Հայ
Խաչիկ Ճանոյեան
ԱՌԱՋՆՈՐԴ՝ ԳԵՐՇ. Տ. ՅՈՎՆԱՆ ԱՐՔ. ՏԷՐՏԷՐԵԱՆԻ ԳՐԱԿԱՆ ԺԱՌԱՆԳՈՒԹԵԱՆ ԵՐԵԿՈՆ
ԱՌԱՋՆՈՐԴ՝ ԳԵՐՇ. Տ. ՅՈՎՆԱՆ ԱՐՔ. ՏԷՐՏԷՐԵԱՆԻ ԳՐԱԿԱՆ ԺԱՌԱՆԳՈՒԹԵԱՆ ԵՐԵԿՈՆ
Դեկտեմբեր 12 , 2019 , 09:52

ՆՈՐ ՕՐ, ԼՈՍ ԱՆՃԵԼԸՍ.

 

Երկուշաբթի, 2 Դեկտեմբեր 2019, երեկոյեան ժամը 7։00-ին առաջնորդարանի «Արմէն Համբար» վեհաշուք սրահին մէջ, տեղի ունեցաւ Արեւմտեան թեմի բարեջան Առաջնորդ՝ Գերշ. Տ. Յովնան Արք. Տէրտէրեանի ոսկեհանք ժառանգութեան նուիրուած, բառին խորագոյն իմաստով՝ հոգեթով երեկոն։

 

Այդ օրը, սրահը լեցնող բազմութիւնը բացառիկ հաճոյքը ունեցաւ ըմբոշխնելու Առաջնորդին վաստակէն առնուած համով-հոտով պատառիկներ։

 

Այո, այդ երեկոն բոլոր ներկաներուն միտքին եւ յիշողութեան մէջ երկար ժամանակ պիտի մնայ այս ձեռնարկը իր որակով եւ մատուցմամբ։

 

Այս առիթով, կու գանք մեր գնահատանքի խօսքերը ուղղելու գրական երեկոն կազմակերպող առաջնորդարանէն ներս պաշտօնավարող երիտասարդներէն կազմուած յանձնախումբին, գլխաւորութեամբ՝ Պրն. Հայկ Մադոյեանի։

 

Արդարեւ, մեր թանկագին Առաջնորդը մեր թէմէն ներս, Լոս Անճելըսի հայութեան կեանքէն ներս, Հայ Առաքելական եկեղեցւոյ աշխարհատարած ծրագիրներու եւ իրագործումներու իր մատուցած անփոխարինելի ծառայութիւններով, արդարօրէն արժանացած է մեր ժողովուրդին անսահման սիրոյն եւ յարգանքին իր վարչական բազմաթիւ պարտաւորութիւններով, իր ծուխերու յաճախակի այցելութիւններով, հոգեւոր, մշակութային, մեր 40-է աւելի գործող յանձնախումբերու եւ միաւորներու ղեկավարութեամբ, քրիստոնէական միջեկեղեցական շարժման իր ղեկավարութեամբ: Այս բոլորին կողքին, մեր Առաջնորդ Սրբազան Հայրը 80 հատոր գիրքերու հեղինակ է։

 

Այդ վաստակը հանրութեան վերստին ծանօթացնելու համար կազմակերպուած էր հանդիսութիւնը:

***

Օրուան հանդիսավար՝ Արժ. Տէր Վազգէն Քհնյ. Մովսէսեան բարի գալուստի բացման ջերմ խօսքով ողջունեց ներկաները, անդրադարձաւ Առաջնորդ Սրբազան Հօր բեղուն գրիչին: Ան սկսած է գրել Անթիլիասի Դպրեվանքի տարիներէն սկսեալ եւ մինչեւ օրս կը շարունակէ գրել: Տէր Վազգէն յիշեց, թէ ինչո՞ւ մարդիկ կը գրեն, ինչո՞ւ մարդիկ իրենց մտածումները թուղթին կը յանձնեն, որովհետեւ գրողին մէջ անզուսպ փափաքը մեծ է գրելու, քանի որ գրուած խօսքը աւելի մնայուն է քան բերանացին։

 

Յաջորդաբար հրաւիրեց հինգ բանախօսներ ներկայացնելու Սրբազան Հօր գրական-հրատարակչական վաստակը։ Յիշենք, թէ Յովնան Սրբազանի գրիչէն լոյս տեսած են ինչպէս յիշեցինք 80 հատորներ, իսկ Նորին Սրբազնութիւնը Արեւմտեան թեմէն ներս իր քաջալերանքով եւ հովանաւորութեամբ հարատարակած է 400-է աւելի հատորներ։

 

Ելոյթ ունեցաւ դոկտորական թեկնածու Նորայր Պօղոսեան, որ ներկայացուց Սրբազան Հօր քարոզներու հրատարակած գիրքերը։ Ինչպէս գիտենք, Յովնան Սրբազանը մեղրահամ եւ սքանչելիօրէն հայերէն եւ անգլերէն լեզուներով գրուած քարոզներու հատորներ ունի, որոնց մասին Պրն. Պօղոսեան հանգամանօրէն խօսեցաւ։

 

Ապա, Հայկ Մադոյեան ներկայացուց Սրբազան Հօր գիրքերու մէջ դրսեւորուած խորհրդածութիւնները, որոնք բոլորն ալ հաւատքի վրայ հիմնուած խորհուրդներ են։

 

Սերգէյ Առուստամեան անդրադարձաւ հեղինակին անգլերէն լեզուով գրուած գիրքերու բովանդակութեանց։ Այս գիրքերը առաւելաբար անգլիախօս սերունդին խօսող գիրքեր են, խօսքեր են եւ Սրբազան Հայրը այս ճիւղին մէջ շատ հմուտ է։

 

Տիրան Աւագեան խօսեցաւ մանրապատումներու հատորներու մասին, ուր հեղինակը ուսանելի եւ դաստիարակիչ մանրապատումներով կը ներկայացնէ «հաւատքի» կարեւորութիւնը մարդ արարածի կեանքին մէջ։

 

Վերջաւորութեան, առաջնորդարանի Քրիստոնէական դաստիարակութեան բաժնի վարիչ, հմուտ Աստուածաբան եւ հրապարակախօս Մաշտոց Չոպանեան ներկայացուց Սրբազան Հօր գրական վաստակին մէջ աղօթագիրքերը, որոնք թիւով 10 հատ են եւ բազմաթիւ տպագրութիւններու արժանացած են։ Այդ հատորներուն մէջ կը տեսնենք եւ կը սորվինք գոհութիւն եւ փառք տալ Աստուծոյ մեզ պարգեւած կեանքին համար, պզտիկներուն կը սորվեցնէ երախտապարտ ըլլալ Աստուծոյ եւ իրենց ծնողքին։

 

Հինգ զեկուցողները բազմաթիւ մէջբերումներով, պաստառներու վրայ կը ներկայացնէին հատորներէն էջեր եւ բաժիններ, որոնք խորապէս հաղորդակից դարձուցին ներկաները իրենց տրուած նիւթին հետ։

 

Յայտագրին ընթացքին երկու անգամ ելոյթ ունեցան Պետրոսեան ընտանիքի զաւակները՝ իրենց մօր ընկերակցութեամբ, ջութակի, սրինգի եւ դաշնակի միջոցով. արտակարգօրէն տաղանդաւոր երաժիշտներ, որոնք արժանացան ներկաներուն երկարատեւ ու ջերմ ծափահարութեան։

 

ՆՍՕՏՏ Ամենայն Հայոց Հայրապետ՝ Գարեգին Բ. Կաթողիկոսի բառերով Գերշ. Տ. Յովնան Արք. Տէրտէրեան «Մեր եկեղեցւոյ պարծանքն ու հպարտութիւնն է»: Մենք ալ այդ երեկոյ ծանօթացանք մեր Սրբազանին գրական անգնահատելի տաղանդին ու մանաւանդ անոր աշխատասիրութեան անսպառ եռանդին։

 

Գրական երեկոյին վերջաւորութեան Գերշ. Տ. Յովնան Արք. Տէրտէրեան խորապէս յուզուած՝ իր փակման եւ շնորհակալութեան խօսքը ուղղեց կազմակերպիչ յանձնախումբին, բանախօսներուն, Պետրոսեան ընտանիքի արուեստագէտ անդամներուն եւ ներկայ ժողովուրդին:

 

Այդ օր զուգադիպելով մէկ օր առաջ 1 Դեկտեմբերին, Սրբազան Հօր տարեդարձին օրուան հետ, կազմակերպիչ յանձնախումբը գեղեցիկ գաղափարը ունեցած էր տարեդարձի կարկանդակ մը բերել եւ բոլոր ներկաները միասին լիաթոք եւ միաբերան երգեցին տարեդարձի երգը։ Իսկ Տիկնանց յանձնախումբը պատրաստած էր շատ ճոխ հիւրասիրութիւն մը։

 

Ջերմօրէն կը շնորհաւորենք կազմակերպիչ յանձնախումբը այս խիստ շահեկան ձեռնարկին համար, իսկ մեր Սրբազան Հօր կը մաղթենք երկար եւ կենսառողջ կեանք մը, Աստուածահաճոյ նորանոր ծառայութիւններով լեցուն օրեր։

 

Լրահոս - 28 Փետրուար 2020
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։