Հայ
Վաչէ Սեմերճեան
Քաղաքական Ակնարկ. Տարեդարձներով հարուստ 2017 տարին
Քաղաքական Ակնարկ.  Տարեդարձներով հարուստ 2017 տարին
Փետրուար 02 , 2017 , 16:31

 

Ամէն տարուան սկիզբին բնական հետաքրքրութեամբ մը կը պրպտենք գալիք օրերուն տարեդարձներուն որակը։ 2017 տարին մեզի կը խոստանայ շարք մը տարեդարձներ՝ որոնց նշումը հաճելի անդրադարձներ կրնայ ունենալ տուեալ երկրին բնակչութեան վրայ։ Առայժմ, հայկական ոչինչ կայ այս տարեդարձներուն մէջ, այլ՝ որպէս պատմութեան եւ մշակոյթի «ուսանողներ», կ՚արժէ կարդալ տարբեր ժողովուրդներու անցեալին կապուած դէպքերուն մասին։

 

Մարթին Լուտըրի բարեփոխումները 500 տարի առաջ

Կաթողիկէ եկեղեցւոյ ամբողջական տիրապետութեան դէմ բողոքի եւ փոփոխութեան շարժումը կատարուեցաւ 500 տարի առաջ, աստուածաբան եւ կրօնաւոր Մարթին Լուտըրի կողմէ, 1517-ին, երբ Լուտեր Ուիթթընպերկի մէջ իր 95 թէզերը հրապարակեց, քննադատելով կաթողիկէ եկեղեցւոյ հաւատքի չարաշահութիւններուն եւ չափազանցութիւններուն դէմ։ Իր անընդունելի արարքին հետեւանքով ան բանադրուեցաւ։ Լուտըրի արարքը սկիզբը կը նկատուի Գերմանիոյ մէջ յառաջացած Բողոքական Բարեփոխումին, որ բողոքական համայնքներու ծնունդին յանգեցաւ աշխարհի տարբեր շրջաններու մէջ։

 

Մոնթրէալի հիմնադրութիւնը 375 տարի առաջ

Քանատայի Մոնթրէալ քաղաքը իր արմատները սկսած է տարածել 17-րդ դարու կէսէն ետք՝ 1642-ին, երբ ֆրանսական տիրապետութեան շրջանին կաթողիկէ կղերը ներկայութիւն հաստատած էր, ինչ որ այսօր կը ճանչցուի որպէս Մոնթրէալ։ Կղերականներու ներկայութիւնը ուղղակիօրէն կապ ունէր մուշտակի առեւտուրին հետ։

Ամբողջ տարուան ընթացքին այս տարեդարձը պիտի յիշատակուի ֆեսթիվալներով, նուագահանդէսներով, առեւտրական ցուցահանդէսներով եւ ժողովրդային համատարած ուրախութեամբ։

 

Ալասքան վաճառուեցաւ 150 տարի առաջ

Միացեալ Նահանգները աննախադէպ գնում մը կատարեց 150 տարի առաջ, երբ պետական քարտուղար Ուիլիըմ Սիվըրտ Ալասքան Ռուսաստանէն գնեց 1867 Մարտ 30-ին, վճարելով 7.2 միլիոն տոլար։ Ալասքայի վաճառքը իրականացաւ, երբ Ալեքսանդր Բ. ցարը խորապէս մտահոգ էր, որ ի վիճակի պիտի չըլլար հսկայ տարածքով Ալասքայի հողամասը պաշտպանել։ Ալէութ եւ Էնուի ցեղախումբերը Սիպերիայէն գաղթելով 6-10 հազար տարի առաջ հաստատուած էին Ալասքայի մէջ։ Ռուսերը մասնաւորաբար մուշտակի առատութեան պատճառով առեւտուր հաստատած էին սառած հողամասին վրայ։ Միացեալ Նահանգներու պետական քարտուղար Ուիլիըմ Սիվըրտի գնումը ատենին կը կոչէին «Սիվըրտի խենթութիւնը». բայց ոսկիի յայտնութիւնը 1896-ին, վաճառքէն երեսուն տարի ետք, դուռը բացաւ մարդկային աննկարագրելի հոսքին՝ դէպի անծանօթ սառուցեալ շրջանը։ Ճէք Լանտընի եւ այլ գրողներու գրական անդրադարձը ամերիկեան գրականութեան մէջ, բացաւ բոլորովին նոր էջ մը՝ դէպի Ալասքա գաղթին հետեւանքներով։ Ալասքա գրեթէ դար մը ետք նահանգի վերածուեցաւ… 1959-ին միայն։ Ոսկիի, հում քարիւղի եւ արժէքաւոր մետաղներու անհաւատալիօրէն հսկայ շտեմարան մըն է նահանգը։

 

Քանատայի ծնունդը 150 տարիներ առաջ

Ֆրանսացի ծովագնաց Ժաք Քարթիէ, որ Սէյնթ Լորընսի ծոցը հասաւ 1534-ին, ընդհանրապէս կը նկատուի Քանատայի հիմնադիրը։ Ֆրանսացիներ, բրիտանացիներ եւ ամերիկացիներ երեք հարիւր տարիներու ընթացքին իրենց տիրապետութիւնը փոխնիփոխ հաստատած են գանատական տարբեր շրջաններու մէջ, բայց 1867-ին է որ Քանատայի գերիշխանութիւնը հաստատուած է սահմանադրութեամբ մը։ Այսօրուան Քանատայի ծնունդի պաշտօնական տարին կը նկատուի 1867-ը։ Տարեդարձի տօնակատարութիւնը մասնաւորաբար տեղի պիտի ունենայ 2017 Յուլիս 1-ին, Քանատայի Օրուան ընթացքին։

 

Ալֆրէտ Նոպելի 150 տարի առաջ ստեղծած պայթումը

Աշխարհի ամէնէն արժէքաւոր մրցանակին «հայրը»՝ Ալֆրէտ Նոպել 1867 Նոյեմբերի 25-ին, արձանագրել կու տայ իր սեփականութիւնը՝ տայնմայթը, որպէս իր գիւտը։ Նոպելի հաստատած Խաղաղութեան Մրցանակին ետին կանգնած հարստութեան աղբիւրը՝ պայթուցիկն ու իր պատմութիւնը, ծիծաղելի առնչութիւն մը ունին այս ձեւով։

 

Էլիս Կղզիին 125 տարիները

Էլիս կղզիին (Ellis Island) վրայ գտնուող գաղթականութեան գրասենեակը սկսաւ գործել 1892 Յունուար 1-ին։ Նիւ Եորքի նաւահանգիստի այս փոքրիկ կղզիէն անցան 12 միլիոն գաղթականներ, 1892-ի եւ 1924 տարիներուն միջեւ։ 1954 տարուան ընթացքին կղզիին գրասենեակը փակուեցաւ։ Եւրոպական, միջին արեւելեան, օսմանեան հողամասերէն սկսող գաղթականութիւնը անցաւ այս կղզիէն։ Կղզիին վրայ կը գտնուին 35 շէնքեր։ 1990-էն իվեր Ազատութեան Արձանի եւ Էլիս Կղզիի Հիմնարկին թանգարանը կը ներկայացնէ ամերիկեան գաղթականութեան հետաքրքրական պատմութիւնը։

 

Ռուսական յեղափոխութեան 100-ամեակը

Երբ Ռուսաստանի յեղափոխութեան մասին խօսինք, երկու յեղափոխութիւններու մասին պէտք է անդրադառնալ։ Առաջինը՝ Ռոմանոֆ կայսերական ընտանիքին դէմ ըմբոստութիւնն էր 1917 տարուան Մարտ 8-ին, երբ առանց արիւնահեղութեան Նիքոլա Բ. հրաժարեցաւ իր գահէն՝ ըմբոստութիւնը զսպելու ձախորդ փորձէ մը ետք։ Ալեքսանդր Քերենսքիի ժամանակաւոր կառավարութիւնը որոշեց շարունակել պատերազմը, բայց «հա՜ց, հա՛ց» փողոցի կանչերն ու ժողովրդային ըմբոստութիւնը «Հոկտեմբերեան յեղափոխութեան» վերածուեցաւ Նոյեմբեր 7-ին, Լենինի վարպետ ղեկավարութեան շնորհիւ։

Դար մը անցած է այն թուականէն, երբ Վլատիմիր Լենին եւ իր համայնավար գործակիցները յաջողեցան Ռուսաստանի ժամանակաւոր կառավարութիւնը տապալել եւ հաստատել համայնավար վարչակարգ մը, որ հիմնովին փոխեց ռուս ժողովուրդին կենցաղն ու կառավարման ձեւը։ Խորհրդային կայսրութիւնը նոր ուղղութիւն տուաւ աշխարհը կառավարող գերհզօր ուժերու յարաբերութեանց ու հաւասարակշռութեան։ Աշխարհացունց այս յեղաշրջումի 100-ամեակին առիթով, 2017 տարուան ընթացքին վստահաբար ամերիկեան հեռուստացոյցի բազմաթիւ կայաններ պիտի արձագանգեն Յեղափոխութեան պատմութեան։ Աւելորդ չէ հաստատել, որ հայ ժողովուրդին պատմութիւնը, ճակատագիրն ու անցնող դարուս որդեգրած ուղին եւս հիմնովին ազդուեցաւ Համայնավար Յեղափոխութեան յաջողութենէն եւ զարգացող պետական նոր հասկացողութենէն։

Լրահոս - 23 Նոյեմբեր 2017
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։