Հայ
Ամերիկահայ կեանք
Հայց. Եկեղեցւոյ Արեւտմեան Թեմ ԹԵՄԱԿԱՆ ԽՈՐՀՈՒՐԴԻ ՊԱՇՏՕՆՆԵՐՈՒ ԸՆՏՐՈՒԹԻՒՆ
Յունիս 08 , 2017 , 14:02
Հայց. Եկեղեցւոյ Արեւտմեան Թեմ ԹԵՄԱԿԱՆ ԽՈՐՀՈՒՐԴԻ ՊԱՇՏՕՆՆԵՐՈՒ ԸՆՏՐՈՒԹԻՒՆ

Մայիս 5ին, Առաջնորդարանի մէջ գումարուած Թեմական Պատգամաւորական 90րդ Տարեկան Ժողովի ընթացքին կատարուեցաւ Թեմական Խորհուրդի անդամներուն մասնակի ընտրութիւնը։

ԹԵՄԱԿԱՆ ԽՈՐՀՈՒՐԴԻ ՆՈՐ ԿԱԶՄԸ 

2017-2018

Պատգամաւորական Ժողովի աւարտին, Թեմակալ Առաջնորդ՝ Գերշ. Տ. Յովնան Արք. Տէրտէրեանի նախագահութեամբ, Թեմական Խորհուրդի նոր կազմը կարճ ժողով մը ունեցաւ, որու ընթացքին կատարուեցաւ պաշտօններու ընտրութիւնը ըստ հետեւեալի.-

Ատենապետ՝ Իրաւաբան Ժոզէֆ Կանիմեան (Պրպէնքի Սրբոց Ղեւոնդեանց Մայր Տաճարէն):

Փոխ Ատենապետ՝ Դատաւոր Էտրիըն Գրիգորեան (Վէն Նայսի Սուրբ Պետրոս Հայց. Եկեղեցին):

Գանձապահ՝ Եուրի Ակոբեան (Սիաթըլի Սուրբ Յարութիւն Հայց. Եկեղեցիէն):

Ատենադպրուհի՝ Սանտրա Գազանճեան Կոստանեան (Ֆրեզնոյի Սուրբ Պօղոս Հայց. Եկեղեցիէն):

Հոգեւորականեր

Արժ. Տ. Աւետիս Քհնյ. Աբովեան, Հոգեւոր Հովիւ Քրէսէնթա Հովիտի Սրբոց Առաքելոց Հայց. Եկեղեցւոյ։

Հոգշ. Տ. Բագրատ Ծ. Վրդ. Պերճէքեան, Հոգեւոր Հովիւ Սան Տիէկոյի Սուրբ Յովհաննու Կարապետ Հայց. Եկեղեցւոյ։

Արժ. Տ. Մանուկ աւագ Քհնյ. Մարգարեան, Հոգեւոր Հովիւ Հոլիվուտի Սուրբ Յովհաննու Կարապետ Հայց. Եկեղեցւոյ։

Արժ. Տ. Խաժակ Քհնյ. Շահպազեան, Հոգեւոր Հովիւ Առաջնորդանիստ Սրբոց Ղեւոնդեանց Մայր Տաճարի։

Արժ. Տ. Սերովբէ Քհնյ. Էյլէնճեան, Հոգեւոր Հովիւ Սանթա Քլարիթայի Սուրբ Սարգիս Հայց. Եկեղեցւոյ։

Աշխարհականներ

Տիար Պարգեւ Համալեան, Վէն Նայսի Սուրբ Պետրոս Հայց. Եկեղեցիէն:

Տիար Տէրիք Ղուկասեան, (Վէն Նայսի Սուրբ Պետրոս Հայց. Եկեղեցիէն:

Դոկտ. Քրիս Միրզայեան, Քոսթա Մեսայի Սուրբ Աստուածածին Հայց. Եկեղեցիէն։

Տիար Կրէկ Ջրգոյեան, Օքլընտի Սուրբ Վարդան Հայց. Եկեղեցիէն

Տիար Մհեր Շարեան, Փորթլընտի Սուրբ Գէորգ Հայց. Եկեղեցիէն։

Բրշ. Պերճ Սրկ. Մանուկեան, Արիզոնայի Սուրբ Աբգար Հայց. Եկեղեցիէն։

 

«ՀԱՅ ՔՐԻՍՏՈՆԵԱՅ ԵՐԻՏԱՍԱՐԴԱՑ ԱՌԱՔԵԼՈՒԹԻՒՆ ԴԷՊԻ ՀԱՅԱՍՏԱՆ» - CYMA

Հայց. Եկեղեցւոյ Արեւմտեան Թեմի հովանաւորութեամբ եւ Թեմակալ Առաջնորդ՝ Գերշ. Տ. Յովնան Արքեպիսկոպոս Տէրտէրեանի օրհնութեամբ, «Հայ Քրիստոնեայ Երիտասարդաց Առաքելութիւն Դէպի Հայաստան» ծրագրի մասնակից երիտասարդները՝ առաջնորդութեամբ Արժ. Տ. Գրիգոր Քհնյ. Զաքարեանի, Յունիս 29էն մինչեւ Յուլիս 31, 2017 պիտի այցելեն Մայր Հայրենիք։

            Սոյն առաքելութիւնը բաղկացած է երեք հիմնամասերէ.

            ա- Ուխտագնացութիւն,

            բ- Մասնագիտական ծառայութիւն (internship),

            գ- Համայնքային ծառայողական ծրագիր։

            Գոհունակութեամբ կը հաղորդենք, որ սոյն առաքելութիւնը անցնող 13 տարիներէ ի վեր կ՚իրագործէ իր ծրագիրները՝ գլխաւորաբար Արժ. Տ. Աւետիս Քհնյ. Աբովեանի առաջնորդութեամբ։ Վերոյիշեալ շրջանին ունեցած ենք աւելի քան 130 մասնակից երիտասարդներ։ Իրագործուած են հետեւեալները.

            ա- 7 ծառայողական ծրագիրներ,

            բ- Երիտասարդաց կեդրոններու շինարարութիւն,

            գ- Ընտանիքներու բնակարաններու շինարարութիւն։

            Անդրադառնալով ուխտագնացութիւններու, կ՚ուզենք շեշտել, թէ առաքելութեան մասնակցող երիտասարդները ուխտագնացութիւններ կատարած են բազմաթիւ եկեղեցիներ եւ վանքեր՝ ինչպէս Էջմիածին, Նորավանք, Խոր Վիրապ, Տաթեւ, Գանձասար, Ծիծեռնավան, Սանահին եւ այլն։

            Երիդասարներ Հայրենիք կատարած իրենց առաքելութեան ընթացքին յատուկ այցելութիւն պիտի տան Մայր Աթոռ Սուրբ Էջմիածին եւ աջահամբոյրի համար հանդիպում պիտի ունենան Ն.Ս.Օ.Տ.Տ. Գարեգին Բ. Ամենայն Հայոց Սրբազնագոյն Կաթողիկոսի հետ եւ պիտի արժանանան իր օրհնութիւններուն եւ գնահատութեան։ Հանդիպում պիտի ունենան նաեւ համայնքներու հոգեւորականներու եւ երիտասարդաց միութիւններու հետ։ Պիտի այցելեն թանգարաններ եւ պատկերասրահներ, պիտի ունենան մասնագիտական ծառայութիւններ Մայր Աթոռ Սուրբ Էջմիածնի մէջ, պիտի այցելեն հիւանդանոցներ «Մեր Յոյս»ի Կեդրոն, համակարգչային եւ «ինժեներ»ական կեդրոններ։

             Սոյն առաքելութեան նպատակն է երիտասարդ ուխտաւորները միամսեայ այս ուխտագնացութենէն վերադառնան հոգեւոր, մշակութային, պատմական եւ անձնական պակասը լրացուցած՝ պատրաստ ապագային իրենց ներդրումը բերելու Հայրենի Երկրին, Հայց. Եկեղեցւոյ, հայ մշակոյթին եւ իրենց կեանքի առաւել պայծառացման եւ հոգեկան գոհունակութեան՝ գեղեցիկ օրինակ հանդիսանալով ա՛յլ երիտասարդներու։

            Բարի ճանապարհ եւ ապահով վերադարձ կը մաղթենք մեր սիրելի երիտասարդներուն։

 

Լրահոս - 21 Նոյեմբեր 2019
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։