ԱՄՆ նախագահ Տանըլտ Թրամփի ազգային անվտանգութեան գծով նախկին օգնական Մայքըլ Ֆլինը Թուրքիոյ իշխանութիւններուն հետ քննարկած է իսլամիստ քարոզիչ Ֆեթուլլա Կիւլէնը ապօրինաբար Անքարային արտայանձնելու հարցը, կը գրէ «Տը Ուոլ Սթրիթ Ճըրնըլ»ը։ Հանդիպումը տեղի ունեցած է Սեպտեմբեր 19-ին, որուն մասնակցած են նաեւ Թուրքիոյ նախագահ Էրտողանի փեսան, արտաքին գործոց նախարար Չաւուշօղլուն եւ Կեդրոնական Հետախուզութեան Վարչութեան նախկին տնօրէն Ճէյմս Վուլս։ Վերջինս պատմած է, որ հանդիպումին ընթացքին քննարկուած է «ուշ գիշերով զայն վտարելու» գաղափարը, առանց արտայանձնումի մասին պաշտօնական որոշումի։ Վուլս դէմ եղած է այդ առաջարկին, որուն մասին զեկուցած է ԱՄՆ-ի փոխ նախագահ Ճօ Պայտընին։