Մտաւորական, լրագրող, հասարակական գործիչ եւ ՌԱԿ բազմաթիւ թերթերու շուրջ կէսդարեայ խմբագիր Դոկտոր Նուպար Պէրպէրեանի 2022 թուականի մրցանակաբաշխութեան դիմելու մեկնարկը տրուած է:
Նուպար Պէրպէրեանի մրցանակը կը տրուի հայկական ծագում ունեցող ուսանողներուն, որոնք կը մասնագիտանան միջազգային իրաւունքի կամ քաղաքագիտութեան մէջ:
Մրցանակաբաշխութիւնը սահմանուած է մտաւորականի կտակին համաձայն, իսկ Պէրպէրեան կեանքէն հեռացած է 2016 թուականի Նոյեմբեր 23ին, 94 տարեկան հասակին:
Մրցանակաբաշխութեան մասնակցելու պայմաններն են՝
- կրնան մասնակցիլ ուսումնական հաստատութիւններու՝ հայկական ծագում ունեցող ուսանողները, որոնք գլխաւորապէս մասնագիտացած են կամ միջազգային իրաւունքի, կամ քաղաքագիտութեան մէջ:
- դիմորդը պէտք է ամբողջական դրոյքով ներգրաւուած ըլլայ աշխարհի հաւատարմագրուած քոլէճներու կամ համալսարաններու պաքալորէայի կամ ասպիրանթուրայի ծրագիրներով:
- դիմորդը պէտք է ներկայացնէ ամբողջական տեղեկատուութիւնը, որ սահմանուած է դիմումի ձեւով:
- դիմորդը պէտք է ներկայացնէ քոլէճի գրագրի պատճէնը:
- դիմորդը պէտք է ներկայացնէ դիմանկար:
- դիմումնագիրը հնարաւոր է ստանալ Tcadirector@aol.com ելեկտրոնային փոստին գրուած նամակի միջոցով:
- դիմորդները պէտք է դիմումները ներկայացնեն ելեկտրոնային տարբերակով՝ ուղարկելով Tcadirector@aol.com հասցէով:
- յայտերու ընդունման վերջնաժամկէտը 2022 Սեպտեմբեր 15-ն է:
- հիմնադրամի կառավարիչները 2022 թ. Հոկտեմբերին կը քուէարկեն որակաւորուած յաղթողներու օգտին՝ հաշուի առնելով իւրաքանչիւր դիմումատուին ներկայացուցած դիմումը:
- յաղթողը կամ յաղթողները կը ստանան իրենց մրցանակները 2022 Նոյեմբերին:
- յաղթողները իրաւասու չեն կրկին դիմել մրցանակի համար: