Երեքշաբթի, Դեկտեմբեր 6, 2022

Շաբաթաթերթ

Array

ԱՄՆ իրեն կը վերագրէ «Իսլամական Պետութեան» դէմ տարուած բոլոր յաղթանակները

Ուաշինկթընի ղեկավարութեամբ եւ 68 երկիրներու պատուիրակութիւններու ներկայութեամբ գումարուած Միջազգային Դաշնութեան նիստի աւարտին, ԱՄՆ արտաքին գործոց նախարարութիւնը յայտարարած է, որ «Իսլամական Պետութիւն» խմբաւորումը իր տիրապետութեան տակ գտնուող տարածքներու 58 տոկոսը կորսնցուցած է Իրաքի մէջ, իսկ Սուրիոյ մէջ՝ 27 տոկոսը: Այս մասին կը տեղեկացնէ «Ռիա Նովոսթի» գործակալութիւնը:

Յայտարարութեան մէջ նշուած է նաեւ, որ Միջազգային Դաշնութեան ուժերը, ԱՄՆ-ի ղեկավարութեամբ, 2014 թուականէն ի վեր Սուրիոյ եւ Իրաքի մէջ կեդրոնացած «Իսլամական Պետութիւն» խմբաւորման կայանատեղիները օդային ռմբակոծումներու կ’ենթարկեն:

Նշեալ դաշնութիւնը ո’չ Ռուսիոյ, եւ ոչ ալ Սուրիոյ եւ Իրաքի կառավարութիւններուն հետ կը համագործակցի, սակայն Ռուսիոյ հետ ռմբակոծման վայրերու մասին տեղեկատուութեան փոխանակում կը կատարէ՝ հաւանական վթարներէ խուսափելու նպատակով:

ՅԱՐԱԿԻՑ ՅՈԴՈՒԱԾՆԵՐ

ՆՈՐ ՅԱՒԵԼՈՒՄՆԵՐ