Ուրբաթ, Մարտ 29, 2024

Շաբաթաթերթ

«Ղարաբաղի հարցով միակողմանի զիջում չի կրնար ըլլալ». Նախագահ Սերժ Սարգսեան

Բաղրամեան փողոցի  իր նստավայրէն  ներս  ընդունելով երկրի քաղաքական    եւ կրօնական աւագանին ՀՀ նախագահ Սերժ Սարգսեան ելոյթ մը ունենալով ներկայացուցած է իր եզրակացութիւնները՝ կապուած վերջին օրերուն Երեւանի մէջ տեղի ունեցած զարգացումներուն: Նախագահը մասնաւորապէս ըսած է,  «ոչ  ոք  թող փորձէ Հայաստանը պատանդի կարգավիճակի մէջ դնել»: Ան նաեւ  ըսած է, որ բոլոր ոլորտներու մէջ եղած  կորուստներն  ու  տնտեսութեան հասցուած վնասները աններելի ու անընդունելի են: Ան  դիտել տուած,  որ   Երեւանը Պէյրութ կամ Հալէպ չէ:  Անոր  ըսելով, ոչ ոք պէտք է փորձէ Միջին Արեւելքի խնդիրները Հայաստան փոխադրել:ՀՀ նախագահը նաեւ ներողութիւն  խնդրած է լրագրողներէն 29 յուլիսի գիշերը եղած դէպքերուն համար բարձր գահատելով Հայաստանի լրագրողական դաշտի եւ լրագրողներու կատարած աշխատանքն ու երեւելի ճիգը Էրէբունիի ՊՊԾ  գունդի խնդրի խաղաղ լուծման համար: Նախագահը իր խօսքի աւարտին անդրադարձած է Ղարաղաբեան հիմնախնդրի շուրջ եղած խօսակցութիւններուն վստահեցնելով, որ Ղարաբաղը պիտի չըլլայ Ազրպէյճանի կազմին մէջ  ու նաեւ բացառուած է, որ հայկական կողմը   միակողմանի զիջումներու   երթայ: «Ես իմ  գիտակցական ողջ կեանքս  նուիրած եմ  Ղարաբաղի  հիմնախնդրի կարգաւորման ու այսօր եւս  պատրաստ եմ իմ ժողովուրդի համար ընդունելի տարբերակի ապահովման համար  զոհաբերել, ոչ միայն ցանկացած պաշտօն այլ նոյնիսկ կեանքս»,-եզրակացուցած է Հայաստանի նախագահը: Նշենք, որ այսօրուան  հանդիպման ներկայ եղած են երկրի վարչապետը,  պետական նախարարներ   եւ ԱԺ  պատգամաւորներ, ինչպէս նաեւ Ամենայն Հայոց Ն.Ս.Օ.Տ.Տ. Գարեգին Բ.ն Վեհափառ հայրապետը:

ՅԱՐԱԿԻՑ ՅՈԴՈՒԱԾՆԵՐ

ՆՈՐ ՅԱՒԵԼՈՒՄՆԵՐ