Զինուորական ծառայութեան ժամանակ պարտականութիւնները կատարելու ընթացքին վիրաւորուած զինծառայողներ Մհեր Պետրոսեան եւ Աշոտ Գրիգորեան պիտի տեղափոխուին արտերկիր բուժման համար, եւ անոնց բուժման գումարը պիտի հատուցէ կառավարութիւնը: «Հայ Ձայն»ի փոխանցմամբ, այդ մասին որոշումը կայացուած է այսօր, կառավարութեան նիստի ժամանակ:
Մասնաւորապէս, Մհեր Պետրոսեան պիտի տեղափոխուի Գերմանիա եւ բուժման գումարը՝ 26 մլն դրամ, պիտի փոխանցուի պաշտպանութեան նախարարութեան, որ իր հերթին պիտի փոխանցէ Մհերին ուղեկցող անձին՝ անոր ծնողին:
Իսկ Աշոտ Գրիգորեան պիտի տեղափոխուի Ռուսիա, որուն բուժման համար պիտի փոխանցուի 713 հազար դրամ: