Անցեալ շաբաթ ԱՄՆ-ի մէջ ՀՀ դեսպան Գրիգոր Յովհաննիսեան հանդիպում ունեցած է ԱՄՆ-ի Քոնկրէսի Ներկայացուցիչներու պալատի Հանրապետական մեծամասնութեան ղեկավար Քեւին ՄըքՔարթիին հետ։
Դեսպանը երախտագիտութիւն յայտնած է, որ Քոնկրէսէն ներս Հայաստանին վերաբերող հարցերը ուշադրութեան կ՚արժանանան։ Անոնք քննարկած են Հայաստան-ԱՄՆ երկկողմ յարաբերութիւնները՝ ընդգծելով ԱՄՆ-ի հայ համայնքին դերակատարութիւնը։ Անդրադարձած են նաեւ տարածաշրջանային արդի խնդիրներու։