Առայժմ անյայտ բարերարը, որ միաժամանակ այս ծրագիրը յղացողն է, Արցախի եւ Սիւնիքի եկեղեցիներու խորհրդային գորգերը պիտի փոխարինել տայ նոր գորգերով։
«Մեգերեան կարպետ» գործարանին մէջ այժմ հինգ գորգ կը գործուի՝ երեքը Գանձասարի եկեղեցիին համար եւ միւս երկուքը՝ Արցախի նախագահական նստավայրին։ Գորգերուն գծագիրները պատրաստ են տարբեր եկեղեցիներու համար եւ բոլորն ալ եզակի են իրենց տեսակին մէջ։