Ռուսիոյ նախագահ Վլատիմիր Փութին յայտարարած է, որ տակաւին չի գիտեր, թէ ի՞նչ պէտք է սպասել ԱՄՆ-ի նորընտիր նախագահ Տանըլտ Թրամփէն, որ Յունուար 20-ին պիտի կատարէ իր երդմնառութիւնը, դառնալով Միացեալ Նահանգներու նախագահ։ «Ես պարոն Թրամփին ծանօթ չեմ, չեմ գիտեր, թէ ան ինչ պիտի ընէ արտաքին քաղաքականութեան մէջ», ըսած է Փութին։
Ռուսիոյ նախագահը աւելցուցած է, որ կը յուսայ, որ Մոսկուայի եւ Ուաշինկթընի յարաբերութիւնները կը վերականգնուին։