Լոս Անճելըսի համբաւաւոր LAX-ի եւ հայրենի «Զուարթնոց» օդակայանին միջեւ հնարաւոր է, որ ուղիղ չուերթներ իրականացուին։ Բնականաբար, ժամանակի եւ նիւթականի կողմէ շահաբեր կրնայ ըլլալ, ինչպէս նաեւ առեւտրական տնտեսական կապերու ընդլայնման եւ զարգացման կրնայ նպաստել նման աննախադէպ քայլ մը։
Միւս կողմէ, այլ պաշտօնական աղբիւրներ կը յայտնեն, թէ 2002-էն ի վեր Հայաստանէն միջին հաշուով արտագաղթած է շուրջ 30 հազար մարդ, համաձայն Հայաստանի գաղթականութեան պետական ծառայութեան պետ Գագիկ Եգանեանի։ Աւելի յստակ՝ 2002-07 երկրէն մեկնած է 25-26 հազար հոգի, իսկ 2007-15՝ 28-29 հազար։