Յարգելի՛ պարոն Հրաչ Սեփեթճեան,
«Նոր Օր»ի խմբագրակազմի յարգարժան աշխատակիցներ,
սիրելի՛ հայրենակիցներ,
ՀՀ Սփիւռքի նախարարութեան և իմ անունից ի սրտէ շնորհաւորում եմ Լոս Անճելըսի «Նոր Օր» հայկական շաբաթաթերթի խմբագրակազմին` 95-ամեայ հայանպաստ գործունէութեան յոբելեանի կապակցութեամբ:
Իր բազմամեայ երթի ընթացքում «Նոր Օր»ը մշտապէս նախանձախնդիր մօտեցում է ունեցել հայ համայնքում առկայ խնդիրների նկատմամբ, անցել է դժուար ուղի՝ թողնելով մեծ ժառանգութիւն, աներեր է եղել և վառ պահել հայկական ոգին ու ազգային ինքնագիտակցութիւնը՝ սէր և նուիրում սերմանելով Հայրենիքի հանդէպ:
Համազգային խնդիրների լուծմանը մշտապէս սատար կանգնելով` շաբաթաթերթը առայսօր իր ազգաշահ աշխատանքն է ծաւալում` իր անդրադարձների կիզակէտում պահելով մեր մնայուն արժէքները՝ անկախ պետականութիւնը, ազատագրուած Արցախը, Հայոց բանակը:
Սիրելի՛ բարեկամներ,
Ձեր արարումն յիրաւի արժանի է բարձր գնահատանքի: «Նոր Օր»-ը, վառ պահելով իր վաստակաշատ խմբագիրների թողած յետագիծը՝ յաջողութեամբ շարունակում է երթը՝ անխոնջ քարոզելով Մայր Հայրենիք, Հայ, Հայաստան, Հայութիւն գաղափարները:
Կրկին շնորհաւորում եմ «Նոր Օր» շաբաթաթերթի խմբագրակազմին, նրա բոլոր ընթերցողներին 95-ամեայ յոբելեանի առթիւ:
Մաղթում եմ նոր նուաճումներ և հայանպաստ բեղուն գործունէութեան երկար տարիներ:
Բարին ընդ Ձեզ, սիրելի բարեկամնե՛ր:
Սիրով և յարգանքով`
ՀՐԱՆՈՒՇ ՅԱԿՈԲԵԱՆ