Հայ
Սարգիս Մինասեան
ՌՈՒՏԻԻ ՎԱՐՁԱՏՐՈՒԹԻՒՆԸ
ՌՈՒՏԻԻ ՎԱՐՁԱՏՐՈՒԹԻՒՆԸ
Նոյեմբեր 21 , 2019 , 11:04

ՆՈՐ ՕՐ, ԼՈՍ ԱՆՃԵԼԸՍ.-VERA BERGENGRUEN, BRIAN BENNETT

Որքա՞ն վնաս պիտի հասցնէ Թրամփի նախագահութեան, Ճուլիանիի վերջին 18 ամիսներուն աղմկարար գործունէութիւնը։ Վարչակարգին նախկին երէց ու ներկայի պաշտօնակատարները մտահոգ են, որ Թրամփի մտածողութեան մէջ Ճուլիանի տեղաւորած է դաւադրական տեսութիւններ։ Պրն. նախագահը չի գիտեր, կամ չի հասկնար, թէ Ճուլիանի ունի առեւտրական շահեր, որոնցմէ մաս մը կրնան նպաստաւորուիլ, Ճուլիանիին իրեն տուած խորհուրդներու գործադրութեան պարագային։ Ճուլիանին կ՚ամբաստանեն մանաւանդ անոր համար, որ Յուլիս 25-ին, անիկա Թրամփը մղած է «հեռաձայնելու Ուքրանիոյ նախագահին, որպէսզի հետազօտեն 2020-ի քաղաքական իր հաւանական մրցակիցը՝ Ճօ Պայտընը»։

Պրն. նախագահը չ՚անդրադառնար, կամ մտահոգ չէ, որ Ճուլիանիի մթին գործելակերպը,– միաժամանակ՝ վաճառաշահութեան ու քաղաքականութեան,– ուր հասցուցած է զինք։ Հոկտեմբեր 20-ին, պատասխանելով "Time"-ի մէջ թղթակիցի հարցումին, Թրամփ յայտարարած է. «Անիկա միշտ կը հետապնդէ եղծումը (կամ՝ փտութիւնը). շատեր նո՛յնը պէտք է ընեն։ Ճուլիանին լաւ մարդ է»։

Պրն. Թրամփ կրնայ դիմակալել դատավարութիւն մը, ամբաստանուելով իր պաշտօնատան զեղծումներով (abuses), որոնցմէ մաս մը կը վերաբերի Ուքրանիոյ մէջ Ճուլիանիի գործունէութեանց։

Այս վերջնոյն մոլորեալ նախաձեռնութիւնները, յատկապէս քաղաքական մարզէն ներս, կրնան տգեղ վերջաւորութեան մը յանգիլ։ Հարց է, թէ անոնք ի՞նչ տեսակ վախճան մը պիտի ունենան։

ՈՉ ՄԷԿԸ ԿԸ ՀԱՒԱՏԱՅ ԻՐԵՆ

Հոկտեմբեր 2018-ին, Ճուլիանի ժամանեց Երեւան։ Պետական պաշտօնատարներով շրջապատուած, անիկա այցելութիւն տուաւ Ծիծեռնակաբերդի Հայոց Ցեղասպանութեան յուշահամալիրին։ Առիթէն օգտուելով, թղթակիցները հարցեր կու տային Մ. Նահանգներու արտաքին քաղաքականութեան մասին։ «Հոս եկած եմ, ոչ թէ նախագահ Տ. Թրամփի անձնական իրաւաբանի հանգամանքով, այլ՝ իբրեւ պարզ քաղաքացի»։ Թէեւ անիկա եկած էր Հայաստանի կողմէ հովանաւորուած առեւտրական համագումարին, խօսք առնելու համար cyber security-ի մասին։ Անիկա Հայաստան եկած ըլլալով իբրեւ Սպիտակ Տան բանբերը, թղթակիցները հարց կու տային իրեն, թէ Ամերիկա պաշտօնապէս պիտի ճանչնա՞ր Հայոց Ցեղասպանութիւնը։

Հանդիպումին ներկայ էր նաեւ Վ. Փութինի երկարամեայ խորհրդականը։ Գիտենք թէ, Ուքրանիոյ մասնակի գրաւումին պատճառով, 2014-էն իվեր Ամերիկա պատժամիջոցներ որդեգրած է Ռուսաստանի հանդէպ։ Այս համագումարին առիթով, իր ելոյթին մէջ Ճուլիանի կը ճօճէր ամերիկեան գործակցութեան մը կարելիութիւնը ռուսական խմբաւորումին հետ՝ cyber security-ի ուղղութեամբ։ Հայաստանի մէկ ներկայացուցիչը Ճուլիանիի յայտնեց, թէ «անիկա կրնար ըլլալ միջնորդ անձը Երեւանի եւ Ուաշինկթընի միջեւ»։

Ճուլիանի "Time"-ի հաղորդեց, թէ «շատ նպատակայարմար էր իր ելոյթը», առանց մանրամասնութեանց անդրադառնալու։ Արդարեւ, անիկա մէկ ելոյթի համար 200,000 տոլար կը գանձէր, իսկ ամսական 175,000 տոլար՝ ապահովական խորհուրդի փոխարէն։ Այսպէս, անոր ընկերութիւնը 1,6 միլիոն տոլար կը գանձէր, պրազիլեան Ամազոնի մէջ ապահովական միջոցառումներ ձեռք առնելու համար։

Նախագահ Թրամփի ներքին շրջանակին մաս կազմելէ ետք, իր գործառնութիւնները աւելի համարձակ դարձան։ Օտար պաշտօնատարներ, գործարարներ ու լրագրողներ գիտէին ինչպէս կապուիլ հետը։

Ըստ Ճուլիանիի, իր գործարարութեանց մասին հարցադրումները «անարգական են»։ Ան կը հաստատէ, թէ կը վճարուի իր մասնագիտութեան համար, եւ ոչ թէ ներկայացնելով օտարներ, կամ՝ Թրամփի վարչամեքենայի բանակցութեանց (lobbying) համար։ Անիկա 2018-ին փակեց իրաւաբանական իր գրասենեակը (Greenberg Traurig), եւ անկէ իվեր Պրն. նախագահին համար ձրի կ՚աշխատէր, հայրենասիրական պարտականութենէ մղուած։ Համաձայն իր բարեկամներուն, կարգ մը վայրերու, կամ երկրին կարգ մը շրջանակներուն մէջ, մարդիկ կը շարունակեն յարգել զինք, յայտնելով «Շնորհակալ ենք Պրն. քաղաքապետ ձեր կատարածին համար»։

 ՈՐՊԷՍ ՔԱՂԱՔԱՊԵՏ ԸՆՏՐՈՒԵԼԷ ԵՏՔ 1993-ԻՆ

Ճուլիանի մաքրագործեց Նիւ Եորքի ոճիրները, յաճախ օգտագործելով հակասական միջոցներ։ Սակայն իր պատասխանը 2001 Սեպտեմբեր 11-ի ահաբեկչական արարքին, զինք դարձուց միջազգային անձնաւորութիւն մը։ Առեւտրական աշխարհի վաճառաշահ կեդրոնին երկու երկնաքեր շէնքերուն կործանումը սարսափեցուց Ամերիկան, ու Ճուլիանիի վճռական ներկայութիւնը զինք որակեց «աշխարհի քաղաքապետը»։

Անիկա ձգելէ ետք իր պաշտօնը, այնուհետեւ իր համբաւը նիւթապէս արդիւնաւորեց զինք։ Սկիզբը հրատարակեց «Ղեկավարութիւն» (Leadership) վերնագրով հատորը, եւ ապա սկսաւ վճարովի ճառերով հանդէս գալ։ Միայն 2006-էն 2007-ի ընթացքին, անիկա գոյացուց 16 միլիոն տոլար, որուն 10 միլիոնը իր բանախօսութիւններէն՝ ղեկավարութեան եւ ապահովութեան մասին։

Բարձր համբաւի տիրանալէ ետք, 2008-ի ընտրութեանց իր թեկնածութիւնը դրաւ նախագահական պաշտօնին համար։ Սակայն, արտերկրի իր գործառնութիւնները եւ իր ազատամիտ կեցուածքները հարցապնդուեցան։ Յատկանշական դարձաւ Ճօ Պայտընի ընտրական մէկ լոզունգը Ճուլիանիի մասին. «Գոյական մը, բայ մը եւ 9/11»։

Նախագահական թեկնածութեան ձախողութիւնը զինք վերադարձուց դրամ շահելու գործին՝ իբրեւ միջազգային ապահովութեան խորհրդատու։ Սակայն իր յաճախորդները վիճելի անձեր էին, ներառեալ՝ թուրք ոսկեվաճառ մը, որ իրանեան դրամանիշերու լուացարարութիւն (money laundering) կ՚ընէր։ Ճուլիանի բազմաթիւ անգամներ Ռուսաստան ու նախկին սովետական երկիրներ ճամբորդեց, "Triglobal Strategic Ventures" ընկերութեան միջոցով, խորհրդատու դառնալով ռուս "oligarch"-ներու ու Քրեմլինի մօտիկ անձնաւորութեանց։

Շատ մը ուրիշներու նման, Ճուլիանի զարմացած է, որ իր երկարամեայ բարեկամը՝ Տանըլտ Թրամփ նախագահ դարձած էր։ Ճուլիանիի ներկայ դիրքը, իբրեւ նախագահական պատուիրակ, հրապարակաւ յայտնաբերուեցաւ 7 Հոկտեմբեր 2016-էն ետք։ Թրամփի ընտրութենէն ետք, Ճուլիանի մերժեց բարձր պաշտօններ Արդարութեան նախարարութեան  կամ Homeland Security-ի բաժանմունքին մէջ, յուսալով որ Պետական քարտուղար կը նշանակուի։ Սակայն Թրամփ եւ իր փեսան՝ Ճարէտ Քուշնէր մտահոգ էին, որ անոր համբաւը կրնար զինք անհակակշռելի դարձնել։

Ճուլիանիի նոր դիրքը ֆինանսական պարգեւ մըն էր։ Սակայն անիկա կը տենչար աւելիին՝ իրական իշխանաւորութեան։

Ռուսական միջամտութեան հետաքննութեամբ Թրամփ կը փնտռէր մէկը, որ կարողանար զինք պաշտպանել։ Ճուլիանի, որ հեռատեսիլէն Մուլըրի դէմ ամբաստանութիւններ կ՚ընէր, լաւագոյն անձը նկատուեցաւ։ Նախագահական շրջանակի շատ անձեր պաշտօնէ արձակուեցան, կամ՝ հրաժարեցան։ Բայց Ճուլիանի գոյատեւեց։ Սակայն, Ուքրանիոյ գայթակղութեան պարագային, Ճուլիանիի հետապնդումները պատմական հետեւանքներ կրնան ունենալ իրեն, նախագահին եւ երկրին համար։

Լեւ Փարնաս եւ Իկոր Ֆրուման, նախկին սովետ երկու գաղթականներ, Օգոստոս 2018-ին, Ճուլիանիի ծառայութեան մէջ մտան, փոխան կէս միլիոն տոլարի։ Անոնք միաժամանակ ծանօթացան հանրապետական շրջանակներուն, ու նոյնիսկ շնորհներու արժանացան։

Անոնց բախտը երկար չտեւեց։ Հոկտեմբերի սկիզբները Փարնաս ու Ֆրուման ձերբակալուեցան Ուաշինկթընէն դուրս գտնուող Dulles օդակայանին մէջ։ Անոնք ամբաստանուեցան քաղաքական ազդեցութիւն ապահովելու դաշնակցային ոճիրով, ինչպէս նաեւ՝ ամերիկեան քաղաքական ազդեցութիւն ձեռք ձգելու յանցանքով։ Անոնք միաժամանակ ամբաստանուեցան 675,000 տոլար նուիրաբերելու համար 14 հանրապետական թեկնածուներու։

Յիշեալներուն ձերբակալութիւնը լոյս սփռեց նաեւ անոնց այլ գործառնութեանց վրայ Ճուլիանիի հետ։ Անոնք իբրեւ միջնորդ կը ծառայէին Ուքրանիոյ իշխանութեանց ու Ճուլիանիին միջեւ, որպէսզի կարելի ըլլար ձեռք ձգել քաղաքական վնասակար տեղեկութիւններ տեմոքրաթներու մասին։ Անոնք Թեքսասի Ներկայացուցիչներու տան անդամ Փիթ Սեշընզը մղած էին, որ Ուքրանիոյ Ամերիկայի դեսպանը դուրս դնելու աշխատանք տանի, քանի որ անիկա կրնար արգելք ըլլալ Պայտընի մասին քաղուելիք տեղեկութեանց։ Թեքսասի նախկին քաղաքապետը, երբ Մայիսին ջնջած էր դէպի Ուքրանիոյ մայրաքաղաք իր այցելութիւնը, Փարնաս գացած էր Քիեւ, որպէս ներկայացուցիչ Ճուլիանիի՝ տեղեկութիւններ քաղելու համար Պայտընի մասին։

Զուգահեռաբար, ըստ "Time"-ի, Ճուլիանի ստացած էր կէս միլիոն տոլար, Փարնասի զեղծարարութիւնները արգիլող ընկերութենէն։ Ֆլորիտայի դատարանի արխիւներէն յայտնաբերուած է, թէ 2000 թուականներուն, Փարնասի ու Ֆրումընի դատական գործերու ընկերութիւնը, շարք մը ձախող գործառնութիւններ, դատեր ու սնանկութիւններ ունեցած է, չկարենալով վճարել իր փոխառութիւնները։

Ըստ "Wall Street Journal"-ի, Նիւ Եորքի հարաւային գաւառի դատարանը հետաքննութեան ենթարկած է Ճուլիանիի կապերը Փարնասի ու Ֆրումընի հետ, ինչպէս նաեւ անոր հանդիպումները Ուքրանիոյ պաշտօնատարներուն հետ։ «Կ՚ենթադրեմ թէ վերոյիշեալ անձերը անմեղ են» "Time"-ի յայտնած է Ճուլիանի։

Թրամփի վարչամեքենային անկախ պաշտօնատարները յայտնաբերած են, թէ Ճուլիանի աշխատած է Ուքրանիան մղել, որպէսզի հետաքննէ Պայտընի գործառնութիւնները այդ երկրէն ներս։

Մէկ բան յստակ է, որ Ճուլիանի կը զգայ ֆինանսական հետեւանքները ուքրանական գայթակղութեան եւ ատոր համար ուրախ չէ։ Ներկայացուցիչներու տան մանրակրկիտ հետաքննութիւնները ստիպած են զինք հեռու կենալու շահաւէտ առիթներէ։

Սակայն երբ իր ճամբորդութեան ծրագրի մասին շշուկներ տարածուեցան, whistle blower-ին կողմէ ամբաստանուեցաւ Ուքրանիոյ վրայ ճնշում բանեցնելու յանցանքով, ինչ որ հանրային ցնցում յառաջացուց։ Հաստատելէ ետք իր վճարովի ճառը, խօսքը փոխեց յայտնելով թէ ի վերջոյ պիտի չվերադառնար Երեւան։

 

(Շար. 2 եւ վերջ)

Թարգմ.՝ ՍԱՐԳԻՍ Յ. ՄԻՆԱՍԵԱՆ

"Time" շաբաթաթերթ, 11 Նոյեմբեր 2019

Լրահոս - 09 Դեկտեմբեր 2019
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։