Մոնթրէալի մէջ, Քանատա, իր մահկանացուն կնքած է Հայոց Ցեղասպանութեան վերջին վերապրողներէն Քնար Պոհչալեան-Եմէնիճեանը 108 տարեկան հասակին։ Ան ունէր երկու զաւակ, երեք թոռ եւ հինգ ծոռ։
Ծնած էր 1909-ին, Կեսարիա։ 1915-ին ականատես եղած է աքսորի, ստիպուած եղած է փոխել կրօնքն ու ինքնութիւնը, վերջապէս հաստատուելով Եգիպտոս՝ վերադառնալով իր հայկական ինքնութեան։ Եօթանասունականներուն ան հաստատուած էր Քանատա։