Հռոմի կաթոլիկ եկեղեցուոյ սրբազան քահանայապետ Ֆրանչիսկոս պապը Լեռնային Ղարաբաղի հակամարտութեան` դիւանագիտական ճանապարհով կարգաւորման կողմնակից է: Այս մասին Պաքուի մէջ կայացած մամուլի ասուլիսի ժամանակ ըսած է Վատիկանի ներկայացուցիչ մոնսենեօր Վլատիմիր Ֆեքէթէն:
Վերջինիս հաղորդմամբ, Կաթոլիկ եկեղեցին դէմ է պատերազմին ու կոչ կ’ընէ նմանօրինակ հակամարտութիւնները լուծել խաղաղ ճանապարհով: Միեւնոյն ժամանակ, Ֆեքէթէն իր խօսքին մէջ ընդգծած է, որ Կաթոլիկ եկեղեցին չի զբաղիր ԼՂ հակամարտութեան խնդրով:
Հոգեւորականը դժուարացած է յստակ պատասխանել այն հարցին, թէ արդեօք այս թեման պիտի քննարկուի՞ Հռոմի պապի` Պաքու կատարելիք այցի ծիրէն ներս:
Յիշեցնենք, որ կաթոլիկներու հովուապետի այցը Ազրպէյճան նախանշուած է 2 Հոկտեմբերին: