Միացեալ Նահանգներու նախագահ Տանըլտ Թրամփ ամփոփած է իր պաշտօնավարման առաջին 100 օրերը՝ որպէս «ամենայաջողը երկրին պատմութեան մէջ»։
«Անկեղծօրէն կը հաւատամ, որ իմ վարչակազմի առաջին օրերը ամենայաջողն էին մեր երկրին պատմութեան մէջ։ Ամենագլխաւորը այն է, որ ժողովուրդին կը վերադարձնենք աշխատանքի տեղեր»։ Ան այսպէս արտայայտուեցաւ Փենսիլվանիոյ Հարիսպուրկ քաղաքէն։ Ան անգամ մը եւս քննադատութեան ենթարկեց լրատուամիջոցները։ Անոր աւելի քան մէկժամեայ ելոյթին մէջ արծարծուած է գաղթականութիւնը, առեւտուրը եւ ժողովուրդը աշխատանքով ապահովելու խնդիրը։