Լիբանանի բանակը Օգոստոս 19ին սկսաւ յարձակում գործել Սուրիոյ սահմանին մօտ գտնուող «Իսլամական Պետութեան» դիրքերու վրայ, մինչ լիբանանեան Հզպալլա խմբաւորումը ԻՊ-ի դէմ յարձակումը սկսած է սահմանին սուրիական կողմէն։
Լիբանանեան բանակը յարձակած է Ռաս Պաալպէք քաղաք, գործածելով հրթիռներ, հրետանի եւ ուղղաթիռներ։ Իսկ Հզպալլա կ՚ըսէ, թէ իրենք կը կռուին սուրիական բանակին կողքին։ Սակայն, Հզպալլային պատճառով Լիբանան կրնայ կորսնցնել ԱՄՆի կողմէ ցուցաբերուող ռազմական աջակցութիւնը։
Լիբանան կը շարունակէ յայտարարել, որ գործողութիւնները համակարգուած չեն եւ ամէն մէկ կողմ կ՚աշխատի առանձին։