Հայ
Ամերիկահայ կեանք
Աւելի քան 2,2 միլիոն տոլար գոյացաւ Հայ-ամերիկեան թանգարանի ձեռնարկին
Դեկտեմբեր 19 , 2019 , 11:29
Աւելի քան 2,2 միլիոն տոլար գոյացաւ Հայ-ամերիկեան թանգարանի ձեռնարկին

ՆՈՐ ՕՐ, ԼՈՍ ԱՆՃԵԼԸՍ.- ԿԼԵՆՏԷՅԼ.– Կիրակի, Դեկտեմբեր 8-ին, Պեւըրլի Հիլզի «Հիլթըն» պանդոկի սրահին մէջ կայացած Հայ-ամերիկեան թանգարան եւ մշակութային կեդրոնին տարեկան 2-րդ ձեռնարկին ընթացքին կարելի եղաւ աւելի քան 2,2 միլիոն տոլար գոյացնել։

 

Հարիւրաւոր համակիրներ, համայնքային ղեկավարներ եւ պետական պաշտօնատարներ ներկայ էին ձեռնարկին, տօնելու ցարդ արձանագրուած իրագործումները եւ գործնականապէս զօրակցելու պատմական նշանակութիւն ունեցող այս ծրագիրին, մինչ յառաջիկայ տարի ակնկալուող թանգարանի հիմնարկէքին պատրաստութիւնները կը վերջնականացուին։

 

Ձեռնարկին դրօշակի արարողութիւնը կատարեցին ՀՄԸՄ-ի սկաուտները, իսկ քայլերգները կատարուեցան ՀԲԸՄ-ի երգչախումբին կողմէ, առաջնորդութեամբ խմբավար Գայիանէ Բաղդասարեանի։

 

Բացման աղօթքը միասնաբար կատարեցին թանգարանի հոգաբարձական կազմի համաատենապետներ՝ Հիւսիսային Ամերիկայի Հայց. Առաքելական եկեղեցւոյ Արեւմտեան թեմի առաջնորդ Յովնան Արք. Տէրտէրեան, Ամերիկայի Միացեալ Նահանգներու Հայց. Առաքելական եկեղեցւոյ (Տանն Կիլիկիոյ) Արեւմտեան թեմի առաջնորդ Մուշեղ Արք. Մարտիրոսեան, Հիւսիսային Ամերիկայի Հայ Կաթողիկէ առաջնորդ Միքայէլ Եպս. Մուրատեան եւ Հիւսիսային Ամերիկայի Հայ Աւետարանական միութեան հոգեւոր հովիւ Վեր. Պերճ Ճամպազեան:

 

Ապա, ցուցադրուեցաւ «Ֆոքս 11» կայանի հաղորդավար Արաքսիա Կարապետեանի մասնակցութեամբ տեսանիւթ մը, որ տպաւորիչ կերպով ներկայացուց Հայ-ամերիկեան թանգարանի առաքելութիւնը։

 

Հանդիսավարութիւնը ստանձնած էր մրցանակակիր հաղորդավար Լորա ՄըքՔենզին, որ բարի գալուստ մաղթեց սրահը ամբողջութեամբ լեցուցած մասնակիցներուն։

 

Թանգարանին գործադիր վարիչ Շանթ Սահակեան արտայայտուեցաւ թանգարանի ծրագիրին կարեւորութեան մասին, շեշտելով, որ անիկա պիտի նպաստէ հայոց պատմութիւնը եւ մշակոյթը պահպանելու եւ անոնց բարգաւաճումը ապահովելու ջանքերուն, հանդիսանալով նուէր մը յաջորդող սերունդներուն։

 

Իր կարգին, թանգարանի գործադիր մարմինի ատենապետ Պերճ Կարապետեան շնորհակալութիւն յայտնեց ծրագիրին առաջին իսկ օրէն զօրակցող նուիրատուներուն, կամաւորներուն եւ յատկապէս թանգարանի «Հիմնադիրներու շրջանակ»ի անդամներուն, հիմնադիր բարերարներուն եւ «Ժառանգութեան խորհուրդ»ին։ Ան նաեւ յայտարարեց, թէ նուիրահաւաքին 100,000 տոլարով կը մասնակցի Քրիս Պօղոսեանը, եւ 250,000-ական տոլարով՝ տէր եւ տիկին Վարանդ եւ Ժանէթ Պարսումեանները եւ տէր եւ տիկին Պետրոս եւ Աննա Օրունճաքճիէլները։

 

Ընթրիքին ընթացքին, ներկաները վայելեցին Կրեկ Հօշարեանի եւ «Արմինըն փափս»ի կատարումները։

 

Ապա, Քալիֆորնիոյ նահանգային Ծերակոյտի անդամ Էնթընի Փորթանթինօ իր ելոյթին մէջ ողջունեց այն իրողութիւնը, որ նահանգապետ Կեւըն Նիւսըմ նահանգին 2019-2020 ամավարկին մէջ հաստատեց թանգարանին 5 միլիոն տոլար յատկացնելու որոշումը։

 

Իր կարգին, քոնկրեսական Էտըմ Շիֆ դրուատեց թանգարանի ծրագիրը, շեշտելով, որ անիկա պիտի հանդիսանայ այն վայրը, ուր տարբեր ազգերու եւ կրօնքներու ներկայացուցիչները առիթը պիտի ունենան ծանօթանալու ամերիկահայ համայնքին ունեցած յատկանշական ներդրումներուն։

 

Հայաստանի կառավարութեան Սփիւռքի գործերու գլխաւոր յանձնակատար Զարեհ Սինանեան իր ելոյթին մէջ նշեց, որ մօտէն ծանօթ է թանգարանի ծրագիրին անցած ճամբուն եւ եղած է անոր մասնակիցներէն մէկը: «Այսօր Ամերիկայի հայ համայնքն աւելի քան երբեւէ մօտ է թանգարանի ստեղծմանը, թանգարան, որն ամերիկեան հանրութեանը կը ներկայացնի Միացեալ Նահանգներում հայերի պատմութիւնը, հայ համայնքի հսկայական ներդրումը երկրի կեանքում, մշակոյթի, գիտութեան եւ այլ բնագաւառներում: Այսօր հայ ժողովուրդն իր անբաժանելի երկու բաղկացուցիչ մասերով առաջ է շարժւում աւելի վստահօրէն, քան երբեւէ մեր ժամանակակից պատմութեան ընթացքում: Ունենալ հզօր Հայաստան նշանակում է ունենալ հզօր Սփիւռք», ընդգծած է Սինանեան, աւելցնելով. «Թանգարանը ոչ միայն հայոց պատմութեան մատուցման մէկ հարթակ է, այլ նաեւ կրթական կենտրոն, որը կարեւոր դեր է կատարելու հայապահպանման գործում»:

 

Այնուհետեւ սկսան մեծարումները:

 

Քաղաքական եւ իրաւական մարզերէն ներս իր յատկանշական իրագործումներուն եւ Կլենտէյլ քաղաքին հետ թանգարանի տարեկան միայն մէկ տոլարի վարձակալութեան համաձայնագիրին պատրաստութեան մէջ իր դերակատարութեան համար մեծարուեցաւ յայտնի իրաւագէտ Քենեթ Լ. Խաչիկեանը: Մրցանակը յանձնեցին թանգարանի հոգաբարձական կազմի անդամներէն՝ Տոքթ. Նազարէթ Տարագճեան (Ամերիկայի Հայ Աւետարանչական ընկերակցութիւն) եւ Գաբրիէլ Մոլոյեան («Նոր Սերունդ» մշակութային միութիւն), ինչպէս նաեւ Լոս Անճելըսի մօտ Հայաստանի հիւպատոս Դոկտ. Արմէն Բայբուրդեան:

 

Ամերիկահայութեան ցուցաբերած իր նեցուկին եւ Լոս Անճելըս գաւառի իշխանութիւններէն թանգարանին համար 1 միլիոն տոլարի աջակցութիւն ապահովելուն համար, մեծարուեցաւ Լոս Անճելըս գաւառի վերահսկիչներու խորհուրդի անդամ Քեթրին Պարկըր։ Մրցանակը յանձնուեցաւ թանգարանի հոգաբարձութեան անդամ Արշօ Աւագեանին (Հայ Օգնութեան Միութեան Միացեալ Նահանգներու Արեւմտեան շրջան) եւ հոգաբարձութեան ներկայացուցիչ Տոքթ. Ռաֆֆի Պալեանի («Նոր Օր» հիմնարկութիւն), ինչպէս նաեւ ծերակուտական Փորթանթինոյի կողմէ:

 

Իբրեւ Միացեալ Նահանգներու ծովուժի նախկին քարտուղար եւ պաշտպանութեան փոխնախարար սպասարկած ամերիկահայ Փօլ Ինկնէյշըս, որ գործուն մասնակցութիւն բերած է նաեւ թանգարանի դրամահաւաքի նախաձեռնութեանց, յաջորդ մեծարեալն էր։ Մրցանակը յանձնեցին՝ հոգաբարձութեան անդամներ՝ Թալին Եագուպեան (Հայկական Բարեգործական Ընդհանուր Միութեան Միացեալ Նահանգներու Արեւմտեան շրջան) եւ Աւետիք Իզմիրլեան (Հայ մշակութային հիմնարկութիւն), ինչպէս նաեւ Կլենտէյլի քաղաքապետ Արա Նաճարեան, որ քաղաքին կողմէ նաեւ յատուկ յուշատախտակ մը յանձնեց ծովուժի նախկին քարտուղարին:

 

Նշենք, որ Հայ-ամերիկեան թանգարանի վարչութեան մաս կը կազմեն շրջանի հետեւեալ կազմակերպութիւնները եւ հաստատութիւնները՝ Հիւսիսային Ամերիկայի Հայ կաթողիկէ առաջնորդարան, Հայ մշակութային հիմնարկութիւն, Հիւսիսային Ամերիկայի Հայ աւետարանական միութիւն, Հայկական Բարեգործական Ընդհանուր Միութեան Միացեալ Նահանգներու Արեւմտեան շրջան, Ամերիկայի Հայ աւետարանչական ընկերակցութիւն, Հայ Օգնութեան Միութեան Միացեալ Նահանգներու Արեւմտեան շրջան, «Նոր Օր» հիմնարկութիւն, «Նոր Սերունդ» մշակութային միութիւն, Հիւսիսային Ամերիկայի Հայց. առաքելական եկեղեցւոյ Արեւմտեան թեմի առաջնորդարան եւ Ամերիկայի Միացեալ Նահանգներու Հայց. առաքելական եկեղեցւոյ Արեւմտեան թեմի առաջնորդարան:


Հայ-ամերիկեան թանգարանի եւ մշակոյթի կեդրոնին մասին յաւելեալ տեղեկութիւններու համար՝ այցելել www.AAMGala.org կայքը կամ դիմել (818) 644-2073 թիւին:

 

 

 

Լրահոս - 07 Յունիս 2020
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։