Հայ
Ամերիկահայ կեանք
ՀԲԸՄ Ասպետներու Համախմբում. «Էլիս Այլընտ»ի շքանշանակիր տիար Գուրգէն Պէրքսանլար՝ ի պատուի
Սեպտեմբեր 07 , 2017 , 13:56
ՀԲԸՄ Ասպետներու Համախմբում. «Էլիս Այլընտ»ի շքանշանակիր տիար Գուրգէն Պէրքսանլար՝ ի պատուի

Հայկական Բարեգործական Ընդհանուր Միութեան Ասպետներու Համախմբումը վերջին տասնհինգ տարիներուն Լոս Անճելըսի հայ թէ օտար հանրութեան դիմաց հանդէս կու գայ  «Երեկոյ մտաւորականի մը հետ» ամենամեայ դասախօսական շարքով, ներկայացնելով Հայոց Ցեղասպանութեան, հայու ինքնութեան եւ ընդհանրապէս հայաշխարհը յուզող այսօրուան քաղաքական կեանքին մասին հրատապ թեմաներ։
Եւ որո՞ւ, եթէ ոչ տիար Գուրգէն Պէրքսանլարի գլխաւորութեամբ եւ գործակցութեամբ ՀԲԸՄի Ասպետներու վարչութեան, ծնունդ առին այնպիսի «երեկոներ», որոնց հիւրերը հանդիսացան, օրինակ, պատմաբան Փրոֆ. Թանէր Աքչամ, քաղաքական գործիչ, Ցեղասպանութեան ”We apologize” ստորագրահաւաքի կազմակերպիչներէն՝ Փրոֆ. Ճէնկիզ Աքթար, 1915ի ճիւաղներէն Ճէմալ փաշայի թոռնիկը՝ Թուրքիոյ գլխաւոր թերթերէն «Ճումհուրիէթ»ի գլխաւոր խմբագիր Հասան Ճէմալ, որ այդ դասախօսութենէն ետք գրեց «1915… Հայկական ջարդը» հատորը։

Եւ այսպէս, Պոլիս ծնած, Միացեալ Նահանգներու մէջ բարձրագոյն ուսում ստացած, ապրած ու գործած Գուրգէն Պէրքսանլար այս տարի արժանացաւ «Էլիս Այլընտ» շքանշանին, որուն ի պատիւ, ՀԲԸՄի Ասպետներու վարչութիւնը 7 Օգոստոս 2017ին, Պեւըրլի Հիլզի “The Peninsula Hotel”-ին մէջ կազմակերպած էր պատուասեղան-ընթրիք։

Օրուան հանդիսավար տիար Վազգէն Էքմէքճեան վարպետօրէն ներկայացուց մեծարեալը, համեմուած բանաստեղծական մէջբերումներով եւ ինքնատիպ բեմասացութեամբ։ Ապա, ան հերթաբար հրաւիրեց Ասպետներու ատենապետ տիար Արամ Ակինեանը,  Ասպետներու վարչութեան անդամ տիար Տիրան Ճէրէճեանը, ՀԲԸՄի Արեւմտեան Ամերիկայի Շրջանակային Յանձնաժողովի նախկին ատենապետ՝ տիար Վահէ Իմաստունեանը, նոյն յանձնաժողովի ներկայ ատենապետուհի Տիկ. Թալին Եագուպեանը եւ օրուան մեծարեալը, որպէսզի փոխանցեն իրենց խօսքերը։ Հիւսիսային Ամերիկայի Արեւմտեան թեմի առաջնորդ Գերշ. Տ. Յովնան Արք. Տէրտէրեանի շնորհաւորագիրը ընթերցեց հանդիսավար Վազգէն Էքմէքճեան։

Ներկայ էին նաեւ ՀԲԸՄի Ասպետներու եւ տարբեր մարմիններու ներկայ թէ նախկին պատուարժան ատենապետներ եւ անդամներ, ինչպէս Ճէք Ապաճեան,  Տոքթ. Յարութ Եաղսըզեան եւ «Էլիս Այլընտ»ի շքանշանակիր Տոքթ. Սիմոն

Սիմոնեան։

Ատենապետ տիար Ակինեան անդրադարձաւ Պէրքսանլարի սիրուած ու յարգուած ըլլալուն շրջանակին կողմէ։ Ակինեան կարեւորեց այս շքանշանին տուչութիւնը, որ կը ստանան բացառիկ այնպիսի անձնաւորութիւններ, որոնք աշխուժօրէն ներգրաւուած են ամերիկեան կեանքէն ներս։ Ատենապետ Ակինեան մեծարեալին մէջ իմաստաւորեց անոր նորարական ոգին եւ խորունկ սէրը հայ մշակոյթի եւ հայ համայնքին հանդէպ։

Ապա, Տիկ. Սիպիլ Ակինեան ծաղկեփունջով մը պատուեց ու շնորհաւորեց Տիկ. Թալին Պէրքսանլարը։

Շքանշանակիր Գուրգէն Պէրքսանլարի թեկնածութիւնը առաջադրուած էր ՀԲԸՄի Շրջանակայինի նախկին ատենապետ եւ ներկայիս ՀԲԸՄի Վ. եւ Թ. Մանուկեան Երկրդ. Վարժարանի Հոգաբարձական կազմի համաատենապետ Տիար Վահէ Իմաստունեանի կողմէ, որ այս առթիւ փոխանցեց շնորհաւորական իր խօսքը։

Գլխաւոր պատգամաբերն էր Ասպետներու նախկին ատենապետ տիար Տիրան Ճէրէճեան, որուն խօսքէն լայն հատուածներ կու տանք առանձին։

Արեւմտեան Ամերիկայի Շրջանակային Յանձնաժողովի ատենապետուհի Տիկ. Թալին Եագուպեան իր խօսքին մէջ անդրադարձաւ Պէրքսանլար միութենականին, որուն շնորհիւ Ասպետներու Համախմբումը հասաւ աւելի բարձր պատուանդանի։

Ընթրիքի, ինչպէս նաեւ դադարներու ընթացքին, կը հնչէին արուեստագէտ Արմէն Ահարոնեանի դաշնամուրային կենդանի կատարումները։ Ցուցադրուեցաւ Գուրգէն Պէրքսանլարի «Էլիս Այլընտ» շքանշան ստանալու պաշտօնական արարողութենէն քաղուած տեսերիզ մը։ Ապա, շնորհակալական խօսք արտասանեց մեծարեալը։ Պէրքսանլար անդրադարձաւ բոլոր ներկաներուն, ընտանեկան պարագաներուն եւ ՀԲԸՄի Ասպետներու վարչութեան, որոնք իրենց ներկայութեամբ ու զօրակցութեամբ միշտ եղան իր կողքին։ Օրուան մեծարեալը մեծապէս կարեւորեց «Էլիս Այլընտ» շքանշանի իմաստն ու նշանակութիւնը, անդրադառնալով անոր էութեան։

 

«Տի Արմինիըն Օպզըրվըր» շաբաթաթերթի խմբագիր եւ արտօնատէր Փրոֆ. Օշին Քէշիշեան իրեն յատուկ զուարթախոհութեամբ եւ սրամտութեամբ նոյնպէս շնորհաւորեց օրուան մեծարեալը։

 

Արդարեւ, Տիար Պէրքսանլար այժմ իր ուսերուն վրայ ունի ազգին, հայրենիքին, եկեղեցիին ու համայնքին ծառայելու նոր ու քաղցր պարտականութիւններ, թէ՛ որպէս «Ս. Ներսէս Շնորհալի»ի եւ թէ՛ «Էլիս Այլընտ»ի շքանշանակիր։

Մեր շնորհաւորութիւնները եւ կանաչ ճանապարհ՝ Պրն. Պէրքսանլար։

 

Հ.Ս.

................................................................................................................................................

 

Տիրան Ճէրէճեանի ելոյթը Գուրգէն Պէրքսանլարի «Էլիս Այլընտ» շքանշանով պարգեւատրուելուն առիթով

 

Նկարագրով ազնիւ, փափկանկատ, անկեղծ, հաստատակամ, աննախապաշար, լայնասիրտ, համբերատար, վստահութիւն ներշնչող, լայն մտապաշարի հետ հասկացողութեան ոգիի տէր Գուրգէնի խօսքը բնաւ չէ ունեցած կիրք եւ վիրաւորանք։

Քաղաքավար է, տրամաբանական մտածողութեան տէր՝ կը խուսափի միտքը եւ կարծիքը պարտադրելէ դիմացինին։ Ընդունակ է լսելու տարբեր կարծիքներ։ Կը պաշտպանէ իր տեսակէտները, սակայն, վերջաւորութեան՝ կ՚ընդունի մեծամասնութեան որոշումը։ Խօսքը՝ կշռուած, համոզիչ. միշտ զուգորդուած փաստացի տուեալներով։

Մեղմ է եւ չափաւոր իր արտայայտութիւններուն մէջ՝ միշտ պատրաստ հաշտ ու խաղաղ գործակցութեան, ի նպաստ Միութեան գերագոյն շահերուն։

Իր գործակիցները իր քով գտած են հաւատարմութիւն, շիտակութիւն եւ անկեղծութիւն։ Նուիրումը Միութեան նկատմամբ եղած է հետեւողական եւ անսակարկ, անկախ այն պարագայէն, թէ ինք ըլլայ ղեկավարի պաշտօնի վրայ կամ որպէս պարզ անդամ։

Ան ցոյց կու տայ անսպառ ուժ եւ հետեւողականութիւն՝ իրեն վստահուած գործ մը բծախնդրօրէն աւարտելու աննկուն կամք։

Գուրգէնին վերոյիշեալ յատկութիւնները եւ անհատական շնորհքը իրեն շուրջ համախմբած են արժէքաւոր, նախանձախնդիր, նոյնքա՛ն նուիրուած եւ բարձր որակի տուեալներով օժտուած գործընկերներու փաղանգ մը։

Հոս պէտք է ընդունինք եւ առանց տատամսումի շեշտենք Գուրգէնին ունեցած կազմակերպչական հմտութիւնը։ Անոր ատենապետութեան  չորս տարիներու ընթացքին ակներեւ էին ղեկավարի իր յատկութիւնները։

Առաջին օրէն Գուրգէն համոզուած էր Ասպետական Շարժումի հրամայական անհրաժեշտութեան՝ ի խնդիր մեր գաղութի ազգային, մշակութային եւ կրթական կեանքի զարգացման եւ բարելաւման։ Ասպետներու ձեռնարկները պէտք է որ ըլլային բարձրորակ, յատկանշական ու ցնցիչ, իրենց կազմակերպութեամբ եւ բովանդակութեամբ։

Ցեղասպանութեան նուիրուած՝ Գուրգէն Պէրքսանլարի գլխաւորած եւ կազմակերպած աննախընթաց եւ բարձրորակ ձեռնարկները արձանագրեցին բացառիկ յաջողութիւն եւ Ասպետներու Շարժումը արժանացաւ մեր գաղութի բարձր գնահատանքին։

Որպէս ազատ միտքի եւ արտայայտութեան անխոնջ ջատագով, Գուրգէնին “Think outside the box”  կարգախօսը դարձաւ Ասպետներու իրերայաջորդ ձեռնարկներու անբաժանելի մասնիկը։

Կազմակերպուած աշխատանքը, տարբեր բնագաւառներէ ներս՝ կը պայմանաւորէ գոյութիւնը յստակ տեսիլքի, արժէքներու եւ խորհրդանիշներու։ Այս ուղղութեամբ, Ասպետական Շարժման մեկնարկի ընթացքին եւ մինչեւ օրս, մեծ եղած է վաստակը սիրելի Գուրգէնին։

(Լայն հատուածներ)

Լրահոս - 17 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։