Հայ
Սարգիս Մինասեան
Գրախօսական. The Bilderberg Group. DANIEL ESTULIN
Գրախօսական.  The Bilderberg Group.  DANIEL ESTULIN
Ապրիլ 13 , 2017 , 14:43

Էսթուլինի ազգային պատկանելիութեան մասին կարելի է այլազան գուշակութիւններ կատարել. աշխարհի դէպքերով կլանուած մէկը եղած է։ Սկիզբները, թէ՛ իր ուսման եւ թէ աշխարհի հետաքրքրական անցուդարձերու մասին հետեւողական եւ որոշիչ չէ։ Ժամանակին հետ, սակայն, քանի մը ծանօթ հեղինակներու նման, որոնք համարձակած են բացայայտել Պիլտըրպըրկի ծրագիրները, եւ ապագայի նպատակակէտերը, իր կարգին, Էսթուլին նոյն կիրքով կը կլանուի, հետեւողականօրէն հետապնդելով անոնց ծածուկ գործունէութիւնները տարիներու երկայնքին։

Այս աշխատանքը սակայն փորձանուտ ու վտանգաւոր է։ Պիլտըրպըրկի հաւաքոյթները խորհրդաւոր են, գաղտնի ոստիկաններու հսկողութեան տակ։

Քանատահպատակ, բայց հաւանաբար Սպանիա բնակութիւն հաստատած, Տէյվիտ Էսթուլինի հատորին մէջ կ՚երեւին սեւ-ճերմակ բազմաթիւ լուսանկարներ, որոնք հեռուէն նկարուած են, այլազան տարիներու հաւաքներու ընթացքին։ Հոն կը տողանցեն գլխաւոր «աստղերը» այդ խորհրդաժողովներուն։ Այսպէս, անոնցմէ յիշատակենք Տէյվիտ Ռոքըֆելլըրը, Հենրի Քիսինճըրը, Զպիկնիեւ Պրզեզինսքին, Եւրոպայի, յատկապէս՝ Հոլանտայի եւ Անգլիոյ, միլիոնատէր աւագանին, Միացեալ Նահանգներու, Անգլիոյ ու Ֆրանսայի առաջնորդող թերթերու արտօնատէր-խմբագիրները։

Էսթուլին իր լուրերը կը քաղէ Պիլտըրպըրկի հաւաքավայրին մէջ ծառայողներէ. խոհարարներէն, լուացարարներէն, պահակներէն, դռնապահներէն, մատակարարներէն, եւլն., հազարումէկ ճարպիկութիւններով, ներառեալ՝ կաշառակերութեամբ։ Բայց այդ հանդիպումները վտանգաւոր են։ Օրինակի համար. անգամ մը տեղեկութիւններ քաղելու նպատակով, ապահոված էր գաղտնօրէն իր հսկողութիւնը, հանդիպման վայրին մէջ, KGB-ի նախկին անդամի մը կողմէ, գործակալներուն մէջ ամէնէն վստահելին նկատելով…։ Ըստ Էսթուլինի, լրագրողի իր անունը բոլոր երկիրներու ոստիկանութեանց ծանօթ էր։

Պիլտըրպըրկի խումբը ունեցած է իրենց դաւանանքին կամ նախաձեռնութիւններուն համաձայն չեղող կամ հակառակորդ անձնաւորութիւններ, ինչպէս Ուինսթըն Չրչիլ, Ճոն Քենետի, Զօր. Շարլ Տը Կոլ, Ռիչըրտ Նիքսըն, Ալտօ Մոնրօ, Մարկրէթ Թեչըր, Պերրի Կոլտուոթըր, եւլն.։

Էսթուլին երբ մանրամասնօրէն կը բացայայտէ Պիլտըրպըրկի «թաքուն» հանդիպումները, նոյնիսկ տալով մասնակցողներուն այբբենական ցանկը, անոնց վայելած վարկով ու վարած դերերով ու պաշտօններով, հետապնդած ծրագիրներով, ինչպէ՞ս կ՚ըլլայ որ ահաբեկութեան չէ ենթարկուած… արդեօ՞ք այն նկատողութեամբ որ… լաւագոյնս կը ծառայէր Խումբին փրոփականտին…։

Արդեօք որքա՞ն իրականանալի պիտի ըլլար ազգ-պետութիւններու բնաջնջումը, ներառեալ՝ Միացեալ Նահանգներունը։ Ռաքըֆելլըրներու հետեւողական, յորդառատ ֆինանսաւորումը, կամ Պրզեզինսքիի փիլիսոփայութիւնը՝ տիեզերական մէկ հասարակարգ (only world order) ստեղծելու, ՄԱԿ-ի ղեկավարութեամբ, ու խումբ մը (Bilderberg Croup) ընչաքաղց փարազուններու (magnates) կողմէ, արդեօք ցնորական չէ՞։

Հասարակ մարդուն համար, որ կ՚առաջնորդուի իրեն ամէն օր հայթայթուած լուրերէն՝ հեռատեսիլի, մամուլի կամ ելեկտրոնային այլազան սարքերու միջոցով, այս հատորին բովանդակութիւնը պիտի գայ ջրելու կամ ուղղելու շատ մը իրողութիւններ կամ համոզումներ, որոնք իբրեւ տուեալ ընդունուած էին։ Եւ այնուհետեւ բանիմաց քաղաքացին, կ՚ենթադրուի թէ ըստ այնմ պիտի ընկալէ իրեն հաղորդուածը, պատահարները յարաբերաբար աւելի կշռադատ մօտեցում մը որդեգրելով տեղեկութեանց կամ դէպքերու հանդէպ։

Իր այս հատորի բովանդակութեամբ, Դանիէլ Էսթուլին կը պայքարի մարդ էակի խօսքի ազատութեան, հիմնական իրաւունքներու ու բարոյական սկզբունքներու պաշտպանութեան համար։ Այս գիրքը, գրական արժանիքներէ աւելի, կը փոխանցէ հետաքրքրական իրողութիւններ ու դէպքեր, միջազգային ոլորտներուն տիրապետող, ազդեցիկ elite խաւի մը լծակային աշխատանքներուն եւ հեռանկարներու մասին, նոր իրաւակարգ մը (New World Order) ստեղծելու իրենց անողոք ճիգերուն մէջ։

Հանրածանօթ գրող եւ հրապարակախօս David Estulin-ի "The True Story of the Bilderberg Group" հատորէն - նաեւ թարգմանուած 41 լեզուներու 64 երկիրներու մէջ - ցարդ վաճառուած են 6 միլիոն օրինակներ։ Անիկա հեղինակ է 12 հատորներու, որոնցմէ 5-ը "best seller"ներ են։

Արեւմտեան երկիրներու խումբ մը «ազնուական» անձնաւորութեանց աշխարհավարութեան ձգտումներուն ու գործունէութեանց մասին, "The True Story of the Bilderberg Group"ը յորդառատ տուեալներով յագեցած բովանդակալից եւ յոյժ հետաքրքրական հատոր մըն է։

 

Թարգմ.՝ ՍԱՐԳԻՍ Յ. ՄԻՆԱՍԵԱՆ 

(Շար. 3 եւ վերջ)


Լրահոս - 23 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։