Կիրակի, Մարտ 3, 2024

Շաբաթաթերթ

Տրապիզոնի հաւաքին Էրտողանի ելոյթի ժամանակ մասնակիցները «Հայ բիճեր» վանկարկած են

Թուրքիոյ նախագահ Ռեճեփ Թայիփ Էրտողանի Տրապիզոնի հանրահաւաքին ունեցած ելոյթի ժամանակ մասնակիցները հայերուհասցէին վիրաւորական վանկարկումներ ըրած են: Այս մասին կը գրէ թրքական «Haber.sol.org» լրատուակայքը, նշելով, որ անոնք հայերուն կոչած են «բիճեր»:

Էրտողան իր իր ելոյթին մէջ յայտարարած է.«Յիշեցէք, թէ ինչ կ’ըսէի ձեզ: Օր մը պիտի մեռնինք, չէ՞: Բայց կայ մարդու պէս մեռնիլ, եւ կայ «մատամ»ի պէս մեռնիլ»:

Էրտողանի այս խօսքերուն ուղեկցուած են հանրութեան «Հայ բիճերը մեզ չեն վախցներ» վանկարկումները: Կը նշուի, որ Էրտողան չէ փորձած դադարեցնել այս աղաղակները, աւելին, ան քիթին տակէն ծիծաղելով շարունակած է իր ելոյթը:

Նշենք նաեւ, որ Թուրքիոյ ազգային մեծ ժողովի (TBMM) հայ պատգամաւոր Կարօ Փայլան յայտարարած է, որ հանրահաւաքի ժամանակ հնչած այդ ազգայնամոլ վանկարկումներուն համար Էրտողանի դէմ դատական հայց  պիտի ներկայացէ:

 

 

 

ՅԱՐԱԿԻՑ ՅՈԴՈՒԱԾՆԵՐ

ՆՈՐ ՅԱՒԵԼՈՒՄՆԵՐ