Հարաւային Ափրիկէի, Աւստրալիոյ եւ Պրեմենի մէջ գտնուող Ճէյքըպսի համալսարանի նեարդակենսաբանները համակարգչային «մօտել» մը մէջտեղ բերած են, որ ստեղծագործական գործընթացները կը բաշխէ ուղեղի «նիւրոնային» ցանցերուն:
Ստեղծագործական գործունէութենէն մեկնելով այդ ցանցերը կրնան տարբեր ձեւով դասաւորուիլ: Հետազօտութեան արդիւնքները վերջերս հրապարակուած են Neuroscience & Biobehavioral Reviews ամսագրին մէջ, որ նոր, օգտակար եւ անսպասելի լուծումներու ստեղծումն է:
Հետազօտողները կը պնդեն, որ յարակից ճանաչողական գործընթացները, ինչպէս՝ վերացականութեան, «իմփրովիզէյշըն»ի կամ տարբեր մտածողութեան կարողութիւնը, կ՛ազդեն ուղեղի զանազան հատուածներուն վրայ, որոնք փոխկապակցուած են:
Այս տարածքները կը ներառեն ուղեղիկը, «հիփոքէմփըս»ը, նախաճակատային կեղեւը եւ «պէյզըլ կանկլիա»ն: Գիտնականները եզրակացուցած են, որ ստեղծագործութեան տեսակէն կախեալ՝ կ՛աշխուժանան տարբեր ոլորտներ։
Նմանութիւնները եւ տարբերութիւնները ստեղծարարութեան այս տեսակներուն եւ անոնց «նիւրոնային սքեմաներու»ն միջեւ նկարագրուած են «մօտել»ին կողմէ՝ «ալկորիտմ»ներու օգնութեամբ: Տոփամինը որպէս «մոտիւլէյթըր» կարեւոր դեր կը խաղայ՝ ստեղծագործական նեարդային ուղիները վերահսկելու հարցին մէջ:
Վերոնշեալ «մօտել»ին շնորհիւ գիտնականները առաջին անգամ ստեղծագործական երեք ձեւերու միջեւ միասնական շրջանակ կը ստեղծեն: Նեարդակենսաբանները նշած են, որ այսպիսով յոյս ունին նպաստելու նեարդային «մեքանիզմ»ներու աւելի լաւ ըմբռնման եւ աւելցուցած, որ այս «մեքանիզմ»ներու մասին կարելի եղած չափով շատ տեղեկացուած ըլլալու պարագային, կարելի է նպաստել ուղեղի խանգարումներ ունեցող մարդոց համար խոստմնալից միջամտութիւններ իրագործել։
Afhil.com