Շաբաթավերջին արցախեան սահմանին հակառակորդը հրադադարը խախտած է շուրջ 100 անգամ, որուն ընթացքին, հայ դիրքապահներու ուղղութեամբ արձակած է աւելի քան 2300 կրակոց: Շփման գիծի հիւսիսային ուղղութեամբ` չէզոք գօտիի մէջ, դիտարկուած են ականազերծում կատարող ազրպէյճանական խումբ մը զինծառայողներ:
ԼՂՀ պաշտպանութեան նախարարութեան մամլոյ ծառայութենէն կը յայտնեն, թէ պաշտպանութեան բանակի յառաջապահ զօրամասերուն կողմէ ձեռնարկուած պատասխան գործողութիւններու արդիւնքով` հակառակորդը ետ շպրտուած է: