Սնանկացած գործարար Արամ Պետրոսեանը, որ չորեքշաբթի օր պատանդներ վերցուցած էր Մոսկուայի կեդրոնը գտնուող դրամատան մէջ, առաջին ցուցմունքները տուած է քննիչներուն: Հարցաքննութեան ան յայտարարած է, որ չէր մտադրած մարդոց սպաննել։ Այդ մասին Ռիա Նովոսթի գործակալութեան յայտնած է ՌԴ Քննչական կոմիտէի մայրաքաղաքի բաժնի ղեկավարի աւագ օգնական Եուլիա Իւանովան:
«Անոր խօսքով՝ ան միայն կ’ուզէր ուշադրութիւն հրաւիրել իր խնդրին»,- ըսած է Իւանովան:
Քննչական կոմիտէէն նշած են նաեւ, որ քննիչները մտադիր են հասնիլ կասկածեալին կալանաւորելու որոշման:
Պետրոսեան սպառնացած է պայթեցնել «Սիթիպանք»-ի մասնաճիւղը: Ոստիկանութեան հետ բանակցութիւններու ընթացքին ան ազատ արձակած է բոլոր պատանդները , եւ այնուհետեւ՝ յանձնուած: