Հայ
Հրաչ Սեփեթճեան
Զրոյց՝ ՀԵԸի Կեդրոնական Վարչութեան ատենապետ Վիգէն Չերչեանի հետ
Զրոյց՝ ՀԵԸի Կեդրոնական Վարչութեան ատենապետ Վիգէն Չերչեանի հետ
Յուլիս 06 , 2017 , 17:00

«Մենք կը հաւատանք, որ ՀԲԸՄի գոյատեւումը կու գայ իր երիտասարդական շարժումներէն»

 

Օրերս Լոս Անճելըս կը գտնուին Տէր եւ Տիկ. Վիգէն եւ Յասմիկ Չերչեանները՝ Պէյրութէն։ Այս ամոլը, Հայկական Բարեգործական Ընդհանուր Միութեան եւ Հայ Երիտասարդաց Ընկերակցութեան մէջ թրծուած տիպար միութենականներ են, որոնց զաւակները նոյնպէս կ՚ընթանան նոյն ուղիէն։ Վիգէն Չերչեան ներկայիս ատենապետն է Հայ Երիտասարդաց Ընկերակցութեան Կեդրոնական Վարչութեան եւ անդամ՝ ՀԲԸՄի Լիբանանի Շրջանակային Յանձնաժողովին. պատասխանատու երկու պաշտօններ, որոնց արժանացած է իր ջանադիր աշխատանքին եւ համեստութեան շնորհիւ։ Անցեալ տարի, երբ Պէյրութի մէջ փառաւոր կերպով նշուեցաւ ՀԲԸՄի 110 եւ ՀԵԸի 85ամեակները ներկայութեամբ Միութեան նախագահ Տիար Պերճ Սեդրակեանի, հոն իր անմնացորդ նուիրումը ունէր Վէգէն Չերչեան։ Այդ առիթով լոյս տեսած ալպոմը եւ ՀԲԸՄ-ՀԵԸի 2014-2015 Տեղեկատուն շօշափելի վկաներն են Վիգէն Չերչեանի գլխաւորութեամբ կատարուած աշխատանքներուն Լիբանանի մէջ։

Օգտուելով Լոս Անճելըս կատարած այցելութենէն, հետեւեալ մտերմիկ զրոյցը ունեցանք թերթիս բարեկամ եւ նոյնպէս երկար տարիներու ՀԵԸական՝ Լեւոն եւ Հուրի Քէշիշեաններու հիւրընկալ յարկին տակ։ Նշենք նաեւ, որ ան զբաղմունքով գործարար է, ազատ ձեռնարկատէր, ունի առեւտրական իր հաստատութիւնը։

«Նոր Օր» – Բարի գալուստ Լոս Անճելըս Պրն. Չերչեան։  Խնդրեմ, քանի մը խօսք ձեր մասին։

Վ. Չերչեան – Ծնած եմ Պէյրութ։ Յաճախած եմ ՀԲԸՄի Տեմիրճեան եւ Յովակիմեան-Մանուկեան վարժարանները, դպրոցական տարիքէն բնականաբար անդամագրուելով Հայկական Բարեգործական Ընդհանուր Միութեան։ 1968ին միացած եմ Հայ Երիտասարդաց Ընկերակցութեան Զարեհ Նուպար մասնաճիւղի սկաուտական շարժումին, որմէ ետք եղած եմ խմբապետ եւ ընդհանուր խմբապետ «Ալեք Մանուկեան» կեդրոնին մէջ, ապա՝ 1980ին ստանձնած եմ Անթիլիասի մասնաճիւղի սկաուտական շարժումը, օժանդակելով անոր զօրացման։ Հոն, տարի մը ետք դարձայ ՀԵԸի Գործադիր վարչութեան ատենապետ, որմէ ետք աշխատանքս կեդրոնացաւ մարզական կեանքէն ներս։ Նշեմ, որ Լիբանանեան Սկաուտութենէն ներս վարած եմ պատասխանատու պաշտօններ, իսկ պասքէթպոլի Լիբանանի ֆետերասիոնի մէջ ծառայեցի քսան երկար տարիներ։ Յետագային մաս կազմեցի ՀԵԸի Կեդրոնական Վարչութեան որպէս անդամ, ապա՝ փոխատենապետ եւ Սեպտեմբեր 2012էն ի վեր ատենապետն եմ ՀԵԸի Կեդրոնական Վարչութեան։

«Նոր Օր» – Այսօր ինչպիսի՞ յաջողութիւններ կ՚արձանագրուին ՀԵԸի կառոյցէն ներս։ Պասքէթպոլ, սկաուտութիւն, մշակութային կեանք...

Վ. Չերչեան – ՀԵԸի կառոյցէն ներս կը գործեն բազմաթիւ խումբեր։ Դուք յիշեցիք պասքէթպոլը, սակայն միայն պասքէթպոլի խումբերով չէ որ մենք հպարտ ենք, այլ այսօր  450 թէքուանտոյի մարզիկներ ունինք (վերջերս Կարմիր գօտիի Լիբանանի ախոյեան հանդիսացաւ ՀԵԸը), ճատրակի գծով քանի տարի է, որ աւարտական հանգրուան կը հասնինք, փինկ-փոնկի մեր աղջիկները եւ տղաքը Լիբանանի ախոյեաններ են։ Այո, մարզական շարժումը շատ մեծ թափ ունի ՀԵԸէն ներս։ Բայց աւելի կենսունակ է սկաուտական շարժումը, որ իր զոյգ մասնաճիւղերով՝ Անդրանիկ-Սեւան եւ Անդրանիկ Անթիլիաս, 600-650 հոգի կը հաշուէ։ Ունինք նաեւ սկաուտական փողերախումբը՝ աւելի քան յիսուն մասնակիցներով, որոնք երեք մասնագէտ ուսուցիչներու հսկողութեան տակ, նոթաներով կը հետեւին աշխատանքին։

Մշակութային գետնի վրայ նոյնպէս կը տանինք մեծ աշխատանք։ «Արին» պարախումբը կը բաղկանայ 180 հոգիէ, անոնք տարեկան երկու մեծ ելոյթներ կ՚ունենան՝ մեծերը եւ փոքրերը։ Կը գործէ «Վահրամ Փափազեան» թատերախումբը։ Ունինք նաեւ Կրտսերաց վարչութիւնը՝ դպրոցական տարիքի եւ Համալսարանական համախմբումը եւ ՀԵԸի երիտասարդաց շարժումը, որ յետ համալսարանականներու համար նախատեսուած է։

«Նոր Օր» – ՀԵԸը ՀԲԸՄի երիտասարդական թեւն է։ Ինչպէ՞ս է փոխյարաբերութիւնը երկուքին միջեւ։

Վ. Չերչեան – ՀԵԸը միշտ ՀԲԸՄի հովանիին տակ կը գործէ։ ՀԵԸը պէտք է ամէն ձեւով օժանդակէ ՀԲԸՄի ծրագիրներուն։ Օրինակ, “AGBU Focus 2017”-ն այս տարի Պէյրութի մէջ տեղի պիտի ունենայ, եւ ՀԵԸականներ այնտեղ են, կատարելու համար նախապատրաստական բոլոր աշխատանքները։

Նոյնպէս շատ լաւ յարաբերութեան մէջ ենք ՀԲԸՄի դպրոցներուն հետ, բայց օրինակ, մեր սկաուտական շարժման մէջ բոլոր դպրոցներէն անդամ ունինք, հայկական եւ ոչ-հայկական։ Նաեւ ունինք Ուրբաթ եւ Շաբաթ օրերուն հայերէնի մասնաւոր դասեր ոչ-հայկական վարժարաններ յաճախող մեր հայրենակիցներու զաւակներուն համար։

Մենք կը հաւատանք, որ ՀԲԸՄի գոյատեւումը կու գայ իր երիտասարդական շարժումներէն։ Այսինքն, 4-5 տարեկան փոքրիկը երբ կը միանայ սկաուտական շարժումին կամ պարախումբին, սիրելով հայ մշակոյթը, միեւնոյն ժամանակ կը կապուի հայկականութեան, հայ մեծնալուն, Հայաստանին հաւատալուն, Հայաստանեայց Եկեղեցիին կապուելուն, որոնք ՀԲԸՄի գաղափարաբանութեան հիմքն են։

«Նոր Օր» – Եկէք քիչ մը ընդարձակուինք եւ խօսինք գաղութներու միջեւ կապին մասին։

Վ. Չերչեան – ՀԵԸի Նաւասարդեան խաղերը Լիբանանի մէջ սկսած են, ինչպէս գիտէք։ Ապա, տարբեր ընդմիջումներով տեղի ունեցան տարբեր երկիրներու մէջ, ինչպէս նաեւ հոս՝ Լոս Անճելըս, 1992ին։ Դժբախտաբար վերջին անգամ չկրցանք մասնակցիլ այստեղի խաղերուն։ Պէտք է որ շարունակուին, ինչու չէ Հայաստանի մէջ, ինչպէս որ ՀԵԸի սկաուտները ամէն տարի հայրենիքի մէջ հաւաք կը կազմակերպեն, մարզականն ալ պէտք է ընէ Բարեգործականի հովանիին տակ, անկախ Համահայկական խաղերէն։

Այս տարի 10ամեակն է «Անդրանիկ» բանակավայրին Հայաստանի մէջ, ուր սկաուտներ պիտի հաւաքուին Յուլիս 9-23 (Լիբանանէն 33 հոգի պիտի մասնակցի)։ Անցեալ տարի Քալիֆորնիա մեծ խումբով մասնակցած էր այդ բանակումին։ Երկրորդ բանակում մը՝ Երեւանի սկաուտական շարժումը կը կազմակերպէ, Հայաստանի եւ Վրաստանի խումբերուն մասնակցութեամբ։

Կարելիութիւնը կայ, որպէսզի մարզական մեր խումբերն ալ երկու տարին մէկ Հայաստան հաւաքուին, իրարու քով գան, իրարու հետ մրցին եւ կապը ամրացնեն իրարու միջեւ։

«Նոր Օր» - Շնորհակալութիւն Պրն. Չերչեան այս զրոյցին համար եւ յիշեցնենք բոլոր միութենականներուն, որ Ուրբաթ, Յուլիս 7ի երեկոյեան, Փասատինայի ՀԲԸՄի Վ. եւ Թ. Մանուկեան կեդրոնի Պարտէզին մէջ տեղի պիտի ունենայ ջերմիկ հանդիպում Տէր եւ Տիկ. Վիգէն եւ Յասմիկ Չերչեաններուն հետ։

Վ. Չերչեան – Շնորհակալութիւն ձեզի եւ «Նոր Օր»ին։ Յաջողութիւն կը մաղթեմ թերթին աշխատանքներուն։

 

Զրուցեց՝ Հ. ՍԵՓԵԹՃԵԱՆ

 

Լրահոս - 23 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։