Պոլսահայ երգչուհի Սիպիլ 14 Հոկտեմբերին Երեւանի մէջ կը ներկայացնէ իր նոր տեսահոլովակը: «Վանայ լիճին…» կոչուող երգը եւ տեսահոլովակը կը ներկայացնեն հայու յոյզերն ու կարօտը իր հոգեւոր հայրենիքի հանդէպ: Երգը զրոյց է Վանայ լիճի հետ։
Երգը գրուած է «Պատասխան՝ 100 տարի անց» ծրագրի ծիրէն ներս՝ Արեւմտեան Հայաստան կատարուած ուխտագնացութեան տպաւորութիւններու ներքոյ: Ծրագրի համակարգող եւ երգի հեղինակ Յասմիկ Հախւերտեանը կը նշէ, որ այն փաստը, որ ծրագրի մէկ մասը կազմող ստեղծագործութեան կատարումը վստահուած է Սիպիլին, իր մէջ կարեւոր խորհուրդ կը պարունակէ: