Արցախը Հայաստանին կապող Վարդենիս-Մարտակերտ ճանապարհի վերակառուցման աշխատանքները մեծ թափով կը շարունակուին: Ասֆալտապատման աշխատանքներ կ’իրականացուին ճանապարհի ամբողջ երկայնքով: Այս մասին կը յայտնէ «Հայաստան համահայկական հիմնադրամ»ը, որուն հաղորդմամբ ասֆալտապատուած է 116 քմ երկարութեամբ ճանապարհի 74 քմ-ը, որմէ 60 քմ-ը` ներքին եւ վերին շերտերով, մնացեալ 14-ը` ներքին: Ճանապարհի 22.1 քմ-ն ամբողջութեամբ աւարտած է եւ նշագծուած: Մայրուղիէն դէպի Չափար տանող 3.9 քմ երկարութեամբ ճանապարհը նոյնպէս վերակառուցուած ու ասֆալտապատուած է, ընթացքի մէջ է նաեւ Դադիվանք տանող 1.1 քմ ճանապարհին վերակառուցումը: