«Դամասկոսի մէջ այսօր իրավիճակը խաղաղ եւ կայուն է, բայց երէկ բաւական ծանր գիշեր մը անցուցինք» «Արեւելք» կայքին ըսած է Դամասկոսի թեմի առաջնորդ Տ. Արմաշ Եպս. Նալպանտեան: Սրբազանը նաեւ նշած է, որ երէկ գիշեր հրթիռարձկումներու ենթարկուած է յատկապէս Դամասկոսի Պապ Թումա քրիստոնէաշատ շրջանը , ուր հրթիռ մը ինկած է շրջանին մէջ եղող ճաշարանի մը վրայ պատճառ դառնալով մեծ թիւով մարդկային կորուստներու: Սրբազանին խօսքով զոհերուն թիւը հասած է 8-ի եւ գրանցուած են տասնեակ վիրաւորներ: Հրթիռներ ինկած են նաեւ եւ հայ Կաթողիկէ եւ Լատինաց եկեղեցիներու մօտակայքը: Ըստ Սրբազանին եկեղեցիները չեն վնասուած, բայց հրթիռի պայթումին հետեւանքով փշրուած են հայ Կաթողիկէ առաջնորդարանի շէնքի կարգ մը ապակիները: Նշենք, որ երէկ եղած ծանր հրթիռարձկումներուն հետեւանքով զոհուածներուն մէջ հայեր չկան: Իրավիճակը այսօր խաղաղ է Դամասկոսի մէջ:
Հինգշաբթի, Ապրիլ 25, 2024
Շաբաթաթերթ
ՄԵՐ ՄԱՍԻՆ
Ռամկավար Ազատական Կուսակցութեան Արեւմտեան Ամերիկայի Պաշտօնաթերթ
ՀԵՏԵՒԵՔ ՄԵԶ
© 2021-2024 Noror.org. All rights reserved. Developed by Abstract.