Թուրքիոյ քրտամետ «Ժողովուրդներու դեմոկրատական կուսակցութեան» անդամ, (HDP) պոլսահայ պատգամաւոր Կարօ Փայլան՝ պոլսահայ լրագրող Հայկօ Պաղտատի անձնագիրը առանց հիմնաւորման գրաւելու փաստի առնըչությամբ գրաւոր դիմում ներկայացուցած է Ներքին գործերու նախարար Էֆքան Ալային: Այս մասին կը տեղեկացնէ թրքական «Birgun» լրատուական կայքը:
Նշենք, որ ոստիկանութիւնը հայ լրագրողի Հայկօ Պաղտատի անձնագիրը ձեռքէն առած էր Աթաթուրքի անուան օդակայանին մէջ, երբ վերջինս Աթէնքէն Պոլիս կը վերադառնար: Ոստիկանները Պաղտատի անձնագիրը գրաւելու ժամանակ որեւէ հիմնաւորում չեն ներկայացուցած եւ բաւարարուած են նշելով, որ այդ մասին լրագրողը կ’իմանայ մօտ օրերուն:
Այս առընչութեամբ Փայլանը Ներքին գործերոց նախարարին խնդրած է պարզաբանումներ տալ հարցին վերաբերեալ. լրագրողներու անձնագրերը ի՞նչ հիմնաւորմամբ կը գրաւուին եւ ի՞նչ իրաւական կարգով կը կատարուի այդ մէկը: Ովքե՞ր են այն մարդիկ, որոնց անձնագրերը կը գրաւուին 15 յուլիսին տեղի ունեցած ռազմական յեղաշրջման փորձէն ետք: Արդեօ՞ք անձնագրերը գրաւուած լրագրողներու դէմ որեւէ հետաքննութիւն սկսած է: