Հայ
Ամերիկահայ կեանք
ՀԲԸՄի Արեւմտեան Ամերիկայի Շրջանակը կը պատուէ Երուանդ Զօրեանը
Օգոստոս 17 , 2017 , 14:39
ՀԲԸՄի Արեւմտեան Ամերիկայի Շրջանակը կը պատուէ Երուանդ Զօրեանը

Շաբաթ, 9 Սեպտեմբեր 2017ին, Եունիվըրսըլ Սթիւտիոյի  «Կլոպ» սրահին մէջ, Հոլիվուտ, տեղի պիտի ունենայ Հայկական Բարեգործական Ընդհանուր Միութեան Արեւմտեան Ամերիկայի Շրջանակային Յանձնաժողովի 2017ի Կալան։ Այդ երեկոյ, երկար տարիներ Միութեան նուիրաբերած իր ծառայութիւններուն համար, Դոկտ. Երուանդ Զօրեան պիտի արժանանայ յատուկ գնահատանքի։

Այս առիթով, զրուցեցինք անոր հետ, աւելի մօտէն ծանօթանալով Երուանդ Զօրեան անձին եւ թէ, ո՞ր մարզէն ներս ան բերած է ու կը բերէ իր օժանդակութիւնը Սփիւռքի թէ հայրենի հայութեան։

***

Ո՞վ է Երուանդ Զօրեան

Անդամ ՀԲԸՄի Կեդրոնական Վարչական Ժողովի, ատենապետն է նաեւ ՀԲԸՄի Քալիֆորնիոյ Սիլիքըն Հովիտի մասնաճիւղին եւ հիմնադիրն ու տնօրէնն է Միութեան հովանաւորութիւնը վայելող Հայկական Համացանցային Քոլէճին (Armenian Virtual College)։

Արմատներով Տրապիզոնէն, հայրը եւ մեծ-հայրերը ղեկավար պաշտօններ վարած են ՀԲԸՄէն ներս Հալէպի մէջ։ Մեծ-հայրը, Երուանդ Զօրեան, եղած է հիմնադիրը Հալէպի ՀԵԸին, իսկ հայրը՝ Աբիկ Զօրեան, կարեւոր պաշտօններ ստանձնած ՀԲԸՄի Հալէպի մասնաճիւղէն ներս։ Մօրենական մեծ-հայրը՝ Արամ Մինասեան, երկարամեայ ատենապետը ՀԲԸՄի Սուրիոյ Շրջանակային Յանձնաժողովի, եղած է ՀԲԸՄի Լազար Նաճարեան վարժարանի հիմնադիրներէն։ Արդարեւ, միութենականութիւնը ժառանգաբար իր մէջ արմատաւորուած է եւ այսօր կը շարունակուի նոյն թափով։

Դոկտ. Երուանդ Զօրեան միջազգային համբաւ վայելող գիտնական մըն է ելեկտրոնային ճարտարագիտութեան մարզէն ներս։ Ան խորհրդատու է շարք մը նորարար հաստատութիւններու եւ թղթակից խմբագիր՝ գիտահետազօտական հրատարակութիւններու։

Եղած է փոխ նախագահը Institute of Electrical and Electronic Engineers ընկերակցութեան, վարելով անոր ճարտարագիտական, համագումարներու եւ ուսուցողական բաժինները։ Զօրեան ունի հնարիչի 37 իրաւունքներ, հեղինակ է հինգ գիրքերու եւ 350է աւելի գիտաուսումնական յօդուածներու։ Քանիցս ընտրուած է որպէս տարուան ամենաազդեցիկ գիտնականներէն մին։

Ան գլխաւոր ճարտարապետն է «Սինոփսիս» ընկերութեան, որ ունի աւելի քան 11 հազար պաշտօնէութիւն։ Միեւնոյն ատեն Զօրեան նախագահն է նոյն հաստատութեան հայաստանեան բաժանմունքին, ուր կը գործէ 800 հոգի։

Հայաստանի հետ կապը եղած է ամուր եւ գործնական։ Հայկական ներուժը ծանօթացուցած է միջազգային շրջանակներու մէջ, մշակելով փոխադարձ շահաբեր գործակցութիւններ Հայաստանի հետ։

Զօրեան շրջանաւարտ է Հալէպի ՀԲԸՄի Լազար Նաճարեան վարժարանէն եւ Սուրիոյ ելեկտրագիտութեան համալսարանէն։ Վկայուած է Մագիստրոսով Հարաւային Քալիֆորնիոյ, դոկտորականով՝ Քանատայի Մքկիլ եւ MBA-ով՝ Փենսիլվանիոյ Ուորթըն համալսարաններէն։ Ընտրուած է Հայաստանի Գիտութիւններու Ազգային Ակադեմիայի Արտասահմանեան Անդամ եւ ստացած է Հայաստանի Հանրապետութեան Պետական շքանշան՝ Հայաստանի նախագահ Սերժ Սարգսեանէն։

Ամուսնացած է մանկաբոյժ Ռիթա Շատարեւեանի հետ եւ ունին երկու զաւակներ՝ Աբիկ եւ Ալին։

 

Armenian  Virtual College եւ Երուանդ Զօրեան

Համացանցային՝ վիրտուալ համալսարանին գոյութիւնը կը պարտինք Երուանդ Զօրեան տեսիլք ունեցող մարդուն։ Գաղափարը ծնունդ առած է ՀԲԸՄի Սիլիքոն Վէլիի մասնաճիւղին մէջ 2004ին Քալիֆորնիա, որուն ատենապետն էր Զօրեան, եւ ապա կեանքի կոչուած եւ հանրութեան ներկայացուած 2006ին։

Նպատակն է հասնիլ բոլոր անոնց, հայ կամ օտար, տարբեր տարիքի, որոնք ցանկութիւնը ունին սորվելու հայոց լեզու, պատմութիւն եւ մշակոյթ։

Ներկայիս, AVC-ն կայուն կառոյց մը ունի, կեդրոն ունենալով Երեւանը։  Համացանցային դասընթացքներով, անհատ մը հնարաւորութիւնը ունի եօթը տարբեր լեզուներով սորվելու արեւելահայերէն կամ արեւմտահայերէն։ Օն-լայն դասատուներով եւ լսատեսողական արդիական վերջին միջոցներով, նիւթական ոչ սուղ միջոցներով ծանօթացալ եւ սորվիլ հայերէն, հայոց պատմութիւն, հայ մշակոյթ եւ ճատրակ։

ՀԲԸՄով մեծցած Զօրեան, այսօր կը վերադարձնէ իր գիտելիքները հայութեան։ Իրեն համար կրթութիւնն ու գիտութիւնը զէնքեր են գոյատեւելու, ապրելու եւ ապրեցնելու, աշխատանքով ապահովուելու եւ ընտանիք պահելու։

Բացի հեռավար ուսուցումէ, AVC ունի նաեւ ելեկտրոնային գիրքերու շարք մը՝ e-books, ուր նոյնպէս ամէնէն ժամանակակից միջոցներով, ոեւէ անձ հնարաւորութիւնը ունի անվճար ուսումնասիրելու մեր ժողովուրդին պատմութիւնը, ՀԲԸՄի պատմութիւնը, ծանօթանալու Երեւան քաղաքին եւ աւելին...

Անցնող ութ տարիներուն ընթացքին, AVC-ի դասընթացքներէն եւ ելեկտրոնային գիրքերէն օգտուողներուն թիւը անցած է 22 հազարը, որոնք կը բնակին 85 տարբեր երկիրներու մէջ։ Ի դէպ, AVC-էն օգտուողներուն մեծամասնութիւնը՝ 90 առ հարիւրը հայեր են։

Բնականաբար, AVC-ի կատարած աշխատանքը կրթականէն աւելի է։ Ան կը կապէ աշխարհի տարբեր երկիրներ ապրող հայերը իրարու, ստեղծելով Forum-ի հսկայական հնարաւորութիւններ, որպէսզի մարդիկ նաեւ ծանօթանան իրարու հետ։

Զօրեան, մեր զրոյցին ընթացքին, խօսեցաւ նաեւ նորութիւններու մասին։ Եթէ նախապէս AVC-ին թիրախը պատանիներն ու մեծահասակներն էին, այսօր կարիքը կը զգացուի դպրոցականներու օգնութեան հասնիլ AVC-ին միջոցով։ Հայաստանի դպրոցներու մէջ սկսած են կիրառել AVC-ի կարգ մը դասընթացքներ, մանաւանդ ճատրակ։ Ներկայիս, AVC կը գործակցի աշխարհի տարածքին գործող 16 հայկական տարբեր վարժարաններու եւ համայնքային կեդրոններու հետ։

Յաւելեալ մանրամասնութիւններու համար այցելել avc-agbu.org։

Արդարեւ, Տիար Երուանդ Զօրեանի անհատական նախաձեռնութեան եւ ՀԲԸՄի զօրակցութեան շնորհիւ, այսօր աշխարհի վրայ ոեւէ անձ առիթը ունի ծանօթանալու եւ սորվելու մեր պատմութիւնը, լեզուն եւ մշակոյթը, իր տիրապետած լեզուով։

***

Կը շնորհաւորենք Դոկտոր Երուանդ Զօրեանը, ՀԲԸՄի Արեւմտեան Ամերիկայի Շրջանակային Յանձնաժողովին կողմէ արժանիօրէն գնահատուելու առիթով, մաղթելով իրեն երկար եւ առողջ տարիներ, որպէսզի շարունակէ իր նպաստը բերել հայ կրթութեան եւ գիտութեան մարզերէն ներս։

 

Լրահոս - 26 Ապրիլ 2019
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։