Հայ
Սարգիս Մինասեան
Մեկնաբանութիւն Եւ յաղթականը Սուրիոյ մէջ… Իրանն է
Մեկնաբանութիւն Եւ յաղթականը Սուրիոյ մէջ… Իրանն է
Սեպտեմբեր 14 , 2017 , 13:48

ՃՈՆԱԹԱՆ ՍՓԱՅԸՐ

 

Դիւանագիտական եռուզեռ մը ծայր տուած է սուրիական եւ իրաքեան բեմահարթակներուն վրայ։ Նախաձեռնութիւնները կը կատարուին տարբեր եւ երեւութապէս անկապ ճակատներու վրայ։ Սակայն երբ որ ընթացող երեւոյթները համատեղուին, որոշ պատկերացում մը կը պարզուի։ Այլ խօսքով, մենք կը տեսնենք երկու խմբաւորումներ։ Ա. խումբը միացեալ ուժերով կը պայքարի իր էական շահերուն համար, միւսը, տակաւին ներկայիս, գործօն չէ։

Վարչապետ Նեթանիահու Օգոստոս 23ին Սոչի մեկնեցաւ, Սուրիոյ հարցին կապակցութեամբ խորհրդակցելու համար ռուսական իշխանութեանց հետ։ Հրէաստան մասնաւորապէս մտահոգ է իրանեան աճող ներկայութեամբ այդ երկրին մէջ։ Իսրայէլ կը նկատէ, թէ Ուաշինկթընի ու Մոսկուայի միջեւ համաձայնութիւնը Սուրիոյ հարաւ-արեւմտեան շրջանին մէջ՝ զինուորական գործողութեանց աստիճանական դադրեցումին համար, անբաւարար էր արգելք հանդիսանալու, որ Թեհրան եւ անոր դաշնակից միլիցիաները կայք հաստատեն իսրայէլեան Կոլանի սահմաններու երկայնքին։ Հոս աւելցնենք, թէ Նեթանիահուի այցելութիւնը Փութինի, հետեւանք էր այն ձախողութեան, զոր իսրայէլեան պատուիրակութիւն մը ունեցած էր Ուաշինկթըն Տի.Սի.ի մէջ, Ամերիկայէն յանձնառութիւն մը ունենալու համար, Սուրիոյ հետ իսրայէլեան սահմանագծի ապահովութեան հարցով։

Մինչ այդ, զինուորական գործողութիւնները կը շարունակուին ԻՍԻՍի դէմ այլ ճակատներու վրայ։ Արդէն յարձակողականը սկսած էր Մուսուլ քաղաքի հարաւային կողմէն, Թէլ-Աֆար քաղաքի ուղղութեամբ։ Այս յարձակումին կը մասնակցէին Հաշտ-ըլ-Շաապի ժողովրդական միաւորները (Popular Mobilization Units)։ PMU-ն համախմբումն է շիի զինեալներու, որոնք 2014ի ամրան զօրաշարժի ենթարկուած էին կռուելու համար ԻՍԻՍի դէմ։ Ասոնցմէ յիշատակելի են «Պետ»ի կազմակերպութիւնը, Քթաէպ Հըզպալլան եւ Ասաիպ Էհլ-էլ-Հաքը։

 

***

Ներկայիս կը փորձուի Իրաքի քիւրտերը համոզել, որ Սեպտեմբեր 25ի համար որոշուած անկախութեան հանրաքուէէն հրաժարին։ Պարսկաստան կատաղի կերպով դէմ է որեւէ քրտական շարժումի դէպի անկախութիւն։ Անիկա կը ձգտի տիրող դիրք մը ապահովել Իրաքի քաղաքականութեան մէջ, հովանաւորելով շիի միլիցիան, ու խորհրդարանի մեծամասնական «Տաւա» կուսակցութիւնը։ Անիկա պիտի չուզէր որ Իրաքի կարեւոր մէկ մասը անջատուէր ներկայ երկրամասէն։

Նոյնպէս յստակացած է, թէ քիւրտերու եւրոպացի եւ ամերիկացի դաշնակիցները եւս դէմ են քրտական անկախութեան որեւէ առաջարկի։ Գերմանիոյ թէ Ամերիկայի արտաքին գործոց նախարարները յայտնած են իրենց ընդդիմութիւնը թէ՛ հանրաքուէէն, եւ թէ քրտական անջատման իրաքեան դաշտագետինէն։

Անցեալ շաբաթ մօտեցում մը հաստատուեցաւ Թուրքիոյ եւ Իրանի միջեւ։ Այս վերջնոյն սպայակոյտի պետը, Զօր. Մոհամմէտ Հիւսէյն Պաղերին, Օգոստոս 15ին հանդիպում մը ունեցաւ (երկրին իսլամական յեղափոխութենէն (1979) իվեր, առաջին անգամ ըլլալով) Ռեճէփ Թ. Էրտողանի հետ։ Այս վերջինը հաղորդեց փոխադարձ համաձայնութիւնը զինուորական միացեալ գործողութեան, PKK-ի եւ անոր իրանեան քոյր կազմակերպութեան PJAK-ին դէմ։

Այս ընթացքին, ուշագրաւ նոր զարգացում մը տեղի ունեցաւ. Եգիպտոսի նոր դերը սուրիական երկարաձգուող պատերազմին մէջ։ Անիկա կարեւոր միջնորդի դեր ունեցաւ արեւելեան Ղութայի եւ Հոմսի մէջ, հաւանութեամբ Ռուսաստանի ու Սէուտական Արաբիոյ։

Այս վերջին օրերուն, հետաքրքրական էր նաեւ հանրածանօթ շիի ղեկավար Մուքթատա Էլ-Սատրի անակնկալ այցելութիւնը Ռիատ, ուր հանդիպում մը ունեցաւ Սէուտական Արաբիոյ արքայազուն Մոհամմէտ Պըն Սալմանի հետ։

Փորձելով վերլուծել վերոնշեալ բոլոր դէպքերը, անոնք կը յանգին մէկ կարեւոր եզրակացութեան. բեմավարը Իրանն է։ Ասիկա թիկունք կը կանգնի շիի միլիսներու,  իբրեւ քաղաքական ու զինուորական ուժեր, դէմ է քրտական անկախութեան տենչանքներուն, կը նպատակադրէ ամէն գնով զինեալ ուժեր տեղադրել իսրայէլեան սահմաններու երկայնքին,– յատկապէս Կոլանի մէջ,– ու վերջապէս կը փորձէ Թուրքիան հեռացնել Արեւմուտքէն։ Մէկ խօսքով, Պարսկաստան կը վարէ ու կը հետապնդէ հաստատակամ եւ համապարփակ քաղաքականութիւն մը։ Այս ռազմավարութիւնը կ՚անտեսէ որեւէ խտրութիւն Իրաքի, Սուրիոյ ու Լիբանանի նկատմամբ, այս երկիրները նկատելով նոյն, միակ կրկէսի մը միաւորներ։ Դաշնակիցներ ու սեփական բոլոր միջոցները կ՚օգտագործուին, զարգացնելու համար իրանեան քաղաքական ու զինուորական զօրութիւնը այս աշխարհամասէն ներս։

Ռուսերը սահմանափակ նպատակներ կը հետապնդեն Սուրիոյ մէջ, իսկ նուազ հետաքրքրութիւն ունին Իրաքի մէջ։

Այս բոլորին մէջ Ռուսաստան ռազմագիտական դաշնակից մը չի նկատուիր։ Անիկա աւելի համեստ նպատակներ ունի Սուրիոյ մէջ, ու նուազ հետաքրքրութիւն՝ Իրաքի մէջ։ Մոսկուա կողմնակից է Սուրիոյ մէջ Եգիպտոսի զարգացող դերին, որուն դէմ է Իրան։ Քրեմլին նոյնպէս անտարբեր չէ իսրայէլեան ու սէուտական մտահոգութիւններուն հանդէպ։

Կը թուի թէ Մ. Նահանգները նոյնպէս չեն փափաքիր առաջնակարգ դեր մը խաղալ։ Ուաշինկթըն, կարծէք, որոշ ռազմավարութիւն մը չէ որդեգրած, սահմանափակելու համար պարսկական գործունէութիւնը Սուրիոյ մէջ։

Ամերիկայի ներքին պրկումներն ու տուայտանքները հաւանականօրէն կ՚արգելակեն, որպէսզի անիկա իր ճիգերը կեդրոնացնէ արեւելեան Սուրիոյ վրայ։

Մնացեալ դերակատարներէն, մէկ խմբաւորումին մաս կը կազմեն Իրանը, Ասատի իշխանութիւնը, շիի միլիցիաները եւ իրաքեան կառավարութենէն կարեւոր մաս մը։ Կը թուի թէ Թուրքիա կը հակի այս խմբաւորումին կողմը, սակայն երկրին սիւննի մեծամասնութիւնը երբեք մաս պիտի չկազմէր վերոյիշեալ խմբաւորումին։

Ռազմավարական վերոյիշեալ պատկերէն, թերեւս ամէնէն ակներեւ յայտնաբերութիւնը սիւննի իսլամիսթ զօրաւոր խմբաւորումի մը բացակայութիւնն է, մանաւանդ որ Քաթար պաշարուած է, Թուրքիա կը մօտենայ Իրանի, եւ Համաս կը փորձէ իր յարաբերութիւնները վերակառուցել Իրանի հետ։

Սալաֆիսթ ճիհատիսթները գրգռիչ ահաբեկութեան մակարդակի իջած են, երբեմն՝ մահացու, բայց հեռու զօրութեան դիրքի հասնելէ։ Իսլամական Պետութիւնը (ԻՍԻՍ) կործանելու վրայ է։ Ալ-Քաիտայի ղեկավարութեան կորիզը իշխող է միայն Սուրիոյ Իտլիպ նահանգին մէջ։

Ասիկա անկանոն կացութիւն մըն է։ Ներկայ ժամանակներուն, փողոցը կը տիրապետէ արաբական սիւննի քաղաքականութեան վրայ։ Թէեւ վերադարձով յարաբերաբար կայուն սիւննի միապետութեանց (autocracies) Գահիրէի, Ռիատի, Ապու Տապիի եւ Ամմանի մէջ, ու խաւարումով սիւննի ըմբոստութեան Սուրիոյ մէջ, գոնէ առայժմ սիւննի քաղաքական իսլամութիւնը որոշ ձայն չունի Միջին Արեւելքի ուժի քաղաքականութեան տնօրինման մէջ։

Արաբական սիւննի զանգուածին կը պակսի կազմակերպչական ու գաղափարախօսական հասարակաց կապը Իրանեան Խմբաւորումին։ Եթէ միաւորուի, կ՚ունենայ թուային առաւելութիւն, կը ստանայ աւելի զօրութիւն, բայց անոր կը պակսի հասարակաց կազմակերպական կարողութիւնը եւ իտէալները, ինչ որ ունին Իրանի Յեղափոխական Պահակները։

Իսրայէլ, Սէուտական Արաբիա, Եգիպտոս, Իրաքեան Քիւրտիստանը, Հիւսիսային Սուրիոյ Քիւրտերը, սուրիացի ըմբոստները, այս բոլոր խմբաւորումները իրենց հասկցած ձեւով կը դիմադրեն իրանեան արշաւին Միջին Արեւելքի մէջ։ Թէեւ յիշեալ խմբաւորումներուն մէջ կան տարբերութիւններ, երբեմն՝ խուլ մրցակցութեամբ, շատ բան կախում պիտի ունենայ հաղորդակցութենէն ու գործակցութենէն իրարու միջեւ։

Շիի-սիւննի պայքարը, վերեւ մատնանշուած խմբաւորումներուն միջեւ, ռազմագիտական հիմնական հակամարտութիւն է ներկայիս Միջին Արեւելքի մէջ։

 

Ազատ Թարգմ.՝ ՍԱՐԳԻՍ Յ. ՄԻՆԱՍԵԱՆ

«Ճերուզալէմ Փոսթ», 26 Օգոստոս 2017

Լրահոս - 17 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։