Հայ
Խաչիկ Ճանոյեան
Երգի եւ երաժշտութեան վաստակաւոր գործիչ՝ Հենրիկ Անասեանի ծննդեան 80ամեակը
Երգի եւ երաժշտութեան  վաստակաւոր գործիչ՝ Հենրիկ Անասեանի ծննդեան 80ամեակը
Յուլիս 06 , 2017 , 14:50

Կիրակի, Յունիս 25, 2017, երեկոյեան ժամը 6ին, Կլենտէյլի John Wayne հանդիսասրահին մէջ, մեծաշուք ձեռնարկով մը եւ հոծ բազմութեան ներկայութեամբ, Լոս Անճելըսի հայութիւնը մեծագոյն սիրով նշեց հայ երգի եւ երաժշտութեան մեծանուն գործիչ, 200է աւելի երգերու եւ երաժշտական կտորներու հեղինակ, խմբավար, «Սիփան» երգչախումբի հիմնադիր եւ 38 տարիներու ղեկավար՝ Հենրիկ Անասեանի ծննդեան 80 եւ հայ երգի ու երաժշտութեան վաստակի 60ամեակները:

Բազմատաղանդ այս արուեստագէտը, հայ երգի եւ երաժշտութեան աստուածատուր շնորհքէն բացի, գրական բացառիկ շնորհներով օժտուած գրող է, հրապարակագիր է, գիրքերու հեղինակ է եւ Քալիֆորնիոյ Հայ Գրողներու Միութեան արժանընտիր նախագահն է: Այդ երեկոյ ներկաները եկած էին մեծարելու միայն հայ երգի եւ երաժշտութեան անխոնջ գործիչը, իսկ մենք, վստահ ենք, որ ապագային նման ձեռնարկով մը եւս պիտի գնահատուի նաեւ Հենրիկ Անասեան շնորհալի գրողը:

Հենրիկ Անասեան ոչ միայն պաշտելու աստիճան կը սիրէ եւ կապուած է հայ երգին եւ երաժշտութեան, այլ նաեւ միջազգային երգին ու երաժշտութեան խորիմաց արուեստագէտ մըն է, միջազգային երգին ու երաժշտութեան ովկիանոսի մէջ լողացող կէտ ձուկ մըն է: Այնուհանդերձ, մեր մեծարեալը հաւատարիմ մնաց իր «Փոքր Ածուի» երգին եւ երաժշտութեան եւ 60 տարի շարունակ ծառայեց մեր ժողովուրդի արուեստին:

Ձեռնարկը իրենց ներկայութեամբ կը պատուէին ՀՀ Լոս Անճելըսի Գլխաւոր հիւպատոսի տեղակալ՝ Վալերի Մկրտումեան, որուն հովանաւորութիւնը կը վայելէր այս ձեռնարկը, Կլենտէյլի Քաղաքապետական Խորհուրդի անդամ՝ Վրէժ Աղաջանեան, հոգեւոր հայրեր, կուսակցական, մշակութային եւ հասարակական միաւորներու ներկայացուցիչներ, մամուլի եւ հեռատեսիլի աշխատակիցներ:

Փառք ու հազար պատիւ մեր ժողովուրդին, որ այդ օր հակառակ տեղի ունեցած խաչաձեւող բազմաթիւ ձեռնարկներու, հոծ բազմութեամբ ներկայ գտնուեցաւ յոբելենական այս հանդիսութեան եւ գնահատեց հայ ժողովուրդի երգարուեստի ամբողջանուէր սպասարկուներ՝ Հենրիկ Անասեանի, անոր տիկնոջ, սքանչելի երգչուհի Մարիէտային, հոյակապ զաւակներուն՝ երգիչ Արամին եւ երաժշտական խումբի ղեկավար Արմէն Անասեանին, մանաւանդ «Սիփան» երգչախումբի հին եւ նոր բոլոր անդամներուն, անոնց ընկերակցող հրաշալի սիմֆոնիկ նուագախումբի արհեստավարժ անդամներուն արուեստը։

Այդ օր, Հենրիկ Անասեանին երգով եւ նուագով շնորհաւորելու եկած էին գաղութիս սիրուած եւ յարգուած անուանի երգիչ-երգչուհիներ՝ Մարալ Բարսեղեան, Անահիտ Ներսիսեան, Անահիտ Մանուկեան, Սալբի Մայիլեան, Պապին Պօղոսեան, դուդուկի մեծ վարպետ Ռուբէն Յարութիւնեան, Յարութ Ֆոդուլեան՝ հանդիսավարութեամբ, որոնք Հենրիկ Անասեանի երգերը եւ նուագները կատարելով արժանացան ներկաներուն գնահատանքին։

Կազմակերպիչ յանձնախումբի անունով բարի գալուստի եւ բազմաջերմ խօսք կատարեց ծանօթ հասարակական գործիչ՝ Յակոբ Յովհաննիսեան: Ան Հենրիկ Անասեանի բազմերես ծառայութիւնը ներկայացնելէ ետք՝ ամբիոն հրաւիրեց ՀՀ Գլխաւոր հիւպատոսի տեղակալ՝ Վալերի Մկրտումեանը:

Հայաստանի պետական ներկայացուցիչը շատ գեղեցիկ ձեւով ներկայացուց Անասեանի 60 տարիներու երկար վաստակը, ապա Գլխաւոր հիւպատոսութեան կողմէ գնահատագիր մը յանձնեց մեծարեալին: Նմանապէս, Կլենտէյլի քաղաքապետ՝ Վարդան Կարպետեանի գնահատագիրը կարդաց Քաղաքապետական Խորհուրդի նորընտիր անդամ՝ Վրէժ Աղաջանեան: Գնահատագրեր ղրկած էին Լոս Անճելըսի Քաղաքապետական Խորհուրդի անդամ Փօլ Գրիգորեան եւ հայասէր քոնկրէսական Ատամ Շիֆ: Շնորհաւորական նամակներ ղրկած էին շրջանիս հոգեւոր պետերը, մշակութային եւ հայրենակցական միութիւնները, գործարարներ եւ Հենրիկ Անասեանին մօտէն ծանօթ ընկերներ:

Յակոբ Յովհաննիսեան սիրով հրաւիրեց ծանօթ ասմունքող՝ Յարութիւն Ֆոդուլեանը, ձեռնարկը վարելու համար: Այդ օրուան յայտագիրը ամբողջութեամբ Հենրիկ Անասեանի ստեղծագործութիւնները կը ներկայացնէր: Այդ գիշեր ելոյթներ ունեցան շատ շնորհալի երգիչ-երգչուհիներու հոյլ մը, ընկերակցութեամբ՝ հրաշք սիմֆոնիկ նուագախումբին:

Յայտագրին Ա. մասը ամբողջութեամբ ձեռնհասօրէն  ղեկավարեց Հենրիկ Անասեանի որդին՝ Արմէն Անասեանը:

38 տարիներ առաջ Հոլիվուտի մէջ կեանքի կոչուեցաւ «Սիփան» երգչախումբը, նախաձեռնութեամբ եւ ղեկավարութեամբ Հենրիկ Անասեանի:

«Սիփան» երգչախումբի եւ սիմֆոնիկ նուագախումբի կատարումները ղեկավարեց նոյնինքն՝ Հենրիկ Անասեանը: Յօրինուած չորս երգեր սքանչելիօրէն կատարեցին «Սիփան» երգչախումբի անդամները։

Վերջաւորութեան, յանուն «Սիփան» երգչախումբի բոլոր ամդամներուն, վարչութեան բազմամեայ եւ խիստ համակրելի ատենապետ՝ Ռաֆֆի Թորոսեան յուշանուէրով մը անդամներուն շնորհակալութիւնը յայտնեց Մաէսթրոյին, անոր 38 տարիներու անխոնջ աշխատանքին համար: 

Վերջաւորութեան, երգչախումբի անդամները, բոլոր երգիչները եւ սրահը լեցնող բազմութիւնը, ընկերակցութեամբ սիմֆոնիկ նուագախումբին երգեցին «Շնորհաւոր տարեդարձ» երգը, նուիրուած օրուան մեծարեալ՝ Մաէսթրօ Հենրիկ Անասեանին:

Այդ գիշեր Կելնտէլի John Wayne սրահը, փոքրիկ Հայաստանի վերածուած էր, այնքան հայաբոյր, հայատրոփ եւ հայրենասիրական անուշահամ երգ ու խօսք հնչեցին այդ սրահէն ներս, որուն համար կարելի է ըսել որ այս ձեռնարկին ներկայ չգտնուողները իրապէս մեծ հաճոյքէ մը, սիրտերն ու հոգիները լիցքաւորող հազուագիւտ վայելքէ մը զրկուեցան:

Ջերմօրէն կը շնորհաւորենք մեր սիրելի Մաէսթրօ Հենրիկ Անասեանը, իր ծննդեան 80 եւ գործունէութեան 60ամեակներուն առիթով:

Հենրիկ Անասեան իր կենդանութեան օրով իսկ, իր գործով եւ վաստակով, արդէն իսկ անմահներու շարքին անցած է: Վարձքդ կատար, սիրելի Մաէսթրօ: Ձեզի կը մաղթենք երկար եւ կենսառողջ օրեր:

 

Լրահոս - 23 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։