Սուրիոյ կառավարութիւնը «Քորոնա» ժահրի համաճարակի տարածման պատճառով օգնութեան համար դիմած է Ռուսիոյ: ԹԱՍՍ լրատու գործակալութիւնը կը հաղորդէ, որ այս մասին կը տեղեկացնէ Ռուսիոյ մէջ Սուրիոյ դեսպան Ռիատ Հատտատ:
Սուրիոյ կառավարութիւնը ժահրին դէմ պայքարելու համար Ռուսիոյ դիմում ներկայացուցած է` ստանալու պաշտպանութեան սարքեր եւ բժշկական մեքենաներ:
Սուրիոյ դեսպանը յայտնած է, թէ իր երկիրը դիմած է Ռուսիոյ առողջապահութեան նախարարութեան` խնդրելով «Քորոնա» ժահրի յայտնաբերման յատուկ սարքեր, ինչպէս նաեւ պաշտպանական հագուստներ, քննութիւններ ու վերլուծումներ կատարելու սարքեր տրամադրել: