Կիրակի, Նոյեմբեր 27, 2022

Շաբաթաթերթ

Լութֆի Թապագեանի Կենսագրութիւնը

Լութֆի Թապագեան ծնած է 1941-ին Հալէպ, Սուրիա։

Նախնական ուսումը ստացած է Վարդանեան, ՀԲԸՄ-ի Լազար Նաճարեան եւ Ալեփփօ Գոլէճ։

1959-ին ընտանեօք փոխադրուած է Պէյրութ, ուր ուսումը շարունակած է Վիեննական Մխիթարեան երկրորդական վարժարանը։

1968-ին աւարտած է Երեւանի Գեղարուեստա-թատերական ինստիտուտի դերասանական բաժինը, ուրկէ վկայուած է Մագիստրոս Արուեստից տիտղոսով։

Պէյրութի մէջ, կարգ մը գործակիցներու հետ, հիմնած է Վարդան Աճէմեան թատերախումբը, ուր թատերական գործունէութիւն ունեցած է լիբանանահայ բեմի վրայ։

1969-1975 հիմնադիր խմբագիրներէն եղած է Պէյրութի «Երիտասարդ Հայ» երկշաբաթաթերթին։

1978-ին փոխադրուած է Լոս Անճելըս։ 1978-1990 տարիներուն, մինչեւ թերթին դադրեցումը, վարած է տեղւոյն «Լրաբեր» շաբաթաթերթի պատասխանատու-խմբագրի պաշտօնը։

1981-1985 եղած է վարիչ-խմբագիրը «Նոր Օր»ին, խմբագրական կազմ ունենալով Նուպար Ակիշեանը, Վաչէ Սեմերճեանը եւ Անահիտ Օրջանեանը։

1986-ին հայրենի կառավարութիւնը զինք պարգեւատրած է Խ. Խաչատուր Աբովեանի Մամլոյ եւ ազգային-մշակութային գործունէութեան շքանշանով։

1996-ին մաս կազմած է «Նոր Օր»ի խմբագրական մարմինին (Փայլակ Ահարոնեան, Տոքթ. Գրիգոր Գրիգորեան եւ Մինաս Գոճայեան)։

1996-ի կէսերէն մինչեւ 1998-ի աւարտը վարած է «Նոր Օր»ի պատասխանատու-խմբագրի պաշտօնը։

Ան 2000-էն սկսեալ անդամ է «Նոր Օր»ի խմբագրական մարմինին։

Եղած է հիմնադիր վարչականներէն ՀԲԸՄ-ի Լոս Անճելըսի Արտաւազդ Թատերախումբին։

Ամուսնացած է Մատլէն Ճռճռեանի հետ, բախտաւորուած են զոյգ դուստրերով՝ Նարինէ եւ Կարինէ, ունի վեց թոռնիկներ Նանօր, Սարին, Նարօտ, Նարեկ, Մհեր եւ Արէն։

ՅԱՐԱԿԻՑ ՅՈԴՈՒԱԾՆԵՐ

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

ՆՈՐ ՅԱՒԵԼՈՒՄՆԵՐ