Հունկարիան Հայկական հարցի վերաբերեալ Գերմանիոյ նման չի վարուիր: Այս տեսակէտը յայտնած է Թուրքիա-Հունկարիա խորհրդարանական բարեկամութեան խումբի նախկին նախագահ, Թուրքիոյ հարցերով մասնագէտ Թամաս Հեկետեուսը: Այս մասին կը յայտնէ «Haberler» կայքը, նշելով որ յառաջիկայ ամիս Հունկարիոյ խորհրդարանի արտաքին հարցերու յանձնաժողովին կը նախատեսուի Հայոց ցեղասպանութեան բանաձեւի քննարկումը: Աղբիւրի համաձայն բանաձեւ ներկայացուցած է «Կանաչներու կուսակցութիւնը», որ 199 հոգինոց խորհրդարանոին մէջ ներկայացուած է 5 պատգամաւորով:
Խօսելով խորհրդարանի մէջ բանաձեւի քննարկման մասին Հեկետեուսը համոզմունք յայտնած է, որ այն քուէարկութեան չի դրուիր: