Հայ
Սարգիս Մինասեան
Թրամփ երեւոյթը պատերազմի սեմին Պայքարելով Չինաստանի դէմ. ՖԻԼԻՓ ԿՈՐՏԸՆ
Թրամփ երեւոյթը պատերազմի սեմին Պայքարելով Չինաստանի դէմ.  ՖԻԼԻՓ ԿՈՐՏԸՆ
Մայիս 11 , 2017 , 14:59

Քուպայի տագնապէն ասդին, Հոկտեմբեր 2017 թուականն է։ Ըստ մասնագէտներու, յոռեգոյն վտանգաւոր ճակատումն է հիւլէական զինանոց ունեցող երկու երկիրներու միջեւ։ Չինաստան - Մ. Նահանգներ առեւտրական պատերազմ մը յառաջացած է, երբ ծանր բախումներ պատահած են Հարաւային Չինաստանի ծովուն վրայ, երկու կողմերու՝ ամերիկեան ու չինական նաւերու միջեւ, երկուստեք մահեր պատճառելով։ Շշուկներ կան, որ Չինաստան իր հիւլէակիր ուժերը ահազանգային վիճակի մէջ դրած է։ Ճակատումը, որմէ շատեր կը սոսկային, ընթացք առած է։

Ընտրապայքարի ընթացքին, եւ ընտրուելէ ետք, օտար թիրախներէն առաջնայինը զոր նախագահ Թրամփի քննադատութեան արժանացած էր, Չինաստանն էր։ Այս վերջինը կ՚ամբաստանուէր ամերիկեան գաղտնիքներու գողութեամբ ու գործերու կորուստով։ Պենըն, Մարտ 2016-ին, մինչեւ իսկ պատերազմ նախատեսած էր յառաջիկայ 5-10 տարիներուն։ Թրամփ, հեռաձայնային խօսակցութեան մը ընթացքին Թայուանի նախագահին հետ, յայտնեց թէ «մէկ Չինաստան» քաղաքականութիւնը փոփոխութեան ենթակայ պիտի ըլլար, եթէ Չինաստան զիջումներ չկատարէր առեւտրական շուկայէն ներս։

Անցեալ Փետրուարին, Չինաստանի նախագահ Սի Ցինփինի հետ հեռաձայնային խօսակցութենէ մը ետք, Թրամփ յայտարարեց, թէ Մ. Նահանգներ պիտի յարգէր «մէկ Չինաստան» քաղաքականութիւնը։ Ասիոյ մասնագէտները գոհ էին, որ տագնապ չստեղծուեցաւ, բայց նախագահ Թրամփ մոլեգնած էր ձգուած ա՛յն տպաւորութենէն, թէ ինք տեղի տուած էր այս առաջին դէպքով Չինաստանի հետ, եւ այսուհետեւ պիտի նկատուէր «թուղթէ վագր» մը։

Բախումի հաւանականութեան այլ դէպքեր ալ պիտի հետեւէին։ Պետական քարտուղարութեան պաշտօնին համար թեկնածու Ռեքս Թիլլըրսընի ունկնդրութեան, այս վերջինը յայտարարեց, թէ Հարաւային Չինական ծովուն մէջ պիտի արգիլուէր հոն գտնուող կղզիներուն վրայ Չինաստանի մատչումը (access)։ Իբրեւ հակադարձութիւն այս յայտարարութեան, պետական օրկան "China Daily"ն կը զգուշացնէր, թէ վերոյիշեալ քաղաքականութեան գործադրութիւնը կրնար առաջնորդել «լայնատարած ճակատումի», իսկ "Global Times"ի գնահատումով՝ «ծաւալուն պատերազմի»։

Հիւսիսային Քորէայի հարցով, Չինաստան համակարծիք էր ՄԱԿ-ի կողմէ առնուած որոշումին, որ կը դատապարտէր այդ երկրին կողմէ հեռարձակ հրթիռներու փորձարկումը, կամ հիւլէական զէնքերու պատրաստութիւնը։ Սակայն, անկէ անդին, Չինաստանի նախագահը կը նկատէր, թէ Ամերիկա աւելի մեծ վտանգ մը կը ներկայացնէ, եւ հետեւաբար կը մերժէր որեւէ սպառնալիք Ուաշինկթընի կողմէ։

Ազգայնական պոռթկումներ, կամ առեւտրական ու զինուորական հակադարձ միջոցառումները երկու երկիրներու միջեւ, պիտի առաջնորդէին համատարած բախումի, ներքաշելով նաեւ դրացի երկիրները յառաջանալիք պատերազմին մէջ։ Մինչդեռ Թրամփին ուզածը առեւտրական աւելի նպաստաւոր ու շահաբեր պայմաններ ձեռք ձգել էր իր երկրին համար։

 

Յաջորդ քորէական պատերազմը

Ենթադրենք, թէ Դեկտեմբեր 2018-ն է։ Հարաւային Քորէան ծանր ռմբակոծումի ենթարկած է Սէուլը, պատճառելով հազարաւոր մահեր։ Ամերիկան եւ հարաւ-քորէական ուժերը, փոխադարձ պաշտպանողական դաշնագրի հիման վրայ, ցամաքային եւ օդային ռմբակոծումներու ենթարկած են Հիւսիսային Քորէայի զինուորական դիրքերը, ինչպէս նաեւ օդային պաշտպանութեան կառոյցը, ներառեալ՝ հեռարձակ հրթիռներու կայանը, ուրկէ Փիոնկ-Եանկ հիւլէակիր հրթիռներով կրնար ենթադրաբար ռմբակոծել Մ. Նահանգներու ցամաքամասը։ Հասած է այն պահը, երբ Թրամփ պիտի վճռէ շարունակելու պատերազմը, աչքի առնելով հիւլէական զինուորական բախումի մագլցում մը։ Իր խորհրդականներէն ոմանք կը պնդեն վերջացնել գործը, իսկ ուրիշներ զգուշացնելով, որ նման քայլ մը պիտի վտանգէր քորէական Թերակղզիին վրայ գտնուող 28,000 ամերիկացի զինուորներէն շատերուն կեանքը, տակաւին նկատի ունենալով նաեւ մայրաքաղաք Սէուլի 10 միլիոն քորէացի բնակչութիւնը։

 

Սակայն ինչո՞ւ հոս պիտի հասնէր հարցը

1994-ին, համաձայնութիւն մը գոյացած էր Հիւսիսային Քորէայի հիւլէական ծրագիրը կասեցնելու համար։ Բայց 2003-ին, երբ Փիոնկ-Եանկի խարդախութիւնը բռնուեցաւ, Ճորճ Ու. Պուշ աւելի կարծր պատժամիջոցներ հաստատեց։ Բանակցութեանց բազմաթիւ փորձեր անարդիւնաւէտ մնացին։ Ըստ մասնագէտներու, 2017-ին, Փիոնկ-Եանկ արդէն երկոտասնեակէ մը աւելի հիւլէական ռազմամթերանոցներ ունէր։ Նաեւ, հաւանաբար, հիւլէական հեռավար հրթիռներ, որոնք հասանելի էին Ասիոյ մէջ որեւէ թիրախի, մինչեւ իսկ՝ Մ. Նահանգներ մինչեւ 2023-ին։

Բազմաթիւ մասնագէտներ ու պետական նախկին պաշտօնատարներ, թախանցեցին Թրամփի, որ բանակցութեանց ձեռնարկէ Հիւսիսային Քորէայի հետ, տնտեսական եւ ապահովական գրաւիչ միջոցառումներ առաջարկելով, փոխան՝ հիւլէական նախաձեռնութեանց դադարեցումին ու փորձարկութեանց, անշուշտ Չինաստանի ալ օժանդակութիւնը հայցելով։

Սակայն Թրամփի վարչակազմը նախընտրեց ճակատումի քաղաքականութիւնը։ Փետրուար 2019-ին, Փիոնկ-Եանկ փորձարկեց 310 մղոն հեռաւորութեան հասնող հրթիռ մը Ճափոնի ծովուն մէջ։ Թրամփի երէց խորհրդականներէն Սթիֆըն Միլըր յայտարարեց զինուորական անդիմադրելի զօրուժի կեդրոնացում Հիւսիսային Քորէայի դիմաց։ Միաժամանակ, Թրամփ յայտարարեց 54 պիլիոնի յաւելում ամերիկեան պաշտպանողական ծրագրին՝ 2018 տարուան համար։ Նոյն տարուան ամրան, Սպիտակ Տունը որդեգրեց Հիւսիսային Քորէայի վրայ ճնշում բանեցնելու քաղաքականութիւնը՝ Չինաստանի միջոցով։ Իսկ եթէ անկարելի ըլլար անոր հետ գործակցութիւնը, մաքսատուրքերը պիտի բարձրանային, որպէսզի Պեճինկ չշարունակէ տնտեսապէս «լլկել» Մ. Նահանգները։

Այս ընթացքով հակամարտութիւնը պիտի աւելնար Թրամփի իշխանութեան առաջին տարիներուն։ Հիւսիսային Քորէա պարբերաբար պիտի կատարէր ռմբակոծումները ապառազմականացած (demilitarized) գօտիէն անդին։ Բառերու կռիւը Փիոնկ-Եանկի եւ Ուաշինկթընի միջեւ պիտի մագլցէին։ Թրամփ Twitter-ի միջոցով պիտի ազդարարէր, թէ Փիոնկ-Եանկի հիւլէակիր հրթիռները պիտի չկարենային հասնիլ Ամերիկա։ Երբ զգացին, թէ Քիմ Ժեն Ուն մտադիր է գործածելու հիւլէակիր հրթիռներ, նախընտրելի նկատուեցաւ արձակելէ առաջ զանոնք փճացնել իրենց կայանին մէջ հեռավար հրթիռներով։

 

Սորվելով անցեալէն

Ապագայի վերոյիշեալ վախազդեցիկ հեռանկարները հեռու են անխուսափելի ըլլալէ։ Արդարեւ, այդ բոլոր խոստումները խզուելու անցեալին հետ, ամերիկեան քաղաքականութիւնը այդչափ ալ յեղափոխական կամ անզգոյշ պիտի չըլլար, ինչպէս շատեր կը վախնան։ Նախագահ Թրամփ արդէն ապացուցանեց իր կարողութիւնը ուղղութիւն փոխելու առանց խղճահարութեան՝ շատ մը հարցերու մէջ։ Իր խելամիտ խորհրդականները կրնան չափաւորել իր վարմունքը։

Նկատի ունենալով Պրն. Նախագահին խառնուածքը, որոշում կայացնելու ոճը, եւ արտաքին քաղաքականութեան ըմբռնումը, այն հեռանկարները թէ ինչ պիտի պատահի, աննախատեսելի են. արտաքին քաղաքականութեան մէջ աղէտներ կրնան պատահիլ։ Նախընթաց օրինակները մէկէ աւելի են. Ա. Համաշխարհային Պատերազմին, 1965-ի Վիեթնամի հակամարտութեան եւ 2003-ի իրաքեան արշաւանքին համատարած աւերները ծանօթ են բոլորին։ Իւրաքանչիւր պարագային անմիտ որոշումներ, թերի գործարկութիւն ու բաղձալի մտածողութիւն առաջնորդած են աղէտի, եւ որոնք սակայն կրնային կանուխէն նախատեսուիլ։

Թերեւս նախագահ Թրամփ իրաւացի է, որ զինուորական ակնառու զօրացում մը, իր անգուշակելի համբաւ ունենալը, բանակցելու ոճը, պիտի մղեն այլ երկիրներ զիջումներ կատարելու, ի նպաստ Մ. Նահանգներու ապահովութեան ու բարգաւաճման։

Բայց եւ այնպէս, նաեւ, սխալ կամ վնասաբեր է նման վարքագիծ մը։

 

 

(Շար. 2 եւ վերջ)

Ազատ թարգմանութիւն՝ յապաւումներով

“Foreign Affairs”, Մայիս-Յունիս 2017

Լրահոս - 23 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։