Յուլիս 26-էն մինչեւ Օգոստոս 31-ը ներառեալ, Ստեփանակերտի մէջ պիտի իրակնացուի «Երգող Արցախ» խորագիրով համաարցախեան մանկապատանեկան երգչախմբային ծրագիր, որուն աւարտին երգչախումբը հանդէս պիտի գայ համերգով: Այս մասին ԵՌԱԳՈՅՆ-ը կը տեղեկանայ «Մշակութային Արցախ»-ի Facebook-ի էջէն։
Ծրագիրին կրնան մասնակցիլ 10-15 տարեկան երաժշտական լսողութիւն ունեցող երեխաներ և պատանիներ:
Ծրագիրին մէջ ընդգրկուելու համար՝ ս.թ. Յուլիս 26-էն Օգոստոս 6, ժամը 10:30-ին անհրաժեշտ է ներկայանալ Ստեփանակերտի Սայաթ-Նովայի անուան երաժշտական քոլէճ:
Ծրագիրը պիտի տեւէ մէկ ամիս, ամէն օր առաւօտեան ժամը 11:00-13:00, բացառութեամբ՝ Շաբաթ եւ Կիրակի օրերուն: Ծրագրի ղեկավարն է՝ Շուշիի Վարանդա մանկական, պատանեկան եւ երիտասարդական պետական երգչախումբի գեղարուեստական ղեկավար եւ խմբավար՝ Զաքար Քեշիշեան: