Հայ
Ամերիկահայ կեանք
Հայց. Եկեղեցւոյ Արեւմտեան Թեմ. Ն. Ս. Օ. Տ. Տ. ԳԱՐԵԳԻՆ Բ. ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ԱՐԵՒՄՏԵԱՆ ԹԵՄԻՆ ՇՆՈՐՀԵԼԻՔ ՀՈՎՈՒԱՊԵՏԱԿԱՆ ԱՅՑԵԼՈՒԹԵԱՆ ԱՌԹԻՒ ԳԵՐԱԳՈՅՆ
Հոկտեմբեր 19 , 2017 , 14:05
Հայց. Եկեղեցւոյ Արեւմտեան Թեմ. Ն. Ս. Օ. Տ. Տ. ԳԱՐԵԳԻՆ Բ. ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ԱՐԵՒՄՏԵԱՆ ԹԵՄԻՆ ՇՆՈՐՀԵԼԻՔ ՀՈՎՈՒԱՊԵՏԱԿԱՆ ԱՅՑԵԼՈՒԹԵԱՆ ԱՌԹԻՒ ԳԵՐԱԳՈՅՆ

Հայց. Եկեղեցւոյ Արեւմտեան թեմի բարեխնամ առաջնորդ՝ Գերշ. Տ. Յովնան արքեպիսկոպոս Տէրտէրեանի եւ Թեմական խորհուրդի հրաւէրով, Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսը Թեմիս 90ամեակին առթիւ Հոկտեմբեր 25-30 Հովուապետական այցելութիւն պիտի շնորհէ Թեմիս։

            Հինգշաբթի, Հոկտեմբեր 26ի երեկոյեան Նորին Սրբութիւնը Սարկաւագներու, Թեմիս Հոգեւորականներու եւ հիւր Հոգեւորականներու թափօրով եւ երգչախումբի կողմէ երգուած «Հրաշափառ» շարականի երգեցողութեամբ, մուտք պիտի գործէ Առաջնորդանիստ Սրբոց Ղեւոնդեանց Մայր Տաճարէն ներս, ուր Առաջնորդ Սրբազան Հայրը հոգեկան ցնծութեամբ Վեհափառ Հայրապետին բարի գալուստ պիտի մաղթէ եւ զինք ներկայացնէ հաւատացեալներուն։ Նորին Սրբութիւնը այս առթիւ իր անդրանիկ հոգեւոր պատգամը եւ օրհնութիւնները պիտի փոխանցէ հաւատացեալներուն։

            Կիրակի, Հոկտեմբեր 29ին Վեհափառ Հայրապետը հանդիսաւոր կերպով պիտի Պատարագէ եւ քարոզէ Սրբոց Ղեւոնդեանց Մայր Տաճարին մէջ։ Արարողութեան պիտի մասնակցին բարձրաստիճան հոգեւորականներ։ Սուրբ Պատարագի երգեցողութիւնը պիտի կատարէ Խաչատուրեան երգչախումբը՝ ղեկավարութեամբ Բրշ. Ստեփան Սրկ. Կէօզիւմեանի։ Ողջոյնի եւ բարի գալստեան խօսքով անգամ մը եւս Նորին Սուրբ Օծութիւնը հաւատացեալներուն պիտի ներկայացնէ Թեմակալ Առաջնորդ Սրբազան Հայրը։

            Վեհափառ Հայրապետի Օծման եւ Գահակալութեան 18րդ Տարեդարձին առթիւ պիտի կատարուի «Մաղթանք Հայրապետական»։ Իսկ Սուրբ Պատարագի աւարտին Առաջնորդարանի Թրբանճեան հրապարակին վրայ տեղի պիտի ունենայ մատաղի օրհնութիւն՝ ձօնուած Թեմիս վախճանեալ հոգեւորական եւ աշխարհական հիմնադիրներուն, ինչպէս նաեւ զոհուած հայ ազատամարտիկներու յիշատակին։

 

***

ԱՅՑԵԼՈՒԹԻՒՆ ՄԵՔՍԻՔՕ ՍԻԹԻԻ ՀԱՅՑ. ԵԿԵՂԵՑՒՈՅ 

ԵՒ ՀԱՅ ՀԱՄԱՅՆՔԻՆ 

Երկուշաբթի, Հոկտեմբեր 30ի առաւօտ Ամենայն Հայոց Վեհափառ Հայրապետը՝ ընկերակցութեամբ Թեմակալ Առաջնորդ Սրբազան Հօր, Թեմական խորհուրդի ատենապետ՝ իրաւաբան Տիար Ժոզէֆ Կանիմեանի, ՀԲԸ Միութեան Կեդրոնական վարչութեան փոխ ատենապետ՝ Տիար Սինան Սինանեանի եւ շքախումբի կարգ մը անդամներու, պիտի մեկնի Մեքսիքօ Սիթի, ուր պիտի կատարուի Միջ-Եկեղեցական յատուկ արարողութիւն՝ նուիրուած երկրաշարժի զոհերուն։ Նորին Սրբութիւնը եւ իրեն ընկերացողները նոյն օրը ուշ գիշերին պիտի վերադառնան Լոս Անճելըս։

***

ԳԵՐԱԳՈՅՆ ՀՈԳԵՒՈՐ ԽՈՐՀՈՒՐԴԻ ՊԱՏՄԱԿԱՆ ԺՈՂՈՎ 

ԱՌԱՋՆՈՐԴԱՐԱՆԷՆ ՆԵՐՍ 

Ուրախ ենք յայտարարելու, թէ Թեմիս պատմութեան մէջ առաջին անգամ ըլլալով Ամենայն Հայոց Կաթողիկոսի Բարձր Նախագահութեամբ՝ 1-3 Նոյեմբեր 2017ին, Առաջնորդարանի մէջ պիտի գումարուի Գերագոյն Հոգեւոր Խորհուրդի Ժողովը, որուն պիտի մասնակցին նաեւ Թեմական Խորհուրդի անդամները։ Առ ի գիտութիւն, վերջին շրջանին Գերագոյն Հոգեւոր Խորհուրի Ժողով գումարուեցաւ Արցախի թեմէն ներս, Նոր Նախիջեւանի եւ Ռուսաստանի Հայոց թեմէն ներս եւ Հայց. Եկեղեցւոյ Արեւելեան թեմէն ներս՝ Նիւ Եորք։ Պատմական այս ժողովը թեմիս կառոյցէն ներս առաւել խանդավառութիւն պիտի ստեղծէ։

            Սոյն ժողովին պիտի մասնակցին Գերագոյն Հոգեւոր Խորհուրդի հետեւեալ հոգեւորական եւ աշխարհական անդամները։

            Գերշ. Տ. Աւագ արքեպիսկոպոս Ասատուրեան՝ Իրաքի Հայոց թեմի առաջնորդ, Գերշ. Տ. Պարգեւ արքեպիսկոպոս Մարտիրոսեան՝ Արցախի թեմի առաջնորդ, Գերշ. Տ. Խաժակ արքեպիսկոպոս Պարսամեան՝ ԱՄՆ Հայոց Արեւելեան թեմի առաջնորդ, Գերշ. Տ. Յովնան արքեպիսկոպոս Տէրտէրեան՝ ԱՄՆ Հայոց Արեւմտեան թեմի առաջնորդ, Գերշ. Տ. Նաւասարդ արքեպիսկոպոս Կճոյեան՝ Արարատեան Հայրապետական թեմի առաջնորդական փոխանորդ, Գերշ. Տ. Սեպուհ արքեպիսկոպոս Չուլճեան՝ Գուգարաց թեմի առաջնորդ, Գերշ. Տ. Աբրահամ արքեպիսկոպոս Մկրտչեան՝ Վայոց Ձորի թեմի առաջնորդ, Գերշ. Տ. Եզրաս Արքեպիսկոպոս Ներսիսեան՝ Նոր Նախիջեւանի եւ Ռուսաստանի Հայոց թեմի առաջնորդ, Գերշ. Տ. Վազգէն եպիսկոպոս Միրզախանեան՝ Վիրահայոց թեմի առաջնորդ, Գերշ. Տ. Արշակ եպիսկոպոս Խաչատրեան՝ Մայր Աթոռի դիւանապետ, Գերշ. Տ. Բագրատ եպիսկոպոս Գալստանեան՝ Տաւուշի թեմի առաջնորդ, Գերշ. Տ. Մուշեղ եպիսկոպոս Բաբայեան՝ Մայր Աթոռի Վարչա-տնտեսական բաժնի տնօրէն, Գերշ. Տ. Վահան եպիսկոպոս Յովհաննիսեան՝ Ֆրանսայի Հայոց թեմի առաջնորդ, Տիար Թագւոր Բոյաճեան՝ ԳՀԽի անդամ, Տիար Գէորգ Դանիէլեան՝ ԳՀԽի անդամ, Տիար Վահան Տէր-Ղեւոնդեան՝ ԳՀԽի անդամ, Տիար Ժոզէֆ Կանիմեան՝ ԳՀԽի անդամ եւ Հոգշ. Տ. Զաքարիա Ծ. Վրդ. Բաղումեան՝ Եկկեղեցական-ժողովական կառոյցների գրասենեակի տնօրէն։

 

            Վստահ ենք, Նորին Սրբութեան պատմական Հովուապետական Այցելութիւնը հոգեկան խանդավառութիւն պիտի ստեղծէ եւ բոլորս ալ պիտի արժանանանք իր օրհնութիւններուն։

 

ԴԻՒԱՆ ԱՌԱՋՆՈՐԴԱՐԱՆԻ

Պրպէնք

Լրահոս - 19 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։