Հայ
Ամերիկահայ կեանք
Լոս Անճելըսի Հայ Քոյրերու վարժարանի 2016-2017 տարեշրջանի հունձքը
Յուլիս 06 , 2017 , 14:47
Լոս Անճելըսի  Հայ Քոյրերու վարժարանի 2016-2017 տարեշրջանի հունձքը

Հայ Քոյրերու Վարժարանը այս տարի եւս յաջողութեամբ ամբողջացուց իր ծրագիրներն ու յայտագրերը, հաւատարիմ մնալով Անարատ Յղութեան Հայ Քոյրերու Միաբանութեան նշանաբանին՝ դաստիարակել հայ մանուկն ու պատանին ջամբելով հայեցի կրթութիւն եւ քրիստոնէական դաստիարակութիւն: Ուսումնական իւրաքանչիւր տարուան աւարտին վարժարանի երեք դասարաններու` Մանկապարտէզի, Նախակթարանի՝ հինգերորդ եւ Միջնակարգի՝ ութերորդ  աշակերտները իրենց շրջանի աւարտին կը ստանան համապատասխան վկայագրեր յատուկ հանդիսութեամբ:

 

ՄԱՆԿԱՊԱՐՏԷԶ

11 Յունիս 2017ի առաւօտեան տեղի ունեցաւ Մանկապարտէզի հանդէսը վարժարանիս Դանիէլեան սրահին մէջ, ներկայութեամբ վարժարանիս Առաքինազարդ Քոյրերուն, հիւրերու, ծնողներու, մեծ ծնողներու եւ  ուսուցիչներու: Հանդիսութիւնը սկսաւ Մանկապարտէզի Տնօրէնուհի՝ Սոնա Գազանճեանի բարի գալուստի խօսքով։ Ան ծնողներուն ներկայացուց անոնց զաւակներուն կատարելագործած տարեկան ծրագիրները եւ հաստատեց, որ անոնք՝ այսօրուան վկայեալները արդէն իսկ պատրաստ են երթալու նախակրթարանի առաջին դասարան:

Հանդէսը խանդավառ էր ու հոգեպարար, նուիրուած  Հայաստանի, Արցախի եւ Հայոց Բանակի 25ամեակին: Այդ խորագրին տակ  մանկապարտէզի փոքրերը ներկայացուցին Սիրուշոյի «Զարթօնք»ը ընկերակցութեամբ հայկական մարտական պարերու, առաւել «Հայ Արեւ» երգախառն պարը։ Շրջանաւարտները ստացան իրենց վկայականները մեծ գոհունակութեամբ, անոնք արդէն իսկ անցան նախակրթարան փակելով մանկական աշխարհի դռները:

Տնօրէնուհի Քոյր Լուսիա հանդիսութիւնը փակեց շնորհաւորելով բոլոր ծնողները, շնորհակալութիւն յայտնելով բոլոր ուսուցիչներուն, որոնց հետեւողական աշխատանքին արդիւնքն էր  այս եզակի հանդիսութիւնը:

Կը շնորհաւորենք բոլոր վկայեալները եւ բարի երթ կը մաղթենք իրենց:

 

ՆԱԽԱԿՐԹՐԱՐԱՆ

Հինգերորդ դասարանի աշակերտները դպրոցական  վերջին  օրը  22 Յունիս 2017ին ստացան իրենց վկայագրերը. անոնք պաշտօնական հանդէսի պատմուճաններով մուտք գործեցին սրահ, եւ բեմահարթակին վրայ  հանգամանօրէն իրենց տեղերը գրաւելով երգեցին ու արտասանեցին հայոց լեզուի նուիրուած երգեր, ոտանաւորներ եւ պանծացուցին հայ լեզուն ու հայրենիքի սէրը հպարտութեան զգացումով լեցնելով ծնողներուն եւ ուսուցիչներուն հոգիները։ Օրուան պատգամը փոխանցեց իրենց դաստիարակը՝ Կարէն Սանթիկեան:

Ուրախութիւնը ամէնուր էր. վկայեալները իրենց նախակրթարանի շրջանը աւարտելու գոհունակութիւնն ու միջնակարգ բարձրանալու մեծ երազով հատեցին կարկանդակը ու մեկնեցան:

Կը շնորհաւորենք վկայեալները, որոնք տակաւին միջնակարգի երեք տարիները պիտի մնան վարժարանէն ներս, եւ կը մաղթենք յարատեւ յաջողութիւն:

 

ՄԻՋՆԱԿԱՐԳ

Ութերորդ դասարանի պարագային, հանդէսի նախօրեակին՝ Կիրակի, 4 Յունիս 2017ին անոնք ունեցան իրենց վերջին աշակերտական պատարագը՝ Կլենտէյլի Ս. Գրիգոր Լուսաւորիչ Հայ Կաթողիկէ եկեղեցւոյ մէջ. օրուան պատարագիչն էր Արհիապատիւ Տէր Միքայէլ Եպիսկոպոս Մուրատեան (Առաջնորդ հիւսիսային Ամերիկայի եւ Քանատայի Կաթողիկէ Հայոց): Աշակերտները Աւետարանի ընթերցուածներով իրենց մասնակցութիւնը բերին Ս. Պատարագին՝ որ երկլեզու ընթերցեցին Սէրլի Էքմէքճեան եւ Իզապէլլա Խաչիկեան. սրտի խօսքերով՝  Նարէ Թէրզեան եւ Մէրի Զաքքօ, ուրիշներ  խնդրանքներ վեր առաքելով եւ  խաղաղութեան ողջոյն բաշխելով հաւատացեալներուն, այսպիսով անոնք  խռստացան հաւատարիմ մնալ Քրիստոնէական կրօնքին եւ որպէս հայ քրիստոնեայ շարունակել իրենց ճամբան հետեւելով իրենց նախահայրերու աւանդին:

Օրուան պատարագիչը իր դաստիարակիչ քարոզով զիրենք յորդորեց ըլլալ պատուաբեր հայ քրիստոնեաներ եւ լաւ քաղաքացիներ։ Պատարագի աւարտին, աշակերտներ, ծնողներ, հիւրեր եւ համայն հաւատացեալներ հիւրասիրուեցան եկեղեցւոյ սրահըին մէջ:

***

Կիրակի, Յունիս 11ի յետմիջօրէին, տեղի ունեցաւ աւարտական հանդէսը Վարժարանիս «Դանիէլեան» սրահէն ներս, ուր մեծ թիւով ծնողներ, հիւրեր վարժարանիս առաքինազարդ Քոյրերը եւ ուսուցչական կազմը, բոլորը ներկայ էին վերջին հրաժեշտը տալու վկայուող 21 աշակերտ-աշակերտուհիներուն:

Հանդիսութիւնը ընթացք առաւ, երբ իրենց վկայականի պատմուճաններով եւ ծնողներու ծոփողջոյններով հպարտօրէն մուտք գործեցին սրահ եւ բեմահարթակին վրայ շարուելով Տէրունական աղօթքով սկսան հանդիսութիւնը, որուն յաջորդեց զոյգ քայլերգներու մեկնաբանութիւնը եւ այսպիսով ընթացք առաւ ութերորդ դասարանի Հայ ՔոյրերուՎարժարանէն ներս տասնմէկամեայ իրենց ուսումնական կեանքին վերջին արարը: Տեղի ունեցան պաշտօնական խօսքեր անգլերէն եւ հայերէն՝ ներկայացուած Տնօրէնուհի Առաքինազարդ Քոյր Լուսիայի եւ դաստիարակներ՝ Լինտա Գանտիլեանի եւ Ուիլիամ Պասէթի կողմէ, իսկ աշակերտութեան խօսքը ներկայացուց անգլերէն՝ Անի Ժամկոչեան եւ Նիքօլ Քրաճեան, իսկ հայերէն ուղերձը կարդաց Լարա Քսաճիքեան:

Օրուան հիւր պատգամաբերն էր վարժարանի շրջանաւարտներէն բժշկուհի Գարոլին Թաշճեան։ Ան վեյիշելով իր աշակերտական յիշատակները եւ օրինակներ տալով անոնցմէ յորդորեց աշակերտները ըսելով, որ «... Յաջողութիւնը կը սկսի այս վարժարանի գրասեղաններէն, ինչպէս որ ես իմ յաջողութիւնս կը պարտիմ Հայ Քոյրերու Վարժարանին....»:

Հանդիսութիւնը շարունակուեցաւ երկլեզու խմբերգներով, որուն դաշնամուրի վրայ կ'ընկերակցէր վարժարանիս երաժշտութեան ուսուցչուհի Վարդուհի Պաղտասարեան: Յայտագիրը ճոխացաւ Դալար Մարգարեանի դաշնամուրի մատուցումով, ապա  չորս աշակերտուհիներ Մելօտի Սերայտարեան, Դալար Մարգարեան, Նարէ Թերզեան եւ Մէրի Զաքքօ իրենց ուուցիչ Կարէն Սանթիկեանի հետ ներկայացուցին “Houre Of the Rising Sun”  երգը կիթարի եւ դաշնամուրի նուագակցութեամբ:

Նախագահական մրցանակներ ստացողներուն կողմէ խօսք առաւ Ալեք Մարգարեան, իսկ աշակերտական խորհուրդի ատենապետուհին՝ Դալար Մարգարեան ներկայացուց խորհուրդին տարեկան տեղեկագիրը:

Հանդիսութեան աւարտին շրջանաւարտները իրենց վկայականները եւ նուէրները ստանձնելէ ետք, Տիկին Արմինէ Շէրիկեան յայտարարեց 2017 տարուան աւարտական դասարանը՝ Հայ Քոյրերու Վարժարանի 2017ի Շրջանաւարտներ, ներկաներու ուրախութեան արտայայտութիւններու մթնոլորտին մէջ, աշակերտները մէկ կողմ նետելով իրենց գլխարկները հեռացան սրահէն... երգելով «Վերջին զանգը» եւ հնչեցնելով վերջին անգամ դպրոցին զանգը: Այսպիսով, Հայ Քոյրերու Վարժարանը պատրաստուած հունձք մը եւս  յանձնեց իրենց ծնողներուն եւ Քալիֆորնիոյ հայ գաղութին, որոնք եկան աւելնալու վարժարանի շրջանաւարտներու հոյլին:

Կը շնորհաւորենք եւ կը գնահատենք բոլոր ծնողները, որոնք իրենց ջանքերով եւ զոհողութիւններով իրականութիւն դարձուցին իրենց հոգեհատորներում հայկական միջնակարգ վարժարանէ վկայուելու առիթը, նաեւ ուսուցիչներուն, որոնք համագործակցաբար ծնողներուն անգամ մը եւս կրցան պատրաստուած խումբ մը հայորդիներու սլացք տալ դէպի տարբեր երկրորդական վարժարաններ:

Երեկոն շարունակուեցաւ շքեղօրէն զարդարուած «Ռէնէսանս» ճաշասրահէն ներս մինչեւ ուշ ժամեր,  ուր անոնք հատեցին իրենց 11 տարիներու աշխատանքը ներկայացնող կարկանդակը եւ ապրեցան արդարօրէն իրենց իրաւունքը եղող յաջողութեան երջանկութիւնը:

Կը շնորհաւորենք բոլոր շրջանաւարտները, կը մաղթենք բարի երթ ու նորանոր նուաճումներ յառաջիկայ ուսումնական տարիներու ընթացքին:

 

 

ԼԻՆՏԱ ԳԱՆՏԻԼԵԱՆ

 

Լրահոս - 21 Նոյեմբեր 2019
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։
Մեր նիւթերը