Կիրակի, Նոյեմբեր 27, 2022

Շաբաթաթերթ

Ձեր Մազերը Խնամքի Կը Կարօտին

Մազը լուալու մասին շատ կարծիքներ կան։ Օրինակ, կը կարծուի, որ ամէն օր մազերը լուալը բացասաբար կ՛անդրադառնայ անոնց որակին եւ գլխու մորթին վրայ:

Մաշկաբան-«թրիքոլոճիսթ» Նաթալիա Քոզլովա յայտնած է, որ մաշկային ճարպի արտադրութեան «փարամեթր»ը կախեալ է շարք մը գործօններէ.

  • մազերը լուալու ժամանակ ջուրի չափազանց բարձր ջերմաստիճանէն,
  • ամէն օր մազերը վարսայարդարիչով չորցնելէն եւ ջերմային պաշտպանութենէն հրաժարելէն,
  • խնամքի եւ լուալու միջոցներու սխալ ընտրութենէն,
  • սխալ սննդականոնէն. մազերը աւելի արագ կը իւղոտին, երբ սննդականոնին մէջ պարզ ածխաջուրերու աւելցուկ եւ բջիջանիւթի պակաս կայ:

Երկու օրը անգամ մը մազերը լուալու ժամանակ կ՛արժէ որոշ նախագիծ մը օգտագործել։ Այստեղ անհրաժեշտ է «շամփու»ն ողողել եւ լուալ երկու անգամ՝ մէկ «փրոսիճըր»ի ընթացքին։ Եթէ գլխու մաշկը հակուած է գրգռման, անհրաժեշտ է փոխարինել «շամփու»ն առանց «սալֆէյթ»ներու «շամփու»ով:

Մասնագէտը կը յանձնարարէ հետեւիլ մազերու լուացման հետեւեալ նախագիծին.

  1. Կարգաւորեցէ՛ք ջուրը. անիկա պէտք է տաք ըլլայ, բայց՝ ոչ եռացած։ Իսկ «փրոսիճըր»ի վերջաւորութեան կ՛արժէ անիկա քիչ մը աւելի պաղ դարձնել եւ լուալ մազերը։ Այս պարզ միջոցը կ՛օգնէ աւելի հարթ դարձնելու «քիւթիքիւլ»ները, իսկ մազերը՝ աւելի փայլուն։
  2. «Շամփու»ն պէտք է սեղմել ձեռքի ափին մէջ եւ քիչ մը փրփրացնել, ապա մերսող շարժումներով տարածել գլխուն վրայ։
  3. Բարակ եւ իւղոտ մազեր ունեցողները լաւագոյն արդիւնքը կը ստանան, եթէ մազերը երկու անգամ լուան «շամփու»ով։
  4. Վերջաւորութեան կ՛արժէ մազերուն քիչ մը «պալսամ» կամ «քանտիշընըր» քսել՝ խոնաւցնելու, հարթ դարձնելու եւ փայլք տալու համար։ Պէտք է զգոյշ կատարել այդ մէկը՝ առանց արտադրութիւնը արմատներուն քսելու:
  5. Պէտք է որակեալ արտադրութիւններ ընտրել. կարելի է խորհրդակցիլ մասնագէտներու հետ։ Իտէալական միջոց չընտրելու պարագային կարելի է վնասել մազերը:

Afhil.com

ՅԱՐԱԿԻՑ ՅՈԴՈՒԱԾՆԵՐ

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

ՆՈՐ ՅԱՒԵԼՈՒՄՆԵՐ