Հայաստանի եւ արտասահմանի մէջ կան հայազգի գիտնականներ, որոնք կը տիրապետեն միջուկային զէնքի պատրաստութեան եւ կրնան որեւէ ատեն այդ հարցով զբաղիլ։ Այսպէս յայտարարած է ԿԳՆ Գիտութեան պետական կոմիտէի նախագահ Սամուէլ Յարութիւնեանը Երկուշաբթի օր։ Սակայն, Հայաստանի մէջ չկան անհրաժեշտ միջոցներ եւ գումարներ, շարունակած է ան։ «Իրագործումը շատ մեծ գումարներ կը պահանջէ եւ մենք առայժմ չունինք», ըսած է ան։
Նշենք, որ հայկական աթոմային ելեկտրակայանը միակն է Հարաւային Կովկասի մէջ եւ ան կը գտնուի Երեւանէն մօտ 20 մղոն արեւմուտք՝ Մեծամօր քաղաքին մօտիկ։ Ներկայիս կայանին արտադրանքը կը բաւարարէ Հայաստանի բնակչութեան կողմէ օգտագործուող ելեկտրականութեան 40 տոկոսը։