Հայաստանի վարչապետ Կարէն Կարապետեանի որոշմամբ, 17 Հոկտեմբերին, Արթուր Յովհաննիսեանը նշանակուած է ՀՀ արդարադատութեան նախարարի առաջին տեղակալ: Վարչապետին որոշման մէջ կ՛ըսուի.
«Հիմք ընդունելով Հայաստանի Հանրապետութեան Նախագահի 2007 թուականի Յուլիս 18-ի ՆՀ-174-ն հրամանագիրով սահմանուած կարգի 121-րդ կէտի 6-րդ ենթակէտը` Արթուր Յովհաննիսեանը նշանակել Հայաստանի Հանրապետութեան արդարադատութեան նախարարի առաջին տեղակալ»:
Նշենք, որ Արթուր Յովհաննիսեանը Փաստաբաններու պալատի նախագահի տեղակալն էր: ԱՆ փոխնախարարի պաշտօնը թափուր մնացած էր Արսէն Մկրտչեանի` Հայաստանի Հանրապետութեան վերաքննիչ քաղաքացիական դատարանի դատաւոր նշանակուելէն ետք:
Վարչապետ Կարէն Կարապետեանի որոշումով՝ Ատոմ Ջանջուղազեանը նշանակուած է ՀՀ ելեւմուտքի նախարարի առաջին տեղակալ՝ ազատուելով Հայաստանի Հանրապետութեան ելեւմուտքի նախարարի տեղակալ-գլխաւոր գանձապետի պաշտօնէն:
Զարմինէ Զեյթունցեանը նշանակուած է ՀՀ տնտեսական զարգացման եւ ներդրումներու նախարարութեան Զբօսաշրջութեան պետական կոմիտէի նախագահի ժամանակաւոր պաշտօնակատար: