Սուրիա
Հալէպի ԹՄՄ-ը Ոգեկոչեց Հայոց Ցեղասպանութեան 106ամեակը
Մեծ Եղեռնի 106րդ տարելիցին տխուր առիթով Հալէպի Թէքէեան Մշակութային Միութիւնը Եկաւեան գրադարանին մէջ, Ուրբաթ 23 Ապրիլ 2021ի երեկոյեան կազմակերպեց Հսկումի Պահ մը նուիրուած մեր անմահ նահատակներու յիշատակին:
Բացման խօսքին մէջ Տք. Յարութիւն Նազարեան շեշտեց կարեւորութիւնը նոր սերունդներուն մէջ բիւրաւոր նահատակներու յիշատակը վառ պահելու եւ պահանջատիրութեան հարցի հետապնդման հարցին:
Ներկայացուեցաւ պատշաճ գեղարուեստական յայտագիր պատրաստուած Ընկ. Րաֆֆի Քէչէճեանի կողմէ , Մասնակցութեամբ` Տարօն Գասպարեանի,Փաթիլ Քէչէճեանի,Արփի Գրտանեանի,Լիլիթ նազարեանի,Միրէյ Աթոքեանի, Ռոզալի Պարտիզպանեանի,Էլի Նազարեանի,Սագօ Քէչէճեանի,Աննա Մարիա Քէչէճեանի,Սէրա Աթոքեանի և Լեւոն Քէօսէեանի:
Մասնակիցները ասմունքով, երգով եւ նուագով ոգեկոչեցին մեր նախնիներու յիշատակը:
Խունկ ու ծուխ անշիրիմ նահատակներու յիշատակին:
Փառք ապրողաց: