Զինեալներ ահաբեկչութիւն իրականացուցած են Ֆրանսայի Րուան քաղաքին մէջ: Այս մասին տեղեկութիւն հաղորդող աղբիւրներ կը յայտնեն, որ զինեալներ մուտք գործած են Ֆրանսայի Րուան քաղաքի եկեղեցի եւ պատանդ վերցուցած հոն եղողները: Աւելի ուշ հաղորդուեցաւ, որ տեղի ապահովական մարմինները յաջողած են վնասազերծել ահաբեկիչները եւ սպաննել երկու զինեալները: Եկեղեցիէն ներս եղած են 6 անձեր, որոնցմէ մին ՝ քահանայ մը մորթուած գտնուած է եկեղեցիէն ներս: Տահէշ ահաբեկչական խմբաւորումը ստանձնած է դէպքին պատասխանատուութիւնը: Հռոմի Ֆրանչիսքոս Պապը դէպքէն անմիջապէս ետք դատապարտած է եղածը, իսկ Ֆրանսայի նախագահ Ֆրանսուա Հոլլանտ յայտարարած է, թէ պետութիւնը ամէն գնով պիտի սաստկացնէ պայքարը երկիրը թիրախ դարձուցած ահաբեկչութեան դէմ: