերը, տանելով օգտաշատ աշխատանք իր սփիւռքահայ եւ հայրենի անդամներով:

Վերջին տարիներուն (2012-ին), յարմարելով հայրենիքի կուսակցութիւններու օրէնքին եւ բարեացակամ մօտեցումով աշխարհասփիւռ ՌԱԿ-ի ղեկավարութեան՝ հայրենիքի մէջ վերակազմուած է կառոյց մը ՌԱԿ-ի անունով, որուն ազնուօրէն տրամադրուած է Կուսակցութեան տասնամեակներու դրօշն ու զինանշանը:

Վերջերս, սակայն, եւ դժբախտաբար, նշեալ կառոյցը՝ շեղելով իր բարոյական կապէն աշխարհասփիւռ ՌԱԿ-ին հետ եւ գործակցելով Սփիւռքի քանի մը ընդդիմադիր, անհանգամանք ընկերներու հետ (որոնք երկու տարի առաջ վատաբար կրցած էին ծախել Լոս Անճելըսի կուսակցապատկան Թէքէեան Մշակութային Միութեան դպրոցը), կը փորձէ իւրացնել ՌԱԿ-ի անունը, դրօշն ու զինանշանը, այս պառակտիչ աշխատանքը ֆինանսաւորելով հայ վարժարանի մը վաճառքէն գոյացած գումարով:

Չբաւարարուելով այսքանով, այդ կառոյցը այսօր կը համարձակի խօսիլ աշխարհասփիւռ ՌԱԿ-ի անունով՝ ներկայանալով իբրեւ 95-ամեայ ՌԱԿ՝ փորձելով մասնակից դառնալ յառաջիկայ Ապրիլի խորհրդարանական ընտրութիւններուն՝ մաս կազմելով ընտրական դաշինքի մը:

Ի տես այս զարտուղի փորձին, 95-ամեայ ՌԱԿ-ի աւանդական ղեկավարութեան շառաւիղը հանդիսացող Կեդրոնական Վարչութիւնս (որ ընտրուած էր Երեւանի մէջ գումարուած ՌԱԿ 27-րդ Ընդհանուր Պատգամաւորական Ժողովին) 4 Փետրուար 2017-ին հրապարակեց հետեւեալ հաղորդագրութիւնը (տեսնել առանձին .......)։

***

Ի լուր այս պաշտօնական հաղորդագրութեան եւ շարունակելով կեղծիքը, նաեւ փորձ մը ընելով խաբելու հանրային կարծիքն ու ընտրական դաշինքի մը ղեկավարութիւնը, նոյն խմբակը՝ Սփիւռքի իր մեղսակիցներուն դիմելով, նամակ մը յղած է յարգելի պարոն Գագիկ Ծառուկեանին, շինծու եւ յերիւրածոյ մարմինի մը անունով, իբր թէ ներկայացնելով աշխարհատարած ՌԱԿ-ը:

Այս նամակը, բնականաբար, ընդվզում յառաջացուց աշխարհասփիւռ մեր կառոյցներուն մօտ, որոնց  ղեկավարութիւնները անցնող օրերուն հրապարակեցին յայտարարութիւններ, որոնք յատուկ ծրարով մը ձեր տրամադրութեան տակ կը դնենք այսօր:

Այսօրուան մեր ասուլիսին նպատակն է լուսաբանել հանրութիւնը, որ կայ մէկ ու միակ Ռամկավար Ազատական Կուսակցութիւն, որ ունի մէկ Կեդրոնական Վարչութիւն, որուն համեստ ներկայացուցիչներն ենք այստեղ ու կ՚արտայայտուինք անոր անունով:

Մեր այսօրուան ասուլիսը ուղղուած չէ ոեւէ անձի կամ դաշինքի դէմ: Մենք ուրախ ենք, որ պարոն Ծառուկեան անդրադարձած է արդէն կատարուածին՝ մերժելով իր դաշինքին մէջ ընդգրկել աշխարհասփիւռ ՌԱԿ-ը ոչ մէկ ձեւով ներկայացնող արկածախնդիր խմբակ մը, որ կը միտի պառակտել 95-ամեայ ՌԱԿ-ը:

Վերջապէս, ջատագովելով հայրենիքի մէջ տեղի ունեցող ժողովրդավարական ամէն միջոցառում, կը մնայ շեշտել, թէ ՌԱԿ-ը առ այժմ քաղաքական կառոյց մը չունի հայրենիքի մէջ, ան ո՛չ ուղղակի եւ ո՛չ ալ քաղաքական կամ ընտրական դաշինքներու միջոցաւ պիտի մասնակցի յառաջիկայ Ապրիլ 2017-ի  խորհրդարանական ընտրութիւններուն  եւ այդ ուղղութեամբ առաջադրուած թեկնածուներ չունի բնականաբար:

ՌԱԿ պիտի շարունակէ զօրավիգ մնալ հայրենի պետականութեան՝ իր ամբողջ կարելիութիւնները դնելով ի սպաս հայրենիքի  զարգացման ու գոյատեւումին:

Կեցցէ՛ հայ ժողովուրդը: Կեցցէ՛ հայրենիքը:

 

Լրահոս - 01 Յունիս 2020
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։